Matayu 14:33 - Maaron Saveeŋ Tooni Patabuyaaŋ Tuam

³³ Tauvene zetazŋa tau tileep waaŋ paavo na, tiput aghezi pa Yesu ve tipaiti tighe: “Onoon kat, yo Maaron Naatu!” Mt 16:16

Mutu (Oov)

³³ Tovenen nditadi to tineep waaŋ pogho, tiput aghedi pa Yesu ve tipaiti tighaze: “Onoon kat, yom Maaron Natu!” Mt 16:16

Matayu 14:33 Referans Kwoze

Yoan 11:27

Marta iyol aliiŋa ighe: “Vee. Tiina, yau naghur ila kat naghe yo Mesia. Yo Maaron Naatu. I imbaaŋ ghom tauta uzilam taan.” Mt 16:16; Yo 6:69

Yoan 1:49

Natanael ilooŋ saveeŋ tane, ve ighe: “Rabi, yo Maaron Naatu. Yo mon ta kinik to Israel.” Mt 2:2, 16:16, 27:42; Yo 12:13

Markus 1:1

Ene vaaru poia to Yesu Krisi, i Maaron Naatu. Saveeŋa tau imuuŋ, ene vene: Uraat tooni iburig itaghon Maaron aliiŋa tau propet Isaia ivotia ve tiboode na. Isaav ighe: “Ulooŋ. Yau pale nambaaŋ besooŋa tsiau ee imuuŋ payo. I pale ivotia aliŋag pa tamtamon ve igharaat eez payo. Mal 3:1; Mt 11:10; Lu 7:27

Yoan 6:69

Yei nighilaal ghom wa, ve nighur ilat tsio nighe yo ŋeer patabuyaaŋ tauu ta Maaron imbaaŋ ghom ulam.” Mt 16:16; Yo 11:27

Matayu 16:16

Simon Petrus iyol aliiŋa ighe: “Yo Mesia, ve yo Maaron maata yaryaare tauu Naatu.” Yo 6:69

Yoan 17:1

Yesu isavia saveeŋ tane le isov, ra maata izala pa sambam, ve isuŋ ighe: “O Tamaŋ, saawe tsiau, tauta ivot wa. Upaghazoŋai tamtamon pa Natum, ve ugham zi tighilaal tapiri ve poia tooni. Leso i ipaghazoŋai zi payo, ve tighilaal ghom paam tighe yo ezam tiina pa tapirim ve poia tsio. Yo 12:23

Lukas 4:41

Avuvu sasaghati paam. Tipul tamtamon katini ve tighau tila, ve tiboboob tighe: “Yo Maaron Naatu!” Pasaa, yes tiwatagh tighe i Mesia. Eemon i iyaon zi, ve isaav ariaaŋ pazi ighe: “Aneneeŋ!” Mk 1:24+, 3:11+

Markus 15:39

Daaba to yes zaaba iyozyooz ila Yesu naagho, ve ighita Yesu imaat. I ighita mateegh tooni, ite kat. Tauvene isaav ighe: “Onoon kat, ŋeer tane, i Maaron Naatu.” Mk 1:24

Matayu 28:17

Tighita Yesu izi ta sewe, ve tiput aghezi pani ve tipakuru. Eemon tamtamon toozi siriv lolozi ruru.

Matayu 28:9

Malau mako ve Yesu tauu ivot toozi, ve isaav pazi ighe: “Yamru, mboŋoozo poia!” Yesuru tiŋaruini tila, ve tiput aghezi pani, tisaghav aaghe, ve tipakuru.

Matayu 26:63

Eemon Yesu isaav mako. Ineneeŋ mon. Tauvene daaba to watooŋrau isaav pani muul ighe: “Yau nasaav payo ila Maaron maata yaryaare eeza: Yo aat usaav ghazooŋa payei. Yo Mesia ve Maaron Naatu?” Is 53:7; Mt 27:12

Yoan 19:7

Yes Yuda tiyol aliiŋa tighe: “Yei lemai tutuuŋ. Ve tutuuŋ tsiei isaav ighe: Tamtamon tauvene, i aat imaat. Pasaa, ipakur tauu ighe i Maaron Naatu.”

