Matayu 12:46 - Maaron Saveeŋ Tooni Patabuyaaŋ Tuam

⁴⁶ Yesu isavsaav, ve tiina tomania tazŋa tilam tivot. Yes tiyooz izi muuri, ve timbaaŋ pa Yesu tighe tighita ve yesŋa tisavsaav.

Mutu (Oov)

⁴⁶ Yesu isavsaav, ve tina toman nditazi tinim tivot. Yes tiyoon pumuri, ve timbaaŋ pa Yesu tighaze tighita ve tisavsaav tomani.

Matayu 12:46 Referans Kwoze

Matayu 13:55

Mindai, i to nugh ite, ta iit takankaan pani ne? Taama, i ŋeer to raoŋ ruum. Tiina Maria. Ve tazŋa, ene Yakobus, Yosep, Simon, ve Yudas. Yo 6:42

Yoan 2:12

Ghanghaniiŋ to vaiŋ tana isov, ra Yesu yesŋa tiina, tazŋa, ve mbiwa tooni tizila pa nugh Kapernaum, ve tileep mboŋ siriv izi ta sewe.

Yoan 7:5

Onoon, ene Yesu tazŋa duduuŋ. Eemon yes paam tighur ila tooni soone. Tauta tisaav pani tauvene. Mbo 69:8; Mk 3:21

Yoan 7:3

Tauvene Yesu tazŋa tisaav pani tighe: “Ah, upul sene, ve ula pa Yudea. Leso ziŋeram siriv tau tilepleep ta sewe tighita uraat tau yo ughamgham zi ne paam.

Markus 6:3

Mindai, i to nugh ite, ta iit takankaan pani ne? I ŋeer to raoŋ ruum. Maria naatu. Ve tazŋa, ene Yakobus, Yoses, Yudas, ve Simon. Ve livŋa tisov, ta tilepleep tomani ghiit ne.” Tauvene matazi veleghini, ve lolozi pa tighur ila tooni mako. Yo 6:42

Galesia 1:19

Saawe tana, naghita mbaŋooŋa siriv to Krisi mako. Naghita Yakobus tau Tiina toit taazi na mon. Mt 13:55

1 Korin 9:5

Onoon, yei uraata siriv nivai mako. Ve imin ta nivai ve azuwamaiŋa tighur ila, kanaŋ irau nigham zi ve yeŋa nilaghlaagh pa uraat to Krisi imin Petrus tomania mbaŋooŋa siriv ve Tiina toit tazŋa tighamghamu.

Yoan 7:10

Tauvene Yesu tazŋa tizala pa lupuuŋ tiina tana. Murei ra, i paam aana iburig ve itaghon zi gha izala. Eemon ilaagh ghazooŋa mako. Ilaagh imin yoŋgaaŋ mon, ve ila ivot.

Lukas 2:48

Taama gha tiina tighita le tirur. Ve tiina ila isaav pani ighe: “Wai natug, mindai ta yo ugham ŋgar tauvene payei? Yeiru tamam atemai iparav payo kat, ve nikaria ilooŋ ghom.”

Lukas 8:10

Yesu iyol aliŋazi ighe: “Pooz to Maaron, ene ŋgara yoŋgaaŋa. Eemon yam, Maaron igham poghani gham, ve ipaghazoŋai pooz tooni ŋgara le ighazooŋ payam. Ve tamtamon siriv, yes tiloŋlooŋ mos ila saveeŋ palelaaŋ mon. [Pasaa, lolozi ivool wa.] ‘Tauta aat matazi tighitghita gabua, eemon irau tighilaal puughu mako. Ve taliŋazi tiloŋlooŋ saveeŋ, eemon irau tigham ŋgar pani mako.’ ” Is 6:9+; Mbaŋ 28:26; Ro 11:8

Markus 2:21

Yesu isavia saveeŋ palelaaŋ ite ighe: “Uuli muŋgaana tau perekia na, ene irau tisai uuli paaghu rigta izala paavo to ipoona ne mako. Pasaa, uuli paaghu tawe pale ighoghoov uuli muŋgaana tana, mako ivaputu ghi le isaghat kat.

