Matayu 26:67 - Maaron Saveeŋ Tooni Patabuyaaŋ Tuam

^67-68 Ra tamtamon toozi siriv tiburig gha tivuragh naagho, tiravu, tiposaii, ve tipaŋiŋizaini tighe: “Yo Mesia ve propet ne? Na usaav payei: Sei ta irav ghom ne?” Is 50:6, 53:5

Mutu (Oov)

^67-68 Ghoro tamtoghon todi pida timundig ve tivurag nagho, tirabi, tipambari, ve tipamogherani tighaze: “Yom Mesia ve propet ne? Yo, usaav payei: Sei to irab ghom ne?” Is 50:6, 53:5

Matayu 26:67 Referans Kwoze

Yoan 18:22

Yesu isavia saveeŋ tane, ve uraata ee tau iyooz igharauu na, iposai paaŋa, ve isaav pani ighe: “Ai, uyol daaba to watooŋrau saveeŋ tooni tauvena pasaa? Uroron pani mako?”

Matayu 27:30

Ve tiŋazuvu, ve tigham toon gha tiloslos daaba pani. Is 50:6

Markus 14:65

Ra tamtamon toozi siriv tiburig gha tiŋazuvu, tikau maata, tiravu, ve tipaŋiŋizaini tighe: “Yo propet, ne? Na uvotia Maaron aliiŋa payei!” Ra yes uraata siriv to Rumei Tiina anazi tighamu, ve tiposai naagho paam.

Matayu 5:39

Eemon yau nasaav payam tauvene: Ŋgar saghati tau tamtamon tigham payam, na ayatu sov. Ayokia taumim mon. Tauvene isaav ighe ŋeer eta iposai paŋam ila pa tapir, na uyol niima sov. Utoor ghom, ve iposai paŋam ite paam. Ro 12:17,21; 1Tes 5:15

Hibru 12:2

Ve mataan ila pa gabua ite paam sov. Mataan ila pa Yesu mon, ve talaan ŋaruini tala. Pasaa, i ta imuuŋ pait ve itotoi ghiit pa eez to ghuruuŋ ila. Ve i ta pale igham uratoi ghiit le ghuruuŋ ila toit ivot le iduduuŋ kat ila Maaron maata. Aghita. I ibaad pataŋani, ve tiravu imaat izala ai pambarooŋ. Eemon i ighita mayaŋa tawe imin kaut sorok. Pasaa, i iwatagh: Isaav ighe itaghon duduŋai Maaron ŋgar tooni, ene pale murei ileep poia toman tintini. Tauta aazne, i ileep ila Taama Maaron niima tapir igharau niia to ghamuuŋ pooz. Pil 2:8+; Hib 1:3, 3:1

Markus 15:19

Ve tigham toon gha tiloslos daaba pani, tiŋazuvu, ve tiput aghezi pani imin pakuruuŋni.

1 Korin 4:13

Tamtamon tiŋgalŋgal saveeŋ payei, eemon yei niyol saveeŋ toozi pa saveeŋ poia. Tauta muuŋ ve ilam, tamtamon tivelegh ghei kat ve tighit ghei tighe yei sasaghatmai imin pen ve buzbuz to taan. 1Pe 3:9

Markus 10:34

Ve anazi tipaŋiŋizaini, tiŋazuvu, ve tilosi pa waar tuatua, ra tiravu imaat. Eemon mboŋ imin tol, i pale iburig pa mateegh.”