Markus 3:9 - Maaron Saveeŋ Tooni Patabuyaaŋ Tuam

⁹ Eval tiina tila tilivutin Yesu. Tauvene i isaav pa mbiwa tooni ighe tigham waaŋ eta ilam isaŋan pani. Ighe tamtamon tigiriŋi, o izaa waaŋ ve ila ipot soghan.

Mutu (Oov)

⁹ Ival tiina tonenen tila tiluvut Yesu. Tovenen ye isaav pa taghoniiŋa toni tigham waaŋ eta inim isaŋan pani. Ighaze tamtoghon tigiriŋi, ghoro iza waaŋ ve ila ipot saguan.

Markus 3:9 Referans Kwoze

Yoan 6:15

Tauvene tiburig tighe tikisi ve tighuru imin kinik pazi pataghaaŋ. Eemon Yesu iwatagh ŋgar toozi wa. Tauvene ipul zi, ve ighau izala muul pa loloz, leso zigani ileep ta sewe. Mk 6:46

Markus 5:30

Ve Yesu paam, rekia mon iyamaan tauu ighe tapiri to uleeŋ igham tamtamon eta wa. Tauvene itoor ghi, ve maata imuul pa eval tiina, ve ighason zi ighe: “Ai, sei itut nonoghiiŋa tsiau?”

Matayu 15:39

Tighan le isov, ve Yesu ighur zi timuul tila pa nugh toz toz. Ra yesŋa mbiwa tooni tipul loloz, ve tizila muul nari gha tizaa waaŋ toozi, ve tiraav tila tivool pa taan sirivu to Magadan.

Markus 4:1

Yesu ila ivot yaa naliu ziige, ve ipaburigin uraat tooni muul to paduduŋaaŋ tamtamon pa Maaron aliiŋa. Saawe tana, eval tiina kat tila tilivuti tighe tilooŋ saveeŋ tooni. Tauvene i izaa waaŋ ee, ve tiparuuze ivot ila rig pa nari. Ra mboole izi, ve ivotia Maaron aliiŋa pazi. Eval tiina tawe tileep izi nari ve tighurghur taliŋazi pa saveeŋ tooni.

Markus 4:36

Tauvene tipul eval tiina tileep, ve mbiwa tooni tizaa waaŋ tau Yesu ileep izala na, ve tivot tila. Waaŋ siriv tila tomani zi paam.

Markus 5:2

Nugh tawe, ŋeer ee ilepleep. I, avuvu sasaghati katini tizeeva, ve monmon ilepleep iloŋ ila maet puura siriv tau tigharaat zi timin naal pa mateegha. Saawe tau Yesu iyaat izi pa waaŋ, ŋeer tawe ipul niia ta maet puura we, ve ilaagh ŋaruini ila. Ŋeer tana, saawe naol, tikauu pa ravraav toman sen. Eemon ikupkuup motmotin zi, ve ighaughau ila. Pasaa, i tapiri tiina kat. Tauvene tamtamon eta irau ikisi ve ikauu muul mako. Ve tamtamon eta irau ighamu aate izi ne mako.

Markus 6:32

Tauvene tigham waaŋ tighe tila pa nugh ŋginaaŋa ee. Leso zigazi tileep ta sewe ve timariau.

Lukas 5:1

Saawe ee, Yesu iyozyooz izi nari to yaa naliu Genesaret, ve eval tiina tilam tilivuti ve tivagiriŋi zi tighe le tilooŋ Maaron aliiŋa.

Lukas 5:3

Waaŋ ru tawe, ee to Simon. Yesu ila izaa waaŋ tana, ve isaav pa Simon ighe: “Ulam uzuur waaŋ ivot rig.” Tauvene Simon izaa ve igham waaŋ ivot ila rig, ra Yesu mboole izi, ve ipaghazoŋai eval tiina pa Maaron aliiŋa.