Matayu 3:9 - Maaron Saveeŋ Tooni Patabuyaaŋ Tuam

⁹ Yam aghe Abaram paaghu tooni yam. Eemon anumeer tana sov. Pa yau nasaav payam: Maaron, i irau isaav pa maet tane, ve tiburig timin Abaram paaghu tooni. Yo 8:33, 39; Ro 2:28+; Ga 3:7

Mutu (Oov)

⁹ Yam aghaze Abaraam papaghu toni yam. Eemoghon anumeer mbeb tonenen malep. Pasa, you nasaav payam: Maaron, ye irau isaav pa yaam tonene, ve timundig tinim Abaraam papaghu toni. Yo 8:33,39; Ro 2:28+; Ga 3:7

Matayu 3:9 Referans Kwoze

Lukas 3:8

Isaav ighe onoon yam apul ŋgar tsiam sasaghati ileple ve atoor ŋgar tsiam ila pa Maaron, na atotoi anooŋa tooni popoia siriv ivot gha taghita. Yam aghe Abaram paaghu tooni yam. Eemon anumeer gabua tana sov. Pa yau nasaav payam: Maaron, i irau isaav pa maet tane, ve tiburig timin Abaram paaghu tooni. Mt 7:17+; Yo 8:39; Ro 2:28+; Ga 3:7

Yoan 8:33

Yes tiyol aliiŋa tighe: “Wai, yei tane Abaram paaghu tooni. Yei nimin besooŋa sorok pa tamtamon eta pai eta soone. Mindai ta yo usaav ughe yei aat nimin besooŋa sorok muul mako?” Lu 3:8+

Rau Tau Paulus Iboode Pa Yes Roma Rom--Romans 4:1

Aiyo, iit mataan iŋgal ila pa Abaram tau yei Yuda nivot ila tooni na. Pale tasaav mindai pani?

Uraat To Yes Mbaŋooŋa 13:26

Ra Paulus isaav pazi ighe: “Yam toŋvetaz, yam tau Abaram paaghu tooni, ve yam siriv tau aroron pa Maaron ve ataghon ŋgar tooni na paam, alooŋ. Maaron aliiŋa tau isavia eez tau i igham mulin tamtamon, ene iŋarui ghiit. Lu 24:47; Mbaŋ 2:39, 3:26

Lukas 16:24

Tauvene iboob ila pa Abaram ighe: ‘Oyai, tamaŋ Abaram, lolom raa, isaghatin ghau ve umbaaŋ Lasarus ilam. Leso izeev niima ŋguruuŋa izila yaa, ve ipaluum yamag rigta. Pasaa, yau naleep ila yav tane loolo, ve yavyavuuŋ tiina kat igham ghau.’ Mk 9:48

Yoan 8:53

Timbumai Abaram, i imaat wa. Ve yes propet paam timataar wa. Yo saa ŋeer? Yo ughe uliiv Abaram? Usavia taum poi!”

Lukas 5:22

Yesu ighilaal ŋgar toozi wa. Tauvene ighason zi ighe: “Puughu mindai ta yam agham ŋgar naol ila lolomim?

Markus 7:21

Pasaa, ŋgar sasaghati tau igheen ila tamtamon lolozi ve ivotvot, tauta ipapaburigin zi gha matazi iŋgal ŋgar sasaghati naol imin: tighur boog, tium, tirav tamtamon timaat, tivaghamunia vaiŋ, matazi aniiŋ, tigham taliiŋzizi, tigham karom, matazi saghati imin ŋgavuun ve ŋgai, tighur koi pa zetazŋa tau lezi gabua katini, tisik saveeŋ saghati pa zetazŋa ve Maaron paam, tipait tauzi ezazi, ve tigham ŋgar sasaghati siriv paam imin yes tau tikankaan pa Maaron.

Uraat To Yes Mbaŋooŋa 15:14

Maaron ighe iyau tamtamon to nugh nugh timin le, leso igham eeza ivot imin tiina. Ŋgarig gha Simon ipaesia saawe imin maata tau Maaron igham tamtamon siriv tau Yuda mako na timin le.

Lukas 19:40

Eemon Yesu iyol aliŋazi ighe: “Yau nasaav payam: Isaav ighe zeran tane tineneeŋ, ene aat maet tiburig ve tipakur Maaron toman aliŋazi tiina.” Hab 2:11

Lukas 7:39

Ŋeer tutuuŋa tau isain Yesu pa ghanghaniiŋ na, ighita ŋgar tau livaa tana ighamu, ve igham ŋgar ila loolo ighe: “Wai, isaav ighe onoon ŋeer tane propet tauu to Maaron, kanaŋ ighilaal ighe livaa tau ikiskisi ne, i livaa to sosor.”

Lukas 12:17

I ighita anoŋazi tawe, ve igham ŋgar ighe: ‘Wai, pale nagham mindai pa aniiŋ tsiau tane? Naghur zi sindei? Pa balbaal tsiau tirao mako.’

Yoan 8:37

Onoon, yam paaghu to Abaram. Eemon saveeŋ tsiau le niia eta to igheen ila lolomim mako. Tauta aazne, azuari gham aghe le arav ghau namaat.