Markus 11:3 - Maaron Saveeŋ Tooni Patabuyaaŋ Tuam

³ Isaav ighe tamtamon eta ighason gham ighe: ‘Puughu mindai ta yamru agham tauvene?’ o asaav pani aghe: ‘Tiina tsiei le uraat pani. I pale rekia mon ve ipamuule ilat.’ ”

Mutu (Oov)

³ Ighaze tamtoghon eta ighason gham ighaze: ‘Pughu vena to yamru agham tovene?’ ghoro asaav pani aghaze: ‘Tiina tiei le uraat pani. Ye pale rikia moghon ve ighami imuul inim.’ ”

Markus 11:3 Referans Kwoze

2 Korin 8:9

Poia to Tiina toit Yesu Krisi, yam awataghi wa. Muuŋ, i irao pa gabua ta naol ne. Eemon ipuliir gabua tooni tawe tisov tizi tigheen, ve izilam taan gha ileep imin ŋeer mbolaaŋa, leso iuul gham, ve igham gham arau kat pa gabua to Maaron. Mt 8:20; Pil 2:6+

Uraat To Yes Mbaŋooŋa 17:25

Ve imbool pa gabua eta gha leso iit tamtamon taghur nimaan pa uleeŋni ne mako. I tauu ta igham iit tasov leen avuvuun, ve igham ghiit taleep mataan yaryaare. Ve gabua toit naol isov, ene i ta igham pait. Mbo 50:10+

Uraat To Yes Mbaŋooŋa 10:36

Onoon, vaaru poia tau isavia eez to itiŋa Maaron tavalupu ghiit tamin eemon ve luuma tooni izaa toit, ene Maaron ighuru ilam to yei Israela imin maata. Eez tawe, ene uraat to Yesu Krisi. I Tiina to iit tasov. Ro 10:12; Ep 2:14; Kol 1:20

Uraat To Yes Mbaŋooŋa 1:24

Tipayooz yesuru, ve tisuŋ pa Maaron tighe: “O Tiina tsiei, yo uwatagh tamtamon tisov lolozi. Tauvene zeran ru tane, utotoi sei ta yo ughe ughuru igham Yudas niia. Leso imin mbaŋooŋa tsio ve igham uraat tsio tane. Pasaa, Yudas, i ighur muuri pa uraat tsio, ve imaat gha ila nugh tau yo ughuru pani pataghaaŋ na.” Yo 2:25; Syg 2:23

Markus 14:15

Ŋeer tana pale itotoi ruum loolo tiina ee payam. Igheen izala saaŋa. Nugh to lepoogh ve ghanghaniiŋ, ene gharatooŋ wa. Yamru agharaat leen aniiŋ izi ta sewe.”

Markus 11:2

“Yamru amuuŋ azala nugh tawe. Ala avot, pale aghita doŋki paaghu ee tau timbitu iyozyooz. Ŋeer eta mboole izala paavo pai eta soone. Apoola, ve aghamu izilam.

Markus 11:4

Tauvene yesuru timuuŋ tila tivot nugh tawe, ve tighita doŋki paaghu ee iyozyooz. Doŋki tawe, timbitu ila eez ziige igharau ataman to ruum ee. Yesuru tipoola,