Markus 3:3 - Maaron Saveeŋ Tooni Patabuyaaŋ Tuam

³ Yesu isaav pa ŋeer tau niima imaat na ighe: “Ulam uyooz izi sene.”

Mutu (Oov)

³ Yesu isaav pa ŋgeu to nima imaat ighaze: “Unum uyoon sualen.”

Markus 3:3 Referans Kwoze

1 Petrus 4:1

Tauvene saawe tau Krisi ileep izi taan, i ibaad pataŋani, ve iyamaan yavyavuuŋ ila tiini, leso iuul ghiit. Yam tauvene paam. Ataghon ŋgar to Krisi tana, agharaat gham, ve asaŋan pa badooŋ pataŋani. Pa tamtamon tau ighe ibaad pataŋani pa Krisi eeza ve iyamaan yavyavuuŋ ila tiini, ene i ipul ŋgar saghati wa. Tauvene saawe tau i ileep izi taan, ŋgar to loolo muŋgaana irau igham pooz pani muul mako. I pale itaghon Maaron loolo. Ro 6:2+; 2Kor 5:15; Ga 5:24; 1Pe 2:21

Pilipai 1:14

Ve gabua ite paam. Toŋvetaz naol to Krisi tighit ghau naleep ila ruum to yavyavuuŋ loolo ve naroi mako. Tauta ŋgar tsiau tane ipalot zi, le yes paam tiroi muul mako. Tighur ila to Tiina toit ariaaŋ, ve tirei tauzi pa uraat to votiaaŋ saveeŋ tooni.

Galesia 6:9

Tiniin imum pa ghamuuŋ ŋgar popoia sov. Pa ighe tapuli mako, ve tanoknok ghamuuŋni, ene aat taghita anooŋa ila saawe tooni. 1Kor 15:58; 2Tes 3:13; Hib 10:36

1 Korin 15:58

Tauvene yam toŋvetaz tau lolog igheen tsiam kat na, yau nasaav payam: Ayooz ariaaŋ, akis ghuruuŋ ila tsiam tuŋia, ve apul taumim kat pa uraat to Tiina toit irau saawe. Pa yam awatagh: Isaav ighe i ileep tomani gham pa uraat tsiam, na yam arav taumim sorok pa uraat mako. Uraat tsiam pale ighur anooŋa. Ga 6:8; Hib 6:10; Syg 14:13

Yoan 9:4

Aazne, ene saawe to mataaz ve taleep ila ghazooŋa. Tauvene iit aat tagham uraat to Tamaŋ Maaron tau imbaaŋ ghau nalam ne. Pasaa, saawe to ndoroom, ene ilam igharau wa. Saawe tana ighe ivot, ene aat tamtamon eta irau igham uraat muul mako.

Lukas 6:8

Eemon Yesu iwatagh ŋgar toozi wa. Tauvene isaav pa ŋeer tau niima imaat na ighe: “Ulam uyooz izi sene.” Ŋeer tana ilooŋ Yesu aliiŋa, ve iburig ila iyooz igharauu.

Matayu 12:10

Ŋeer ee ilepleep tomani zi. I niima ee imaat. Tamtamon siriv tau tileep tomani zi na, tighe tiwat Yesu, leso imalaaŋ pa tutuuŋ, ve imin le puughu to tipayooze pa savsaveeŋ. Tauvene tighasoni tighe: “Laak, isaav ighe tagharaat yes moroghooŋa ila saawe to umbom patabuyaaŋ, pale iduduuŋ pa tutuuŋ to Maaron, ma mako?” Lu 14:3

Markus 3:2

Zeran tutuuŋa siriv tilepleep tomani zi paam. Yes tighe tipayooz Yesu pa savsaveeŋ. Tauvene timarari tighe tighita: Pale igharaat moroghooŋa eta ila saawe to umbom patabuyaaŋ, ma mako?

Markus 3:4

Ra ighason zeran tutuuŋa tawe ighe: “Laak, ŋgar sindei tau yam aghita aghe iduduuŋ pa tutuuŋ to Maaron? Tauul tamtamon ve tagham poghani zi pa saawe to umbom patabuyaaŋ, ma tagham saghatin zi? Tagham mulin zi pa pataŋani toozi, ma tarav zi timaat?” Yesu isavia saveeŋ tane le tineneeŋ mon. Irau tiyol saveeŋ tooni mako. Lu 14:3