Lukas 6:26 - Maaron Saveeŋ Tooni Patabuyaaŋ Tuam

²⁶ Ve yam tau aazne tamtamon tisov tipapait gham na, yam paam, akaria taumim wa. Pa muuŋ, timbumimŋa tighamgham tauvene pa propet karomŋa tau titoom tighe tivotia Maaron aliiŋa.” Yo 15:19; 1Yo 4:5; Yems 4:4

Mutu (Oov)

²⁶ Ve yam to aazne tamtoghon tisob tipait gham, yam paam, akaria taumim wa. Pasa muuŋ, nditimbumim tighamgham tovene pa propet kaaromŋa to titoom tighaze tivotia Maaron aliŋa.” Yo 15:19; 1Yo 4:5; Yems 4:4

Lukas 6:26 Referans Kwoze

Yoan 15:19

Zeran tau titaghon ŋgar to taan na, imin ta yam apaak zi pa ŋgar toozi ve yamŋa raratemim, kanaŋ lolozi payam. Eemon mako. Pasaa, yau napas gham avot ila sosozi gha amin leg, ve apul ŋgar to taan wa. Tauta yes tighurghur koi payam. Lu 6:22; Yo 17:14; 1Yo 4:5

Yakobus 4:4

Yam aghur murimim pa Maaron imin livaa tau ipul azaawa ve igham tamoot paaghu. Yam awatagh mako? Ŋgar to ghuruuŋ loloon pa gabua to taan, ene igham ghiit tamin Maaron koiŋa. Tauvene sei tau ighe ighur loolo pa gabua to taan, ene imin Maaron koia. Mt 6:24; Ro 8:7+; 1Yo 2:15

Matayu 7:15

“Matamim imomoos poi pa propet karomŋa. Yes pale tilat tsiam, ve tisavia saveeŋ ŋgoreeŋ naol payam to tigham lolomim. Pale tipamir tauzi timin sipsip tauu to Maaron. Eemon ŋgar tau igheen ila lolozi na, ene imin ŋgavuun sagsag. Pasaa, lolozi ivon pa ŋgar sasaghati naol tau pale ivaghamun gham. Mt 24:24; Mbaŋ 20:29; 2Pe 2:1

Yoan 7:7

Tamtamon to taan lezi puughu eta to tighur koi payam mako. Eemon yau, o tighurghur koi payau. Pasaa, ŋgar sasaghati naol tau tighamgham zi na, yau navoti zi le tighazooŋ. Yo 3:19+, 15:18+

Rau Tau Paulus Iboode Pa Yes Roma Rom--Romans 16:18

Pa yes tibees pa Tiina toit Krisi mako. Titaghon ŋgar to ulizi mon. Saveeŋ toozi, ene ŋgoreeŋa kat. Tauta ighamgham tamtamon tau lezi ghilalooŋ mako na lolozi, ve titaptap pa ghuruuŋ ila toozi. Pil 3:18+; Kol 2:4; 2Pe 2:3

Lukas 6:25

Yam tau aazne arau kat pa aniiŋ ve gabua naol na, akaria taumim wa. Pa murei, yam pale ambool ve pitool gham. Yam tau aazne aŋiŋiŋ na, akaria taumim wa. Pa murei, yam pale lolomim ipataŋan ve ataŋ. Is 65:13