Matayu 22:29 - Maaron Saveeŋ Tooni Patabuyaaŋ Tuam

²⁹ Yesu iyol aliŋazi ighe: “Oyai, yam tane awatagh Maaron tapiri ve saveeŋ tooni rigta mako. Tauta ŋgar tsiam ikau.

Mutu (Oov)

²⁹ Yesu ipamuul aliŋadi ighaze: “Oyai, yam tonene awatag Maaron tapiri ve saveeŋ toni rita maau. Tauto ŋgar tiam iwaghamgham.

Matayu 22:29 Referans Kwoze

Yoan 20:9

Onoon, Maaron aliiŋa tau tiboode na, isaav tauvene: Mesia aat imaat ve iburig pa mateegh itaghon Maaron ŋgar tooni. Eemon ŋgar toozi ighazooŋ pa saveeŋ tana puughu soone. Mbo 16:10

Rau Tau Paulus Iboode Pa Yes Roma Rom--Romans 15:4

Maaron aliiŋa isov tau muuŋ tiboode na, ene igheen to ipaduduuŋ ghiit, ve ipalot ghiit. Leso loloon ruru sov, ve tayooz ariaaŋ pa badooŋ pataŋani, ve taghur mataan pa saawe to Maaron igham mulin ghiit. Ro 4:23+; 1Kor 10:11; 2Tim 3:16+

Lukas 1:37

Pasaa, Maaron, gabua eta irau ikeeka mako.” Gnp 18:14; Mt 19:26; Ro 4:21

Pilipai 3:21

Krisi, i tapiri tiina kat. I irau igham gabua naol isov to sambam ve taan tileep ila i saamba. Tauvene saawe to Mboŋ Murei ivot, i pale itoor anoŋaan to taan tau tisasaghat rekia na. Leso timin i tauu anooŋa tau poia kat, ve tisul toman mbonarizi tiina. Ro 8:29+; 1Kor 15:43+

Uraat To Yes Mbaŋooŋa 26:8

Puughu mindai ta yam siriv aghita aghe Maaron irau ipaburigin yes mateegha mako?

Matayu 22:28

Laak, saawe to Maaron ighe ipaburigin yes mateegha, ene pale livaa tawe imin sei kat azaawa? Pa yes liim ve ru ta tisov tivaii.”

Markus 12:24

Yesu iyol aliŋazi ighe: “Oyai, yam tane awatagh Maaron tapiri ve saveeŋ tooni rigta mako. Tauta ŋgar tsiam ikau.

1 Korin 15:34

Ŋgar tsiam ikaukau irao! Agham ŋgar poi, ve apul ŋgar sasaghati ileple, ve ataghon ŋgar tau iduduuŋ ila Maaron maata. Yau nasaav ghazooŋa payam: Mayamim. Pasaa, yam siriv awatagh Maaron rigta mako.