Matayu 14:19 - Maaron Saveeŋ Tooni Patabuyaaŋ Tuam

¹⁹ Ra isaav pa eval tiina mbolezi izi ila kikiliiŋ paavo, ve igham mberet liim tomania iigh ru tawe, ikis zi, maata izala pa sambam, ve ipait Maaron pa aniiŋ tana. Isuŋ le isov, ra iteev mberet tomania iigh, ve ighur zi ila mbiwa tooni nimazi, ve anazi tila tireii pa eval tiina. Mt 26:26

Mutu (Oov)

¹⁹ Ghoro isaav pa ival tiina mboledi izi kikiliiŋ pogho, ve igham mberet liim toman iigh ru tonowen, ikis di, mata izala pa sambam, ve ipait Maaron pa aniiŋ tonenen. Isuŋ le isob, ghoro iteev mberet toman iigh, ve ighuri ila taghoniiŋa toni nimadi, ve anadi tila tireii pa ival tiina. Mt 26:26

Matayu 14:19 Referans Kwoze

Lukas 24:30

Tilepleep le saawe tau mbolezi izi pa ghanghaniiŋ, ra Yesu igham mberet, ipait Maaron pani, iteeva, ve igham pazi.

Uraat To Yes Mbaŋooŋa 27:35

Isavsaav pazi le isov, ra igham mberet, ipakur Maaron pani ila eval tiina matazi, ve iteev sirivu, gha ighan. Mt 15:36

Markus 6:41

Ra Yesu igham mberet liim tomania iigh ru tawe, ikis zi, ve maata izala pa sambam, ve ipait Maaron pa aniiŋ tana. Isuŋ le isov, ra iteev mberet tana, ve ighuru ila mbiwa tooni nimazi, leso anazi tila tireii pa tamtamon. I igham ŋgar raraate pa iigh ru tana paam, gha eval tiina tighan.

1 Korin 11:24

ve ipait Maaron pani. Ra iteeva ve isaav ighe: “Ene yau mizag. Yau aat napul taug ve namaat payam. Ŋgar tau naghamu ne, matamim kisini ve ataghoni, leso matamim iŋgal ghau.”

Rau Tau Paulus Iboode Pa Yes Roma Rom--Romans 14:6

Yes tau tipatab pa saawe eta na, tighamgham tauvene to tipakur Ŋeer Tiina. Ve yes tau tighanghan gabua naol isov na, yes paam tipakur Ŋeer Tiina. Pasaa, saawe tau tighan, yes lolozi poia pani, ve tipaiti pa gabua tau i igham pazi na. Ve yes tau tighanghan gabua siriv mako na, yes paam matazi iŋgal Maaron. Tauta tighamgham tauvene, ve tipapaiti pa poia tooni toman lolozi poia. 1Kor 10:30+; 1Tim 4:3+

Kolosi 3:17

Saveeŋ tsiam toman uraat tsiam, ve saa ŋgar ite paam tau ighe aghamu, yam aat aghamu ila Tiina toit Yesu eeza to apaiti. Ve lolomim poia pa Tamaan Maaron paam, ve apaiti pa poia tooni ila Yesu eeza. 1Kor 10:31; 1Tes 5:18; Hib 13:15

1 Korin 10:16

Saawe tau taghun vaen ila rubruub, ve tapait Maaron pa poia tooni, ene igham ghiit tapaak Krisi ve siŋ tooni imin leen. Ve mberet tau tateeva ve taghani na, tauvene paam. Ene igham ghiit tapaak Krisi ve miiza imin leen. Mk 14:22+

Lukas 9:14

Tisaav tauvene pasaa, eval tiina tawe, zitamoot mon irau ndiŋndiŋ ndiŋndiŋ liim (5000) ma vene. Yesu isaav pazi muul ighe: “Avalagh tamtamon ila ŋgun ŋgun, ve asaav pazi mbolezi izi. Aghur tamtamon irau tamoot ru saŋavul (50) ila ŋgun eŋaeŋa.”

Markus 7:34

Ra maata izaa pa sambam, iyavaghan, ve isaav pani ighe: “Epata!” (Saveeŋ tane, puughu tauvene: ‘Ukaak!’)

1 Korin 10:31

Tauvene isaav ighe yam aghan, ma aghun, ma agham saa ŋgar ite paam, ene poia. Eemon saa ŋgar tau aghamu, yam aat aghamu to apait Maaron eeza, ve apaghazoŋai tapiri ve poia tooni. Kol 3:17; 1Pe 4:11

Markus 6:39

Ra Yesu isaav pazi ighe tighur eval tiina tana ila ŋgun ŋgun, ve tisaav pazi leso mbolezi izala kikiliiŋ popoia tawe paavo. Tauvene titaghon Yesu aliiŋa, ve mbolezi izi ila ŋgun ŋgun. Ŋgun siriv irau tamtamon ndiŋndiŋ ee (100), ve ŋgun siriv irau tamoot ru saŋavul (50).

Yoan 11:41

Tauvene tipatambulia maet tiina ighau pa puura aavo, ve Yesu maata izala pa sambam, ve isaav ighe: “O Tamaŋ, yau lolog poia payo pasaa, suŋuuŋ tsiau, yo ulooŋa wa.

Lukas 22:19

Ra igham mberet, ipait Maaron pani, iteeva, ve ireii irau zi. Ve isaav pazi ighe: “Ene yau mizag. Yau aat napul taug ve namaat payam. Ŋgar tau naghamu ne, matamim kisini ve ataghoni. Leso matamim iŋgal ghau.” 1Kor 10:16-17

Lukas 9:16

Ra Yesu igham mberet liim tomania iigh ru tawe, ikis zi, ve maata izala pa sambam ve ipait Maaron pa aniiŋ tana. Isuŋ le isov, ra iteev mberet tomania iigh ru tana, ve ighur zi ila mbiwa tooni nimazi, ve anazi tila tireii pa eval tiina tawe.

Matayu 14:18

Yesu isaav pa mbiwa tooni muul ighe: “Agham mberet tomania iigh tana ilam.”

Lukas 22:17

Ra Yesu igham rubruub vaen, ipait Maaron pani, ve izuzuuna ila pazi. Ve isaav pazi ighe: “Aghamu ve aghun le irau gham.