Lukas 9:14 - Maaron Saveeŋ Tooni Patabuyaaŋ Tuam

¹⁴ Tisaav tauvene pasaa, eval tiina tawe, zitamoot mon irau ndiŋndiŋ ndiŋndiŋ liim (5000) ma vene. Yesu isaav pazi muul ighe: “Avalagh tamtamon ila ŋgun ŋgun, ve asaav pazi mbolezi izi. Aghur tamtamon irau tamoot ru saŋavul (50) ila ŋgun eŋaeŋa.”

Mutu (Oov)

¹⁴ Tisaav tovene pasa, ival tiina tonowen, nditamoot moghon irau ndiŋndiŋ liim (5000) ma venen. Yesu isaav padi muul ighaze: “Aghur tamtoghon ila rouŋ rouŋ, ve asaav padi mboledi izi. Aghur tamtoghon irau tamoot ru saaŋgul (50) ila rouŋ eŋaeŋa.”

Lukas 9:14 Referans Kwoze

1 Korin 14:40

Yam aat ataghon duduŋai suŋuuŋ ŋgara ta naol ne, leso suŋuuŋ tsiam ilaan poi, ve i duduuŋ mon.

Markus 8:6

Ra Yesu isaav pa eval tiina mbolezi izi taan, ve igham mberet liim ve ru tawe, ve ipait Maaron pani. Le isov, ra iteeva, ve ighuru ila to mbiwa tooni. Leso anazi tila tireii pa eval tiina. Tauvene tighamu tila, ve tireii pazi.

Lukas 9:13

Eemon Yesu isaav pazi ighe: “Mako. Yam taumim agham aniiŋ pazi.” Yes tiyol aliiŋa tighe: “Wai, iit leen aniiŋ naol mako. Ughita. Ene mberet liim, ve iigh ru mon. Pale irau eval tiina tane wa? Ma mindai? Ughe nila nighol aniiŋ siriv paam pazi?”

Lukas 9:15

Tauvene titaghon Yesu aliiŋa, ve tila tighur eval tiina tana ila ŋgun ŋgun, ve mbolezi izi.