Lukas 24:52

Yes tiput aghezi ve tipakuru le isov, ra timuul tila pa Yerusalem toman lolozi poia kat. Yo 16:22

Matayu 27:54

Yes zaaba tau tiŋginŋgin Yesu na, yesŋa daaba toozi tighita yogyoog tana ve gabua siriv tau tivot pa saawe tana, le roiŋ tiina kat igham zi. Ve tisaav tighe: “Onoon kat, ŋeer tane, i Maaron Naatu.”

Matayu 15:25

I isavsaav, ve livaa tana iŋaruini ila igharau, iput aaghe izi Yesu naagho, ve isaav pani muul ighe: “Tiina, uul ghau lak!”

Matayu 4:3

Ra Ŋeer To Watiiŋ ivot tooni, ve isaav pani ighe: “Laak, isaav ighe yo Maaron Naatu, na usaav pa maet tane, ve tivot timin lem aniiŋ.”

Uraat To Yes Mbaŋooŋa 8:36

Yesuru titaghon eez tila le peria yaa ee. Tauvene daaba tana iburig ve ighason Pilip ighe: “Ughita. Yaa ee tane. Irau nagham yaa, ma gabua eta ipoon eez payau?” Mbaŋ 2:38, 10:47

Lukas 8:28

I ighita Yesu, le iyak saghat, ve itap izi Yesu naagho. Yesu isaav ariaaŋ pa avuvu saghati tau izeev ŋeer tana ighe ipuli ve ighau ila. Eemon i iboob aliiŋa tiina ighe: “Aii Yesu! Yo Maaron Tiina Tau Iliiv Zimaronŋa Tisov na Naatu. Ulam sene pasaa? Yau nambaaŋ payo? Yau nataŋ rarai ghom. Ughur yavyavuuŋ payau sov!” Ŋeer tana, saawe naol tau avuvu saghati tawe ipazaagha, tamtamon titoova to tikauu pa ravraav toman sen. Leso ileep le aate izi. Eemon gabua eta irau ikisi ne mako. I ikuup motmotin ravraav ve sen tana tizi, ve avuvu saghati ipazaagha gha ighau ila pa nugh ŋginaaŋa muul.

Markus 14:61

Eemon Yesu iyol saveeŋ eta mako. Ineneeŋ mon. Tauvene daaba to watooŋrau ighasoni muul ighe: “Usaav ghazooŋa payei lak. Yo Mesia? Maaron tau tamtamon tipapaiti pa poia tooni na, Naatu yo?” Is 53:7

Matayu 27:43

I inumeer Maaron, ve ighe i Maaron Naatu. Poia. Isaav ighe Maaron loolo pani, o iuule ta aazne!” Mbo 22:8

Matayu 17:5

Petrus isavsaav soone, ve taitai tau milmilia, izi le ikau zi. Ra tilooŋ Maaron aliiŋa ivot ila taitai tawe loolo ighe: “Ena yau taug natug tau lolog igheen tooni, ve igham ghau lolog poia kat. Alooŋ aliiŋa ve ataghoni.” Igham 40:34+; Mbo 2:7; Mt 3:17

Matayu 2:11

Tila tivot ta sewe, ve tiloŋ tila ruum loolo, ve tighita ŋeer marani yesuru tiina Maria. Tiput aghezi pani ve tipakuru, ra tikaak pepelazi, ve tiwaan kuaz siriv tau atuyazi tintiina, ve tigham pani imin pakuruuŋni. Tigham maet gol, ve naunauŋ siriv tau vazizi popoia kat. Mbo 72:10+; Is 60:6

Matayu 14:32

Ra yesuru tila tizaa waaŋ. Saawe tana, yaghur ma dibom imaat.