Matayu 25:34 - Maaron Saveeŋ Tooni Patabuyaaŋ Tuam

³⁴ “Mako kinik isaav pa yes tau tileep pa niima tapir na ighe: ‘Yam zeran tau poia to Tamaŋ Maaron igheen tomani gham na, alam aloŋ ala nugh tooni, ve agham lepoogh poia tau ezamim pani na. Muuŋ geeg, saawe tau i ighur sambam ve taan soone, i igharaat nugh tane payam. Ep 1:4

Mutu (Oov)

³⁴ “Ghoro kinik isaav pa yes to tineep ila pa nima waan ighaze: ‘Yam ndiran to poia to Tamaŋ Maaron ineep toman gham, anim alooŋ ala ndug toni, ve agham nepooŋ poia to izamim pani. Muuŋ kat, sawa to ye ighur sambam ve taan sone, ye igharaat ndug tonene payam wa. Ep 1:4

Matayu 25:34 Referans Kwoze

Yakobus 2:5

Yam toŋvetaz, lolog igheen tsiam kat. Alooŋ. Yes mbolaaŋa tau tamtamon to taan tivevelegh zi na, Maaron isiigh zi timin le, ve igham zi tighur ila tooni ariaaŋ. Tauta ezazi pa ghamuuŋ lepoogh poia tomania Maaron izi nugh tooni sambam. Nugh tawe, i imbu saveeŋ pa yes tau lolozi igheen tooni na, ighe i pale igham zi tila tileep pani. Lu 6:20; 1Kor 1:26+

Saveeŋ Yoŋgaaŋ 21:7

Tamtamon tau ighe iyooz ariaaŋ ve iliiv tovaaŋ, i aat eeza pa ghamuuŋ gabua popoia naol tau nasavi zi ne. Ve yau aat namin Maaron tooni, ve i imin natug. 2Kor 6:18; Hib 8:10

Saveeŋ Yoŋgaaŋ 13:8

Ve eval tiina to taan tiput aghezi pa gabua tawe ve tipakuru. Ene yes tau ezazi igheen ila rau to lepoogh maata yaryaare mako. Rau tawe, Sipsip to Maaron tau tiravu imaat na, ta iŋgini. Muuŋ geeg, saawe tau Maaron ighur sambam ve taan soone, i ibood tamtamon tooni ezazi ila rau tawe pataghaaŋ wa. Lu 10:20; Ep 1:4; Syg 17:8, 20:12+

Matayu 20:23

Yakobus ve Yoan tiyol aliiŋa tighe: “Vee, yeiru irau nighun ila.” Tauvene Yesu isaav pazi muul ighe: “Onoon, rubruub tsiau, yamru pale aghun ila paam. Eemon gabua tau aghason ghau pani ne, yau naŋgini mako. Ene igheen to Tamaŋ Maaron. Sei ta pale ileep pa nimag tapir ve sei ileep pa ŋas, ene i tauu ighur zi pataghaaŋ wa.” Syg 1:9

Saveeŋ Yoŋgaaŋ 17:8

Gabua saghati tau yo ughita na, muuŋ i ileep. Ve aazne, ileep mako. Eemon malau mako pale izaa muul pa puura tau le puughu mako na. Ve ileep rig, o Maaron ivaghamunia gha ilale. Muuŋ geeg, saawe tau Maaron ighur sambam ve taan soone, tibood tamtamon tooni ezazi ila rau to lepoogh maata yaryaare wa. Tamtamon tisov tau ezazi igheen ila rau tawe mako na, yes pale tighita gabua saghati ve tirur pani. Pasaa, muuŋ, i ileep. Ve aazne ileep mako. Eemon murei pale ivot muul. Dan 12:1; Syg 13:1+

Hibru 4:3

Aazne, iit tamtamon tau taghur ila to Krisi, tauta tagham mariaoŋ ila tooni. Ve yes tau tighur ila mako na, irau tigham mariaoŋ tana mako. Pasaa, Maaron isaav ighe: Mt 11:28 “Yau nasaav ariaaŋ pazi toman ateg yavyav, ve napariaaŋ saveeŋ tsiau naghe: ‘Onoon kat. Nugh to mariaoŋ ta naghuru pazi na, yes irau tiloŋ tila mako le mako kat!’ ” Mbo 95:11; Hib 3:11 Eemon mariaoŋ tana ighengheen soone. Pasaa, muuŋ geeg, saawe tau Maaron ighur sambam ve taan, i ipasov uraat tooni le isov. Ve aazne, i isasaŋan ghiit mon.

