Markus 1:8 - Maaron Saveeŋ Tooni Patabuyaaŋ Tuam

⁸ Yau narughuuz gham pa yaa. Eemon i pale igham Avuvu Patabuyaaŋ payam.” Mbaŋ 2:4, 11:16

Mutu (Oov)

⁸ You narughuuz gham pa ya moghon. Eemoghon ye pale igham Avuvu Patabuaŋ payam.” Mbaŋ 2:4

Markus 1:8 Referans Kwoze

Uraat To Yes Mbaŋooŋa 1:5

‘Yoan, i irughuuz tamtamon pa yaa. Eemon yam, malau mako pale Maaron igham Avuvu Patabuyaaŋ payam.’ ” Lu 3:16

1 Korin 12:13

Pasaa, iit tamtamon maata maata. Siriv, yes Yuda, siriv Grika. Siriv, besooŋa. Ve siriv, besooŋa mako, tiŋgin tauzi. Eemon saawe tau tagham yaa, ila uraat to Maaron Avuvu eemon, iit tamin Krisi le. Ve Avuvu tawe ta ilup ghiit tamin Krisi anooŋa eemon. Ve Maaron igham Avuvu eemon pa iit tasov. Avuvu tawe imin yaa maata yaryaare pait ve ipapalot ghiit. Yo 7:37+; Ga 3:28; Kol 3:11

Uraat To Yes Mbaŋooŋa 10:45

Yuda siriv tau tighur ila to Krisi na, yesŋa Petrus tilam. Tilooŋ yes tawe tisavsaav ila nugh nugh aliŋazi ve tipapait Maaron eeza, le tisov tirur ve avozi ikaak. Pasaa, Maaron irei Avuvu Patabuyaaŋ pa yes tau Yuda mako na. Mk 16:17; Mbaŋ 2:4; Ga 3:14

Uraat To Yes Mbaŋooŋa 2:4

Ve Avuvu Patabuyaaŋ ipavon zi tisov, ve ipaburigin zi gha tisavsaav ila nugh nugh aliŋazi. Mk 16:17; Yo 7:37+, 14:16; Mbaŋ 4:31, 10:44+, 19:6

Uraat To Yes Mbaŋooŋa 2:17

‘Maaron isaav tauvene: “Saawe murei ighe ivot, yau pale narei Avuvug irau tamtamon tisov. Mako natmimŋa zitamoot ve zilivaa timin propet, ve tivotia aliŋag pa tamtamon. Tauvene zitamoot tsiam paghpaaghu pale tighita gabua siriv ila tandaghiiŋ. Ve zikooŋa tsiam pale tighita gabua siriv ila vivuuŋ. Is 44:3; Ezek 39:29

Matayu 3:11

Yau narughuuz gham pa yaa imin ilaal payam ighe yam atoor ŋgar tsiam ila pa Maaron wa. Eemon ŋeer ee aat ilam murei payau. I tapiri tiina. Iliiv ghau kat. Uraat sorok imin badooŋ zuzuuŋa to aaghe, ene paam, yau poiag irau to nagham pani mako. I pale igham Avuvu Patabuyaaŋ payam tomania yav. Yo 3:5+; Mbaŋ 1:5, 19:4

Markus 1:7

I ivovotia saveeŋ pa tamtamon tauvene ighe: “Ŋeer ee aat ilam murei payau. I tapiri tiina. Iliiv ghau kat. Uraat sorok imin naput agheg pani ve napool waar to zuzuuŋa to aaghe, ene paam, yau poiag irau to nagham pani ne mako. Mbaŋ 13:25

Markus 1:9

Saawe tana, Yesu ipul nugh Nasaret tau igheen taan sirivu to Galilaia, ve ilaagh ila ivot to Yoan izi yaa Yordan, ve Yoan irughuuza ta sewe.

Lukas 3:16

Tauvene Yoan isaav ghazooŋa pazi ighe: “Yau narughuuz gham pa yaa. Eemon ŋeer ee aat ilam murei payau. I tapiri tiina. Iliiv ghau kat. Uraat sorok imin polaaŋ waar to zuzuuŋa to aaghe, ene paam yau poiag irau to nagham pani mako. I pale igham Avuvu Patabuyaaŋ payam tomania yav. Is 4:4-5; Mt 3:11; Yo 1:33; Mbaŋ 1:5, 2:3

Yoan 1:26

Yoan iyol aliŋazi ighe: “Ene yau narurughuuz tamtamon pa yaa. Eemon ŋeer ee ilepleep ila sosomim, ve yam aghilaalo mako. I ilam murei payau, eemon iliiv ghau kat. Uraat sorok imin polaaŋ waar to zuzuuŋa to aaghe, ene paam, yau poiag irau to nagham pani mako.”

Yoan 1:33

Muuŋ, yau paam naghilaalo mako. Eemon Ŋeer tau imbaaŋ ghau nalam pa rughuzaaŋ tamtamon na, isaav payau ighe: ‘Saawe eta, yo pale ughita Avuvu Patabuyaaŋ izilam, ve ileep ila to ŋeer eta. Ŋeer tana, ta pale irei Avuvu Patabuyaaŋ pa tamtamon.’ Mk 1:8; Yo 14:16; Mbaŋ 2:1+