Markus 11:9 - Maaron Saveeŋ Tooni Patabuyaaŋ Tuam

⁹ Ve tamtamon siriv timuuŋ pa Yesu, ve siriv tilaagh murei, ve tipaiti toman aliŋazi tiina tighe: “Hosana! Ŋeer tane ilam pa Ŋeer Tiina eeza. Poia to Maaron aat izaa tooni ve ipaloti! Mbo 118:25+

Mutu (Oov)

⁹ Ve tamtoghon pida timuuŋ pa Yesu, ve pida tilaagh muri, ve tipaiti toman aliŋadi tiina tighaze: “Hosana! Ŋgeu tonene inim pa Ŋgeu Tiina iza. Poia to Maaron pale iza toni ve ipaloti! Mbo 118:25+

Markus 11:9 Referans Kwoze

Matayu 21:9

Ve tamtamon siriv timuuŋ pa Yesu, ve siriv tilaagh murei, ve tipaiti toman aliŋazi tiina tighe: “Hosana! Tapakur David Naatu. Ŋeer tane ilam pa Ŋeer Tiina eeza. Poia to Maaron aat izaa tooni ve ipaloti. Hosana! Tapait Maaron tau ileep saaŋa le saaŋa kat na eeza!” Mbo 118:26

Matayu 23:39

Ve yau nasaav payo: Yo aat ughit ghau muul mako le irau ŋgar to tamtamon tsio ivot ve tisaav aghe: ‘Poia to Maaron izaa to ŋeer tane ve ipaloti. Pa i igham Maaron naagho ta ilam.’ ” Mbo 118:26

Yoan 19:15

Eemon tiboob ila pani tighe: “Mako. Ŋeer tana ileep sov! Ughamu ila, ve uravu imaat. Uravu izala ai pambarooŋ!” Tauvene Piladus ighason zi muul ighe: “Lolomim mindai, aghe yau narav kinik tsiam tane izala ai pambarooŋ?” Yes daaba to watooŋrau tiyol aliiŋa tighe: “Yei lemai kinik ite paam mako. Kinik tiina to Rom, i mon ta kinik tsiei.”

Yoan 12:13

Tauvene tigham gabua imin tuum raua, ve tivot tila tighe tighita. Saawe tau tighita, tipaburigin bobaaŋ ve tiyoor eeza tighe: “Hosana! Tapakur Maaron toit! Poia to Maaron aat izaa to ŋeer tane. Pasaa, i ilam pa Ŋeer Tiina eeza, ve i kinik to iit Israela!” Mbo 118:25+

Markus 11:8

Ra eval tiina tau tilaagh tomani zi na, tizavar nonoghiiŋa toozi to ŋgoaaŋ taghon eez to tipakuru. Ve tamtamon siriv tila timbut gabua imin tuum raua itaghon eez ziige, ve tigham zi tilam tisik zi taghon eez paam.