Lukas 12:32

Yesu isaav muul ighe: “O yam sipsip to Maaron, onoon yam eval mako. Eemon aroi sov. Pa Tamamim Maaron loolo poia payam, ve ighe igham gham aleep ila pooz tooni loolo leso aghita anooŋa tooni. Mt 25:34; Lu 22:29+

Hibru 11:16

Eemon mako. Pasaa, ŋgar toozi iyaryaaŋ pa nugh ite tau poia kat iliiv nugh tau tipuli na. Nugh tawe igheen izi sambam. Tauta saawe tau tipoi Maaron tighe i Maaron toozi, i maaya pa saveeŋ toozi tawe mako. Pasaa, nugh tau tighurghur matazi pani na, i ighuru pazi pataghaaŋ ve isasaŋan zi. Pil 3:20; Hib 13:14

1 Korin 15:50

Yam toŋvetaz, yau nasaav payam tauvene: Anoŋaan to taan, ene irau igham lepoogh to nugh sambam mako. Pasaa, gabua to nugh sambam irau isaghat mako. Tauvene gabua tau isasaghat imin anoŋaan to taan, ene irau igham lepoogh to nugh tawe mako. Maaron aat igham leen anoŋaan paaghu, o tagham lepoogh tawe. Yo 3:5+

Matayu 25:41

“Isavsaav pazi le isov, mako itoor ghi maata ila pa yes tau tiyozyooz pa niima ŋas na, ve isaav pazi ighe: ‘Yam zeran sasaghatmim kat. Tamaŋ Maaron aatyavyav tooni aat izaa tsiam. Aghau payau, ve azila ta yav we. Yav tawe, tigharaata pa Sadan tomania aŋela tooni, ve ighanghan irau saawe. Irau imaat mako. Mt 7:23; Syg 20:10

Saveeŋ Yoŋgaaŋ 19:16

Ŋeer tana, tibood eeza ila nonoghiiŋa tooni ve ila ŋgoi paam tauvene: ‘Kinik Tau Iliiv Kinik Tisov,’ ve ‘Maaron Tiina Tau Iliiv Zimaronŋa Tisov.’ 1Tim 6:15; Syg 17:14

1 Korin 2:9

Ŋgar yoŋgaaŋa to Maaron tau nisavsavia ne, tibood saveeŋa pataghaaŋ tighe: “Maaron igharaat gabua popoiazi naol pa yes tau lolozi igheen tooni na. Gabua tawe, ite kat. Tamtamon eta ighit zi pa maata, ma ilooŋ varuzi pa taliiŋa soone. Ve tamtamon eta irau igham ŋgar pazi paam mako.” Is 64:4; Yer 3:16

Matayu 25:21

“Tiina tooni ilooŋ saveeŋ tooni, ve ipaiti ighe: ‘Paghuuna, yo uraata poia ee! Pasaa, yo utaghon ŋgar tsiau ve uŋgin poghania gabua ŋgirŋgiira tau napul zi ila nimam na, ve ugham uratoi zi. Tauvene yau aat naghur ghom to uŋgin uraat tintiina siriv. Ulam uleep tomani ghau ve itiŋa tintiniin.’ Mt 24:45+; Lu 16:10; 1Kor 4:2

Matayu 19:29

Ve tamtamon tisov tau tigham ŋgar pa yau ezag, ve tipul ruum toozi, toŋvetaz toozi, tamazŋa ve tinazŋa, natuzŋa, ma uum toozi, ene pale poia tiina to Maaron izazaa toozi, le iyol gabua tisov tau tipul zi na, irau ndiŋndiŋ ee (100). Ve yes pale tileep matazi yaryaare le alok. Hib 10:34

