Markus 9:12 - Maaron Saveeŋ Tooni Patabuyaaŋ Tuam

^12-13 Yesu iyol ghasoniiŋ toozi ighe: “Saveeŋ toozi tana, ene iduduuŋ. Ilia aat ilam imin maata, ve igharaat mulin gabua naol tau isaghat ne. Ve yau nasaav payam: Ilia, i ilam wa. Ve matamim iŋgal ŋgar tau tamtamon tigham pani na. Yes tighur pataŋani naol pani irau tauzi lolozi itaghon saveeŋ muŋgaana tau igheen pataghaaŋ na. Ve ighe tauvene, pale mindai pa Maaron aliiŋa tau tiboode iŋarui Tamtamon Naatu na? Saveeŋ tana isaav tauvene: I aat ibaad pataŋani naol itaghon Maaron ŋgar tooni, ve yavyavuuŋ tiina ighamu, ve tamtamon tiveleghi ve tizori.” Mbo 22:1+; Is 53:3; Lu 1:17

Mutu (Oov)

^12-13 Yesu ipamuul ghasoniiŋ todi ighaze: “Saveeŋ todi tonenen, nene deŋia. Ilia pale inim muuŋ, ve igharaat mulin mbeb tisob to tisami. Ve you nasaav payam. Ilia, ye inim wa. Ve matamim iŋgal ŋgar to tamtoghon tigham pani. Yes tighur pataŋani naol pani irau taudi lolodi itaghon saveeŋ muŋgina to ineep pataghaaŋ wa. Ve ighaze venen, pale vena pa Maaron aliŋa to timbooda iŋarua Tamtoghon Natu? Saveeŋ tonenen isaav tovene: Ye pale imbaad pataŋani naol, ve yabyabuuŋ tiina ighami itaghon Maaron ŋgar toni, ve tamtoghon tivelegi ve tizuruni.” Mbo 22:1+; Is 53:3; Lu 1:17

Markus 9:12 Referans Kwoze

Lukas 23:11

Ve Erod tomania zaaba tooni tiveleghi ve tipamogheraini. Tigham nonoghiiŋa poia ee imin tau kinik tinonogh zi pani na, ve tinonoghi pani. Ra tighamu ve tighuru imuul ila to Piladus.

Lukas 1:76

Ra Sakaria isaav pa naatu ighe: “Natug, yo pale tiwaat ghom tighe propet to Maaron Tiina Tau Iliiv Zimaronŋa Tisov. Pasaa, yo pale umuuŋ pa Ŋeer Tiina, ve ugharaat eez pani. Is 40:3; Mal 3:1; Mt 3:3, 11:9

Lukas 23:39

Zeran sasaghati ru tau tituktuuk izala ai pambarooŋ na paam, toozi ee isik saveeŋ veleghiiŋ pa Yesu ighe: “Yo Mesia ne? Ighe tauvene, na uul taum ve yeiru paam!”

Matayu 26:24

Tauvene Tamtamon Naatu aat ila gha tiravu imaat itaghon saveeŋ tau tiboode pani pataghaaŋ wa. Ve ŋeer tau pale ighuru ila koiŋa nimazi na, i ikaria tauu wa! Imin ta tiina ipoopa mako, kanaŋ poia!”

Matayu 16:21

Saawe tana ve ila, Yesu isavsaav ghazooŋa pa mbiwa tooni ighe i aat ila pa Yerusalem, ve yes pooza tomania yes daaba to watooŋrau ve yes ŋgara to tutuuŋ tighur pataŋani naol pani tomania yavyavuuŋ tiina, ve tiravu imaat itaghon Taama Maaron ŋgar tooni. Eemon mboŋ imin tol, Maaron pale ipaburigini pa mateegh.

Markus 10:33

Ighe: “Alooŋ. Iit taghe tala pa Yerusalem tane. Tala tavot, pale tighur Tamtamon Naatu ila daaba to watooŋrau tomania yes ŋgara to tutuuŋ nimazi itaghon Maaron ŋgar tooni. Ve yes pale tipayooze pa savsaveeŋ, ve tighur atuya pani tighe i aat imaat. Mako tighuru ila yes tau Yuda mako na nimazi.

Uraat To Yes Mbaŋooŋa 1:6

Ra mbaŋooŋa tooni tau tilepleep tomania na, tighasoni tighe: “Tiina, mindai? Saawe tau ughe ugharaat mulin lepoogh to yei Israela leso taumai niŋgin nugh tsiei, tauta ene?” Mika 4:8; Lu 24:21

Uraat To Yes Mbaŋooŋa 4:11

Yesu tane ta muuŋ tibood saveeŋ izaa tooni tighe: ‘Maet tau yam zeran to raoŋ ruum matamim veleghini ve asiki ilale na, tauta imin puughu pa ruum ve ipaloti. Leso ruum iyooz ariaaŋ izala paavo.’ Mbo 118:22; Mt 21:42