Lukas 9:20 - Maaron Saveeŋ Tooni Patabuyaaŋ Tuam

²⁰ Yesu ighason zi muul ighe: “Ve yam taumim, aghe yau sei?” Petrus iyol aliiŋa ighe: “Yo Mesia. Maaron ighur ghom to ugham mulin tamtamon tooni itaghon saveeŋ mbuaaŋ tooni.” Yo 6:68+, 11:27

Mutu (Oov)

²⁰ Yesu ighason di muul ighaze: “Ve yam taumim, aghaze you sei?” Petrus ipamuul aliŋa ighaze: “Yom Mesia. Maaron ighur ghom pa ugham mulin tamtoghon toni itaghon saveeŋ mbuaaŋ toni.” Yo 6:68+, 11:27

Lukas 9:20 Referans Kwoze

Yoan 7:41

Ve siriv tighe: “Mako. Ŋeer tane, i Mesia.” Ve siriv tizoor zi tighe: “Aghita. Mesia irau ivot izi taan sirivu to Galilaia? Ene aat mako.

Yoan 4:29

“Ou, yam alam tala aghita ŋeer ee tau ilepleep we. Ŋgar isov tau naghamgham zi muuŋ ve ilam aazne, i ivoti zi payau le tisov. I aat Mesia taa?”

Uraat To Yes Mbaŋooŋa 17:3

I ipaghazoŋai zi pa Maaron aliiŋa, leso tighilaal tighe: Mesia, i aat iyamaan yavyavuuŋ ve imaat, mako iburig pa mateegh itaghon Maaron ŋgar tooni. Ve isaav pazi muul ighe: “Yesu tau navovotia vaaru payam ne, i ta Mesia.” Lu 24:26,46; Mbaŋ 3:18, 18:28

Uraat To Yes Mbaŋooŋa 9:22

Maaron ipapalot Saul, tauvene uraat tooni to votiaaŋ mos ilanlaan toman tapiri le tapiri kat. I igham yes Yuda tau tileep Damaskus na, tilil pa savsaveeŋ. Pasaa, saveeŋ tooni ipaghazoŋai Yesu ighe onoon kat, i Mesia. Mbaŋ 5:42, 17:3, 18:5

Yoan 20:31

Ve saveeŋ isov tau igheen ila rau tane, ene to ipaghazoŋai ŋgar tsiam ve igham gham aghur ila to Yesu aghe i Mesia ve Maaron tauu Naatu. Leso i ndaamo payam ve agham lepoogh poia ila to Maaron. Ro 1:17; 1Yo 5:13

Yoan 11:27

Marta iyol aliiŋa ighe: “Vee. Tiina, yau naghur ila kat naghe yo Mesia. Yo Maaron Naatu. I imbaaŋ ghom tauta uzilam taan.” Mt 16:16; Yo 6:69

Yoan 4:42

Ve tisaav pa livaa tawe tighe: “Papazoge yei nilooŋ saveeŋ tsio mon, ve nighur ila to ŋeer tane. Ve aazne, taumai nilooŋ saveeŋ ila i tauu aavo. Tauta niwatagh nighe onoon kat, ŋeer tane, i Uleeŋa tau pale igham mulin eval tiina to taan.” Lu 2:11; 1Yo 4:14

Yoan 1:49

Natanael ilooŋ saveeŋ tane, ve ighe: “Rabi, yo Maaron Naatu. Yo mon ta kinik to Israel.” Mt 2:2, 16:16, 27:42; Yo 12:13

Yoan 1:41

Tilepleep le isov, ra Andreas iburig, ve malmali ila iil toogha Simon imin maata. Ila indeeŋa, ve isaav pani ighe: “Ulooŋ. Yei nighita Mesia wa.” (Saveeŋ ‘Mesia’ ve ‘Krisi’, ene pughuzi eemon.)

Markus 8:29

Yesu ighason zi muul ighe: “Ve yam taumim, aghe yau sei?” Petrus iyol aliiŋa ighe: “Yo Mesia.” Yo 6:68+, 11:27

1 Yoan 5:1

Tamtamon tisov tau tighur ila tighe Yesu i Mesia, ene Maaron igham zi timin paaghu, ve timin i natŋa wa. Ve tamtamon tisov tau lolozi igheen to Tamaan Maaron na, lolozi pa Maaron natŋa paam. Yo 1:12+

Uraat To Yes Mbaŋooŋa 8:36

Yesuru titaghon eez tila le peria yaa ee. Tauvene daaba tana iburig ve ighason Pilip ighe: “Ughita. Yaa ee tane. Irau nagham yaa, ma gabua eta ipoon eez payau?” Mbaŋ 2:38, 10:47

Lukas 22:67

“Isaav ighe yo Mesia, na usaav ghazooŋa payei!” Yesu iyol aliŋazi ighe: “Isaav ighe yau nasaav tauvene payam, yam irau aghur ila aliŋag mako. Ve isaav ighe naghason gham pa gabua eta, yam irau ayol aliŋag mako.

Markus 14:61

Eemon Yesu iyol saveeŋ eta mako. Ineneeŋ mon. Tauvene daaba to watooŋrau ighasoni muul ighe: “Usaav ghazooŋa payei lak. Yo Mesia? Maaron tau tamtamon tipapaiti pa poia tooni na, Naatu yo?” Is 53:7

Matayu 22:42

“Laak, yam agham ŋgar mindai pa Mesia? Pale ivot ila siŋ to sei?” Yes tiyol aliiŋa tighe: “I aat ivot ila siŋ to Kinik David.” Yo 7:42

Matayu 5:47

Ve isaav ighe agham toŋvetaz tsiam mon toman lolomim poia, ene pale aliiv tamtamon siriv mindai? Mako. Pa ŋgar tauvene, yes tau tiwatagh Maaron mako na tighamghamu paam.

Matayu 26:63

Eemon Yesu isaav mako. Ineneeŋ mon. Tauvene daaba to watooŋrau isaav pani muul ighe: “Yau nasaav payo ila Maaron maata yaryaare eeza: Yo aat usaav ghazooŋa payei. Yo Mesia ve Maaron Naatu?” Is 53:7; Mt 27:12

Lukas 9:19

Yes tiyol ghasoniiŋ tooni tighe: “Zeran siriv tighe yo ŋeer rughuzaaŋa Yoan, siriv tighe yo propet Ilia, ve siriv tighe propet muŋganazi tau timaat alok wa, yo toozi ee tau iburig pa mateegh gha ilam.”