Matayu 13:35

Tauvene Maaron aliiŋa tau propet ee ivotia na ighur anooŋa. Isaav ighe: Avog pale ikaak, ve nasavia saveeŋ palelaaŋ. Ŋgar siriv tau iyooŋ indeeŋ saawe tau Maaron ighur sambam ve taan, ve ilam imuul aazne, yau aat nasavi zi tivot tighazooŋ. Mbo 78:2

1 Petrus 3:9

Isaav ighe tamtamon tigham ŋgar saghati payam, na ayatu sov. Ve ighe tisik saveeŋ saghati payam ve tivelegh gham, na ayoli sov. Yam aat agham poghani zi, ve aghason Maaron to ighur poia tooni izaa toozi. Pasaa, i ipoi gham amin le, leso ataghon ŋgar tane. Isaav ighe agham tauvene, ene pale poia tooni izaa tsiam paam. Mt 5:44; Ro 12:14; 1Tes 5:15

2 Timoti 2:12

Ve isaav ighe tayooz ariaaŋ ve tabaad pataŋani pa i eeza, ene pale itiŋa Krisi tagham pooz. Eemon isaav ighe taghur muriin pani ve tapaisamun eeza, i aat ighur muuri pait, ve ipaisamun ezaan paam. Mt 10:33; Ro 8:17; 1Pe 4:13

Galesia 5:21

taghur koi pa zetaanŋa tau lezi gabua katini, taghun le tavaghamgham, itiŋa zetaanŋa talup ghiit ve tagham ŋgar sasaghati naol toman oroor tiina, ve ŋgar sasaghati siriv paam. Saveeŋ tau muuŋ nasavia payam, tauta aazne nayoli muul: Zeran tau titaghon ŋgar tauvene, yes irau tigham lepoogh poia izi Maaron nugh tooni mako. Pasaa, yes titaghon pooz tooni mako. 1Kor 6:9; Syg 22:15

1 Korin 6:9

Yam awatagh mako? Isaav ighe tamtamon eta inoknok ghamuuŋ ŋgar tau iduduuŋ mako, i irau itaghon Maaron pooz tooni ve iloŋ ila nugh tooni ne mako. Tauvene agham karom pa taumim sov. Yes tau matazi saghati imin ŋgavuun, yes tau tibesbees pa maaron karomŋa, yes tau tighurghur boog, zitamoot tau timomogheer pa zetazŋa zitamoot siriv,

Lukas 19:38

“Ŋeer tane, i kinik tau ilam pa Ŋeer Tiina eeza. Poia to Maaron aat izaa tooni ve ipaloti! Aazne, ŋgar luuma ivot ve koi isap itiŋa Maaron to sambam sosoon muul mako. Tapait Maaron tau ileep saaŋa le saaŋa kat na eeza pa tapiri ve poia tooni.” Mbo 118:26; Lu 2:14; Ro 5:1; Ep 2:14

Matayu 5:19

Tauvene isaav ighe tamtamon eta maata veleghin tutuuŋ ziiri rigta, ve isaav pa tamtamon siriv to tigham tauvene paam, ene aat tighita tighe i ŋeer sorok kat izi nugh sambam. Ve tamtamon tau ighe itaghon duduŋai tutuuŋ naol isov, ve ipaghazoŋai tamtamon pani, ene aat tighita tighe i eeza tiina kat izi nugh sambam. Yems 2:10

Matayu 3:2

“Apul ŋgar tsiam sasaghati ileple, ve atoor ŋgar tsiam imuul ila pa Maaron! Pa malau mako pale pooz to nugh sambam ivot ighazooŋ.” Mt 4:17; Mbaŋ 2:38

Saveeŋ Yoŋgaaŋ 5:10

Ve yo ugham zi tisov timin Maaron le. Leso tileep ila pooz tooni saamba, ve tibees pani imin zeran to watooŋrau. Ve yes pale tigham pooz izi taan.” Igham 19:6; 1Pe 2:9; Syg 1:6, 20:6

1 Petrus 1:9

Pasaa, yam aghur ila to Krisi aghe i pale igham mulin gham ve aleep poia. Ve aazne, aghitghita ghuruuŋ ila tsiam anooŋa siriv ivotvot. Ro 6:22

