Markus 3:16 - Maaron Saveeŋ Tooni Patabuyaaŋ Tuam

¹⁶ Zeran saŋavul ve ru tawe, ezazi tauvene: Simon (i, Yesu iwaat eeza ite ighe Petrus),

Mutu (Oov)

¹⁶ Ndiran saaŋgul ve ru tonowen, izadi tovene: Simon (ye, Yesu iwaat iza ite ighaze Petrus),

Markus 3:16 Referans Kwoze

Yoan 1:42

Tauvene Andreas igham toogha Simon, ve yesuru tila to Yesu. Yesu ighita Simon, ve isaav pani ighe: “Yo Simon, Yoan naatu. Murei pale tiwaat ezam tighe Kepas.” (Eez ‘Kepas’, yes Grika tiwaato ila aliŋazi tighe ‘Petrus.’) Mt 16:18

Uraat To Yes Mbaŋooŋa 1:13

Yes tilaagh tila tivot Yerusalem, ve malmalizi tizala pa niazi to lepoogh tau igheen ruum loolo saaŋa na. Zeran tawe, ene Petrus yesuru Yoan, Yakobus, Andreas, Pilip gha Tomas, Patoromai gha Matayu, ve Yakobus ite tau Alapai naatu na, ve Simon (i to yes Selot) ve Yudas tau Yakobus naatu na. Saawe isov, yesŋa Yesu tiina Maria tomania tazŋa ve zilivaa siriv, lolozi eemon ve tiluplup zi pa suŋuuŋ.

2 Petrus 1:1

Yau Simon Petrus, besooŋa ve mbaŋooŋa to Yesu Krisi. Nabood rau tane ilat pa yam tamtamon tau aghur ila to Yesu Krisi, i Maaron toit ve Uleeŋa toit. I itaghon ŋgar tooni duduuŋa ve saveeŋ mbuaaŋ tooni, tauta igham gham aghur ila tooni, ve aazne lemim ghuruuŋ ila tauu ta poia ve raraate imin yei tsiei.

1 Korin 9:5

Onoon, yei uraata siriv nivai mako. Ve imin ta nivai ve azuwamaiŋa tighur ila, kanaŋ irau nigham zi ve yeŋa nilaghlaagh pa uraat to Krisi imin Petrus tomania mbaŋooŋa siriv ve Tiina toit tazŋa tighamghamu.

1 Korin 3:22

Paulus, Apolos, Petrus, taan tane, lepoogh tsiam, mateegh tsiam, gabua tau aazne tighengheen, ve gabua tau pale ivot murei na paam. Gabua isov tawe, ene tsiam mon. Ro 8:28,38-39

1 Korin 1:12

Ene nasavia ŋgar tsiam tau avavalaghi gham, ve yam siriv asavsaav aghe: “Yau nataghon Paulus,” ve siriv aghe: “Yau nataghon Apolos,” ve siriv aghe: “Yau nataghon Petrus,” ve yam siriv aghe: “Yau nataghon Krisi.” Ŋgar tana, yam asov aghamghamu. 1Kor 3:4+

Markus 1:16

Saawe ee, Yesu ilaghlaagh taghon nari to yaa naliu Galilaia, ve ighita zeran ru to ghamuuŋ iigh tiwaswaas. Ee, eeza Simon, ve ite eeza Andreas. I Simon taazi.

Markus 3:17

ve Zebedi natŋa ru, Yakobus gha taazi Yoan. (Zeran ru tane, Yesu iwaat zi ighe ‘Boanerges.’ Ezazi tane, puughu tauvene: ‘Lalaav natŋa.’) Lu 9:54

Lukas 6:13

Ra ipoi yes tau titaghoni na tilam tilup zi, ve ighur tamtamon toozi saŋavul ve ru timin mbaŋooŋa tooni.