Yoan 2:5

Ra tiina isaav pa yes besooŋa ighe: “Alooŋ! Isaav ighe i isaav payam to agham gabua eta, na ataghon aliiŋa mon.”

Lukas 2:33

Yesu taama gha tiina tilooŋ saveeŋ tau Simeon isavia pa Yesu na, le tigham ŋgar naol.

Yoan 2:1

Mboŋ ru ilam ila, ve ite imin tol pani, ra vaiŋ to ŋeer ee ivot izi nugh Kana tau igheen izi taan sirivu to Galilaia. Yesu tiina ila ta sewe pa ghitooŋ vaiŋ tawe. Ve tisain Yesu tomania mbiwa tooni to tila paam.

Lukas 2:51

Ra yesŋa tiburig, ve timuul tila pa Nasaret. I monmon maata loŋloŋai pazi. Ve tiina ighur saveeŋ tomania gabua isov tau ivot pa naatu na ila loolo, ve ighamgham ŋgar pani. Igham 20:12; Lu 2:19

Matayu 2:20

ve isaav pani ighe: “Uburig, ugham ŋeer marani yesuru tiina, ve amuul ala pa taan to Israel. Pa yes tau tiil eez pa ravuuŋ marani tana imaat na, ene tisov timataar wa.” Igham 4:19

Matayu 2:11

Tila tivot ta sewe, ve tiloŋ tila ruum loolo, ve tighita ŋeer marani yesuru tiina Maria. Tiput aghezi pani ve tipakuru, ra tikaak pepelazi, ve tiwaan kuaz siriv tau atuyazi tintiina, ve tigham pani imin pakuruuŋni. Tigham maet gol, ve naunauŋ siriv tau vazizi popoia kat. Mbo 72:10+; Is 60:6

Matayu 1:18

Sinaiŋ to Yesu Krisi tiina ipoopa, ene vene: Tiina Maria, tisiigho pa ŋeer ee, eeza Yosep. Eemon yesuru tilup zi soone, ve tighilaal tighe Maria aapo. Gabua tana ivot ila Avuvu Patabuyaaŋ tapiri. Lu 1:35.

Yoan 19:25

Yesu tiina Maria yesuru tazliva, ve Maria ite tau Klopas azaawa na, ve Maria ite to nugh Magdala, ve mbiwa tau Yesu loolo igheen tooni kat na, yes tiyozyooz igharau ai pambarooŋ tooni puughu. Yesu maata izi le ighita tiina yesuru mbiwa tooni tawe tiyozyooz. Tauvene isaav pa tiina ighe: “Tinaŋ, ughita. Ena yo natum.” Yo 13:23

Lukas 1:43

Yau sei, ta Maaron tsiau tiina ilam igig ghau?

Matayu 12:47

Tauvene ŋeer ee ila ipaes pani ighe: “Ou, tinam tomania tazimŋa tilam tiyozyooz muuri we. Tighe tighit ghom ve tisavsaav tomani ghom.”

Lukas 2:34

Ra Simeon ighur poia to Maaron izaa toozi, ve isaav pa Yesu tiina Maria ighe: “Ulooŋ. Ŋeer marani tane, Maaron ighuru pa valaghiiŋ tamtamon katini to Israel. Siriv pale tizori ve titap gha tilalez. Ve siriv, i pale igham zi tiburig tiyooz. Pasaa, i pale igham ŋgar tau igheen ila tamtamon lolozi na ivot ighazooŋ. Eemon tamtamon katini pale tizori. Ve ŋgar tau pale ivot pani na, yo pale uyamaana imin mbuzaagh maata iŋgal atem.” Is 8:14; Mt 21:42+; Yo 19:25; Ro 9:32+