Hibru 9:26

Ve imin ta i itaghon ŋgar tau daaba to watooŋrau to taan titaghoni, kanaŋ saawe tau Maaron ighur sambam tomania taan ve ilam, i inoknok ghamuuŋ yavyavuuŋ ve mateegh. Eemon mako. Aazne ene saawe to Maaron ipasov uraat tooni. Tauta Krisi izilam taan, ve iyoki tauu gha imaat. Leso ireu sosor toit, ve ipasov saghati tapiri. Ve uraat tana, i ighamu pai eemon ve isov. Irau ighamu muul mako. Hib 7:27; 1Pe 3:18

2 Timoti 4:8

Tauvene atuya poia to yes tau tiparav ariaaŋ gha tiliiv na, tauta isasaŋan ghau. Atuya tawe, ene vene: Saawe to Mboŋ Murei, Tiina toit tau gabizooŋ tooni duduuŋa na, pale ighit ghau ighe yau ŋeer duduŋag. Ve yau mon mako. Tamtamon tisov tau lolozi pani, ve tighe le tighita muleeŋ tooni, ene i pale igham ŋgar raraate mon pazi. Yems 1:12; 1Pe 5:4; Syg 2:10

1 Tesalonika 2:12

Pasaa, yei nipalot gham, leso ayooz tuŋia. Ve saawe tau pataŋani igham gham, yei nirav atemim. Ve avomai iyaryaaŋ payam nighe: Maaron igham poghani gham, ve ipoi gham to aleep ila pooz tooni loolo. Leso murei aleep ila mbonari loolo izi nugh sambam. Tauvene yam aat ataghon ŋgar tau Maaron loolo pani, o laghooŋ tsiam iduduuŋ pa poia tooni tiina tau izaa tsiam na. Ep 4:1; Pil 1:27; Kol 1:10

Rau Tau Paulus Iboode Pa Yes Roma Rom--Romans 8:17

Isaav ighe iit Maaron natŋa, ene ezaan pa ghamuuŋ gabua popoiazi naol tau Tamaan Maaron ighe irei zi pa tamtamon tooni. Ve iit mon mako. Itiŋa Krisi pale tagham gabua tawe. Eemon iit aat tabaad pataŋani pa Krisi eeza, o murei itiŋa Krisi taleep poia ila mbonari loolo izi nugh sambam. Ga 3:29, 4:7; Pil 1:29; Syg 21:7

Uraat To Yes Mbaŋooŋa 15:18

Saveeŋ tane, ene Maaron aliiŋa. I tauu ivotia alok wa.’ ” Is 45:21

Uraat To Yes Mbaŋooŋa 3:26

“Tauvene aghita. Saawe tau Maaron ighur uraat ila besooŋa tooni Yesu niima, i imbaaŋo ilat payam imin maata. Leso igham gham atoor ŋgar tsiam, ve yam eŋaeŋa asov apul ŋgar tsiam sasaghati ileple, ve poia tooni izaa tsiam.” Mbaŋ 13:46, 22:21; Ro 1:16

Yoan 19:15

Eemon tiboob ila pani tighe: “Mako. Ŋeer tana ileep sov! Ughamu ila, ve uravu imaat. Uravu izala ai pambarooŋ!” Tauvene Piladus ighason zi muul ighe: “Lolomim mindai, aghe yau narav kinik tsiam tane izala ai pambarooŋ?” Yes daaba to watooŋrau tiyol aliiŋa tighe: “Yei lemai kinik ite paam mako. Kinik tiina to Rom, i mon ta kinik tsiei.”

Yoan 12:13

Tauvene tigham gabua imin tuum raua, ve tivot tila tighe tighita. Saawe tau tighita, tipaburigin bobaaŋ ve tiyoor eeza tighe: “Hosana! Tapakur Maaron toit! Poia to Maaron aat izaa to ŋeer tane. Pasaa, i ilam pa Ŋeer Tiina eeza, ve i kinik to iit Israela!” Mbo 118:25+

Yoan 1:49

Natanael ilooŋ saveeŋ tane, ve ighe: “Rabi, yo Maaron Naatu. Yo mon ta kinik to Israel.” Mt 2:2, 16:16, 27:42; Yo 12:13

Lukas 11:28

Yesu iyol aliiŋa ighe: “Saveeŋ tsio poia. Eemon yes tau tilooŋ Maaron aliiŋa ve titaghoni, ene aat tintinizi kat pa poia to Maaron tau izaa toozi.” Mt 7:21; Lu 8:15; Yo 14:21; Yems 1:25

Markus 10:40

Eemon gabua tau yamru aghason ghau pani na, yau naŋgini mako. Ene igheen to Tamaŋ Maaron. Sei ta pale ileep pa nimag tapir, ve sei ta pale ileep pa ŋas, ene i tauu ighur zi pataghaaŋ wa.”

