Markus 1:4 - Maaron Saveeŋ Tooni Patabuyaaŋ Tuam

⁴ Saveeŋ tane ighur anooŋa izaa to ŋeer rughuzaaŋa Yoan. Pasaa, i ila ivot nugh ŋginaaŋa, ve ivovotia Maaron aliiŋa pa tamtamon ighe tipul ŋgar toozi sasaghati ileple, ve titoor ŋgar toozi imuul ila pa Maaron ve tigham yaa. Leso Maaron ireu sosor toozi. Mbaŋ 13:24, 19:4

Mutu (Oov)

⁴ Saveeŋ tonene ighur anoŋa iza to Yoan ŋgeu rughuzaaŋa. Pasa, ye ila ivot ndug balim, ve ivovotia Maaron aliŋa pa tamtoghon ighaze tipul ŋgar todi samsamia, ve titoor ŋgar todi imuul ila pa Maaron, ve tigham ya. Leso Maaron ireu sosor todi. Mbaŋ 13:24, 19:4

Markus 1:4 Referans Kwoze

Yoan 3:23

Yoan paam, irurughuuz tamtamon izi nugh Aenon tau igheen igharau nugh Salim. Pasaa, nugh tawe le yaa katini. Tauvene tamtamon tilala tooni, ve i irurughuuz zi ta sewe.

Matayu 3:6

Yes tivovotia sosor toozi ila tooni, ve i irurughuuz zi ta sewe. Mbaŋ 22:16

Lukas 1:77

Yo pale upaghazoŋai Maaron tamtamon tooni, leso tiwatagh eez tau i pale igham mulin zi ve ireu sosor toozi. Yer 31:34; Mt 1:21; Lu 3:3

Uraat To Yes Mbaŋooŋa 22:16

Tauvene usaŋan saa muul? Uburig ta aazne, ugham yaa, ve ughason Yesu. Leso ireu sosor tsio ilale, ve igham ghom uŋgalaaŋ ila Maaron maata.’ Ro 10:13; 1Pe 3:21

Uraat To Yes Mbaŋooŋa 10:37

“Uraat tiina tau ivot irau taan isov to yei Israela na, yam aat alooŋ vaaru rigta wa. Saawe tau ŋeer rughuzaaŋa Yoan ivovotia saveeŋ pa tamtamon ighe tigham yaa, Yesu to Nasaret ipaburigin uraat tooni izi Galilaia. I, Maaron ileep tomania. I ighuru pa uraat tooni, ve izeeva pa Avuvu Patabuyaaŋ, ve igham le tapiri tiina. Tauta Yesu ilaagh irau nugh naol, ve igham uraat popoia, ve igharaat tamtamon tisov tau Ŋeer Saghati ivaghamun zi na. Is 61:1

Matayu 3:11

Yau narughuuz gham pa yaa imin ilaal payam ighe yam atoor ŋgar tsiam ila pa Maaron wa. Eemon ŋeer ee aat ilam murei payau. I tapiri tiina. Iliiv ghau kat. Uraat sorok imin badooŋ zuzuuŋa to aaghe, ene paam, yau poiag irau to nagham pani mako. I pale igham Avuvu Patabuyaaŋ payam tomania yav. Yo 3:5+; Mbaŋ 1:5, 19:4

Markus 1:5

Eval tiina to taan sirivu to Yudea, yesŋa Yerusalema tisov timeke tilala tooni izi yaa Yordan, ve tivovotia sosor toozi ila tooni, ve i irurughuuz zi ta sewe.