Matayu 1:5 - Maaron Saveeŋ Tooni Patabuyaaŋ Tuam

⁵ Salmon yesuru Reap tipoop Boas, ve Boas yesuru azaawa Rut tipoop Obet. Obet naatu Yesi,

Mutu (Oov)

⁵ Salmon yesuru Reap tipoop Boas, ve Boas yesuru azuwa Rut tipoop Obet. Obet natu Yesi,

Matayu 1:5 Referans Kwoze

Hibru 11:31

Reap, i livaa to eez. Eemon ighur ila to Maaron. Tauvene saawe tau Yosua imbaaŋ yes padewaaŋa tila to tighita nugh, Reap igham zi tila ruum tooni, ve iŋgin poghani zi. Tauta saawe tau yes Israela tiravuur eval tiina to Yeriko tau tizorzoor Maaron aliiŋa na, tirav Reap mako. Tipuli ileep. Yos 2:1+, 6:22+; Yems 2:25

Yakobus 2:25

Ve agham ŋgar pa Reap paam. I livaa to eez. Eemon saawe tau Yosua imbaaŋ padewaaŋa siriv tila nugh Yeriko, Reap igham zi ve iŋgin poghani zi, le ipaghau zi titaghon eez ite gha tila. Ŋgar tau Reap ighamu na, tauta Maaron ighita ighe i iduduuŋ ila i maata. Yos 2:1+, 6:17,25; Hib 11:31

Lukas 3:32

David, i Yesi naatu. Yesi, i Obet naatu. Obet, i Boas naatu. Boas, i Salmon naatu. Salmon, i Nason naatu. Rut 4:17-22

Matayu 1:4

Ram naatu Aminadap, Aminadap naatu Nason, ve Nason naatu Salmon.

Matayu 1:6

ve Yesi naatu, ene kinik David. David ivai Uraia azaawa Batseba, ve yesuru tipoop Solomon. 2Sam 12:24