Matayu 17:20 - Maaron Saveeŋ Tooni Patabuyaaŋ Tuam

^20-21 Yesu iyol ghasoniiŋ toozi ighe: “Puughu tauvene: Ghuruuŋ ila tsiam tiina mako. Yau nasaav payam kat. Isaav ighe ghuruuŋ ila tsiam ŋgiira rigmon imin mastet uuve, ene aat gabua eta ikeek gham mako. Yam pale irau asaav pa loloz tane tauvene: ‘Upul niam, ve ula sewe.’ Ve loloz tane pale ilooŋ aliŋamim, ve ipul niia ve ila.” Mk 11:23; Lu 17:6

Mutu (Oov)

^20-21 Yesu ipamuul ghasoniiŋ todi ighaze: “Pasa, ghurla tiam tiina maau. You nasaav payam kat. Ighaze ghurla tiam ŋgiira rismoghon inimale mastet uve, nene irau mbeb eta ila murimim maau. Yam pale irau asaav pa lolooz tonene tovene: ‘Upul inam, ve ula nowe.’ Ve lolooz tonene pale ilooŋ aliŋamim, ve ipul ina ve ila.” Mk 11:23; Lu 17:6

Matayu 17:20 Referans Kwoze

Lukas 17:6

Yesu isaav pazi: “Isaav ighe ghuruuŋ ila tsiam ŋgiira rigmon imin mastet uuve, na yam pale irau asaav pa ai tiina tane aghe: ‘Ukuul taum uzaa, ve ula upayooz taum ila te loolo.’ Ve ai tane pale itaghon aliŋamim.” Mt 17:20; Mk 11:23

Lukas 18:27

Yesu iyol aliŋazi ighe: “Gabua tau tamtamon irau tighamu mako, ene irau Maaron ighamu. Pasaa, gabua eta irau ikeek Maaron mako.”

Lukas 1:37

Pasaa, Maaron, gabua eta irau ikeeka mako.” Gnp 18:14; Mt 19:26; Ro 4:21

Matayu 21:21

Yesu iyol aliŋazi ighe: “Onoon kat, yau nasaav payam: Isaav ighe lolomim ru mako, ve aghur ila ariaaŋ, yam paam irau agham gabua imin tau yau nagham pa ai tane. Ve tane mon mako. Yam aat irau agham gabua tintiina siriv paam. Isaav ighe yam asaav pa loloz tane aghe: ‘Uburig, ve usik taum ula te,’ ene aat gabua tana ivot itaghon aliŋamim. Mt 17:20

Markus 9:23

Yesu isaav pani ighe: “Wai, mindai ta yo usaav ughe: ‘Isaav ighe yo urao, o uul ghei.’ Ene igheen ila ghuruuŋ ila tsio mon. Tamtamon tau ighe ighur ila, ene aat gabua eta ikeeka mako.” Mk 11:23; Yo 11:40

1 Korin 13:2

Ve isaav ighe navotia Maaron aliiŋa pa tamtamon imin propet, ve naghazooŋ pa ŋgar tooni yoŋgaaŋa isov, ve nawatagh katin ŋgar popoia isov, ve ghuruuŋ ila tsiau iyaryaaŋ kat irau to nasaav ve loloz tighau tila pa ziige ite, ene poia. Eemon isaav ighe lolog pa tamtamon mako, ene yau namin gabua sorok. Mt 17:20; 1Kor 12:8+,28

Matayu 13:31

Yesu isavia saveeŋ palelaaŋ ite pazi ighe: “Pooz to nugh sambam, ene imin mastet uuve tau ŋeer ee ighamu, ve ila isuruuva ila uum tooni.

Yoan 11:40

Yesu isaav pani ighe: “Marta, matam iŋgal saveeŋ tsiau, ma mako? Yau nasaav payo wa. Isaav ighe ughur ila, ene aat ughita Maaron itotoi tapiri ve poia tooni ivot ighazooŋ.”

Markus 4:31

Ene imin mastet uuve. Mastet uuve, ene geegeu kat. Gabua isov to taan uvezi tintiina tiliivo.

Hibru 3:19

Saveeŋ isov tane ipaghazoŋai ghiit ighe: Yes Israela tighur ila mako, tauta irau tiloŋ tila nugh to mariaoŋ tau Maaron ighuru pazi na mako. Yo 3:36; Hib 4:6

Matayu 17:17

Yesu isaav pazi imin mbuziriiŋ ighe: “Oyai, yam tamtamon to aazne, aghur ila mako, ve ŋgar tsiam ikaukau kat. Itiŋa takaria lepoogh wa. Tauvene naghe pa ŋgar tsiam ivot ve aghilaal rig. Eemon mako. Monmon yam aghamgham pataŋani payau. Pale ŋeez o namariau? Poia, agham ŋeer marani tana ilam.”

1 Korin 12:9

Ve ite, Maaron Avuvu eemon tawe ipalot ghuruuŋ ila tooni le iyaryaaŋ kat. Ve ite, Maaron Avuvu igham le tapiri to iuul yes moroghooŋa ve tinizi poia. Mk 16:17+; 1Kor 13:2; Yems 5:14

Matayu 17:9

Yes tipul loloz, ve saawe tau tilaghlaagh gha tizila, Yesu iŋgalsekin zi ariaaŋ ighe: “Gabua tau ŋgarig aghita na, avotia pa tamtamon rekia sov. Igheen tsiam mon le saawe tau Tamtamon Naatu iburig pa mateegh, mako avotia.” Mt 16:20

Matayu 8:26

Yesu iyol aliŋazi ighe: “Yam aroi pasaa? Ghuruuŋ ila tsiam tiina mako!” Ra iburig gha isaav ariaaŋ pa yaghur ve dibom imin yaoniiŋ zi, le taun tiina izi. Mt 14:31; Mbo 89:9

Matayu 17:19

Murei ra, mbiwa to Yesu tila tooni, ve yes mon tileep ve tighasoni tighe: “Puughu mindai ta yei irau niziir avuvu saghati tawe mako?”

Markus 11:22

Yesu iyol Petrus aliiŋa, ve isaav pazi ighe: “Yam irau aghur ila to Maaron. Yau nasaav payam kat: Isaav ighe tamtamon eta isaav pa loloz tane ighe: ‘Uburig, ve usik taum ula te.’ Ve ighe loolo ru mako, ve ighur ila ighe saveeŋ tooni pale ighur anooŋa, ene pale Maaron igham gabua tana ivot. Mt 17:20; Lu 17:6

Matayu 14:29

Yesu iyol aliiŋa ighe: “Poia, ulam lak!” Tauvene Petrus izi pa waaŋ, ve ilaagh izala yaa paavo gha iŋarui Yesu ila.