Matayu 27:37

Tigham ndiu sirivu tau tibood mateegh tooni puughu ila na, ve tiravu izala ai pambarooŋ tooni daaba. Paesiiŋ tawe isaav ighe: “Ene Yesu, kinik to yes Yuda.”

Matayu 25:23

“Tiina tooni isaav pani ighe: ‘Paghuuna, yo uraata poia ee! Pasaa, yo uŋgin poghania gabua ŋgirŋgiira tau napul zi ila nimam na, ve ugham uratoi zi. Tauvene yau aat naghur ghom to uŋgin uraat tintiina siriv. Ulam uleep tomani ghau ve itiŋa tintiniin.’

Matayu 21:5

“Asaav pa tamtamon to Zion aghe: ‘Aghita kinik tsiam tau ilat na. I ŋeer marowa, ve itatan tauu eeza. Tauta mboole izala doŋki ve ilat. Mboole izala doŋki paaghu ee ve ilat.’ ” Is 62:11; Sek 9:9

Epesus 5:5

Ve alooŋ. Isaav ighe tamtamon eta ighurghur boog, ma maata saghati imin ŋgavuun, ma maata gabua, ene i ileep iloŋ ila pooz to Krisi mako, ve eeza pa ghamuuŋ lepoogh poia izi Maaron nugh tooni mako. Pasaa, ŋgar tauvene, ene imin tabees pa maaron karom. 1Kor 6:9; Syg 21:8

Matayu 25:40

“Ve kinik tana pale iyol aliŋazi ighe: ‘Yau nasaav payam kat tauvene: Saa ŋgar poia tau muuŋ yam agham pa tazigŋa, yau naghita naghe yam agham payau paam. Yes tau lezi ezazi mako kat paam. Isaav ighe muuŋ auul toozi eta, yau naghita naghe yam agham ŋgar tana payau paam.’ Mt 10:42; Mk 9:41; Hib 6:10

Markus 10:17

Yesu ighe ipaburigin laghooŋ tooni muul. Eemon ŋeer ee ilaan ŋaruini ila, iput aaghe izi Yesu naagho, ve ighasoni ighe: “Mos puughu, yo poiam. Pale nagham mindai, leso naleep matag yaryaare le alok?” Mbaŋ 16:30

Lukas 11:50

Tauvene atuya tau pale izaa to tamtamon to aazne, ene aat tiina kat. Pasaa, propet tisov tau tamtamon tirav zi timatmaat na, siŋ toozi atuya pale izaa toozi. Yau nasaav payam kat. Saawe tau Maaron ighur sambam ve taan, ilam mateegh to Avel, ve taghon taghon ilam le mateegh to propet Sakaria tau ileep iloŋ ila Rumei Tiina loolo igharau artaal ve tiravu imaat na, tamtamon to aazne siŋ toozi aat imaliŋ imin yatuuŋ siŋ to yes tisov tawe. Gnp 4:8; 2Sto 24:20+

Yoan 17:24

“Tamaŋ, yes tau yo ugham zi timin leg na, yau naghe tilam tileep tomani ghau izi nugh tsiau, ve tighit katin mbonarig, tomania tapirig, ve poia tsiau. Saawe tau yo ughur gabua eta ivot soone ve ilam, yo lolom igheen tsiau. Tauta ugham taum mbonarim, tomania tapirim ve poia tsio payau. Yo 12:26; 1Tes 4:17

Hibru 1:14

Pasaa, aŋela, yes besooŋa to Maaron. I imbaŋmbaaŋ zi to tiuul yes tau i ighe igham mulin zi. Mbo 34:7, 91:11, 103:20; Mbaŋ 12:7