Matayu 22:42 - Maaron Saveeŋ Tooni Patabuyaaŋ Tuam

⁴² “Laak, yam agham ŋgar mindai pa Mesia? Pale ivot ila siŋ to sei?” Yes tiyol aliiŋa tighe: “I aat ivot ila siŋ to Kinik David.” Yo 7:42

Mutu (Oov)

⁴² “Laak, yam agham ŋgar vena pa Mesia? Pale ivot ila siŋ to sei?” Yes tipamuul aliŋa tighaze: “Ye pale ivot ila siŋ to kinik David.” Yo 7:42

Matayu 22:42 Referans Kwoze

Kolosi 3:11

Iit tau Krisi igham ghiit tamin paaghu na, tasov rarateen mon. Eta poia iliiv iitete ne mako. Tauvene isaav ighe iit Grika, ma iit Yuda, ma tataghon ŋgar to ravuuŋ tamtamon warozi, ma tataghoni mako, ma mataan dodoli ve takankaan pa saveeŋ Grik, ma talam pa taan sirivu to Sikitia, ma iit besooŋa tau taleep ila daaba toit sambazi, ma iit mbesooŋa mako ve taŋgin tauun, gabua isov tane, ene gabua sorok. Ve Krisi tau ileep ila tamtamon tooni tisov lolozi ne, i mon ta gabua tauu. Ro 10:12; 1Kor 7:19; Ga 3:28

Matayu 1:1

Ene pitiiŋ to Yesu Krisi puughu tooni. Yesu, i siŋ to kinik David, ve David i siŋ to Abaram. Gnp 22:18

Yoan 20:28

Tomas iyol aliiŋa ighe: “Yo Tiina tsiau, ve Maaron tsiau!”

Yoan 1:49

Natanael ilooŋ saveeŋ tane, ve ighe: “Rabi, yo Maaron Naatu. Yo mon ta kinik to Israel.” Mt 2:2, 16:16, 27:42; Yo 12:13

Matayu 21:9

Ve tamtamon siriv timuuŋ pa Yesu, ve siriv tilaagh murei, ve tipaiti toman aliŋazi tiina tighe: “Hosana! Tapakur David Naatu. Ŋeer tane ilam pa Ŋeer Tiina eeza. Poia to Maaron aat izaa tooni ve ipaloti. Hosana! Tapait Maaron tau ileep saaŋa le saaŋa kat na eeza!” Mbo 118:26

Matayu 14:33

Tauvene zetazŋa tau tileep waaŋ paavo na, tiput aghezi pa Yesu ve tipaiti tighe: “Onoon kat, yo Maaron Naatu!” Mt 16:16

Matayu 9:27

Yesu ipul nugh tawe, ve isakia laghooŋ tooni muul ila, ve matazi kumkuuma ru titaghoni tilam, ve tiboboob tighe: “O, David Naatu, lolom raa, isaghatin ghei ve uul ghei lak!” Mt 20:29+

Matayu 22:43

Tauvene Yesu ighason zi muul: “Ighe tauvene, puughu mindai ta Maaron Avuvu ipaburigin David, ve i iwaat Mesia ighe ‘Tiina tooni’? Mbaŋ 2:30+