Markus 9:10 - Maaron Saveeŋ Tooni Patabuyaaŋ Tuam

¹⁰ Tauvene gabua tana igheen to tauzi mon. Ve tigham ŋgar naol pa saveeŋ tau Yesu isavia pa burigiiŋ tooni tighe: “Saveeŋ tane, puughu mindai?”

Mutu (Oov)

¹⁰ Tovenen mbeb tonenen ineep to taudi moghon. Eemoghon tigham ŋgar naol pa saveeŋ to Yesu isavia pa mateeŋ toni tighaze: “Saveeŋ tonene, pughu vena?”

Markus 9:10 Referans Kwoze

Uraat To Yes Mbaŋooŋa 17:18

Tamtamon katini to nugh Atens titaghon ŋgar to yes zeran ŋgara to muuŋ. Lupuuŋ toozi tintiina ru, tiwaat ezazi tighe ‘Epikurian’, ve ‘Stoik.’ Epikurian siriv tomania Stoik siriv tilooŋ Paulus ivotia Yesu vaaru ve burigiiŋ to yes mateegha, ve tiburig gha yesŋa Paulus tiparzoor pa savsaveeŋ. Tamtamon toozi siriv tisaav tighe: “Aghita. Borau tawe iyau aavo pasaa? Saveeŋ tau isasavia we, i tauu ighazooŋ pani mako. Aat ighamu ila zeran siriv avozi.” Ve tamtamon siriv tisaav tighe: “Mako. I aat isavia nugh siriv maaron toozi, leso igherev ghiit to tataghon zi.”

Yoan 12:16

Saawe tau gabua tana ivot, mbiwa to Yesu tighilaal puughu mako. Eemon murei, saawe tau i imaat gha iburig muul, ve eeza tiina ivot ighazooŋ, ra matazi iŋgal gabua tana, ve tighilaal tighe Maaron aliiŋa tana, tiboode izaa to Yesu.

Markus 9:32

Mbiwa tooni tilooŋ saveeŋ tane, ve tikankaan pa puughu. Eemon tiroi pa ghasoniiŋ Yesu.

Matayu 16:22

Petrus ilooŋ saveeŋ tane, ve igham Yesu ila ziige, ve iyaoni ighe: “Tiina, vene mako. Gabua tauvene irau ivot payo mako. Mako le mako kat!”

Markus 9:9

Yes tipul loloz, ve saawe tau tilaghlaagh tizila, Yesu iŋgalsekin zi ariaaŋ ighe gabua tau tighita izi loloz daaba na, tivotia pa tamtamon rekia sov. Igheen toozi mon le saawe tau Tamtamon Naatu iburig pa mateegh, mako tisavia.

Markus 9:11

Ra mbiwa tooni tighasoni tighe: “Puughu mindai ta yes ŋgara to tutuuŋ tighe propet Ilia aat imuul ilam imin maata, o Mesia tauu ilam?” Mal 4:5; Mt 11:14