Lukas 3:10 - Maaron Saveeŋ Tooni Patabuyaaŋ Tuam

¹⁰ Eval tiina tilooŋ saveeŋ tana, ve tighason Yoan tighe: “Wai, ighe tauvene, pale nigham mindai?”

Mutu (Oov)

¹⁰ Ival tiina tilooŋ saveeŋ tonene, ve tighason Yoan tighaze: “Wai, ighaze venen, pale nigham vena?”

Lukas 3:10 Referans Kwoze

Uraat To Yes Mbaŋooŋa 2:37

Eval tiina tilooŋ saveeŋ tane le iŋgal zi. Tauvene tighason Petrus tomania mbaŋooŋa siriv tighe: “Wai, toghmaiŋa, ighe tauvene, pale nigham mindai?” Hib 4:12

Lukas 3:14

Ra zaaba siriv anazi tilam, ve tighasoni tighe: “Ve yei tane, pale nigham mindai?” Yoan iyol aliŋazi ighe: “Agham saghatin tamtamon sov. Ve aparoi zi, ve atombaan zi pa umbuuŋ maet toozi sov. Atuya tsiam tau tigham payam na, ena irau. Aghamu ve lolomim poia pani.”

Uraat To Yes Mbaŋooŋa 16:30

Ra iburig muul ve igham zi tivot tila muuri, ve ighason zi ighe: “Zolman tsiau ru, pale nagham mindai, leso Maaron igham mulin ghau ve naleep poi?” Lu 3:10, 10:25; Mbaŋ 2:37

Lukas 3:8

Isaav ighe onoon yam apul ŋgar tsiam sasaghati ileple ve atoor ŋgar tsiam ila pa Maaron, na atotoi anooŋa tooni popoia siriv ivot gha taghita. Yam aghe Abaram paaghu tooni yam. Eemon anumeer gabua tana sov. Pa yau nasaav payam: Maaron, i irau isaav pa maet tane, ve tiburig timin Abaram paaghu tooni. Mt 7:17+; Yo 8:39; Ro 2:28+; Ga 3:7

Uraat To Yes Mbaŋooŋa 9:6

Uburig ve uloŋ ula nugh tiina. Mako tisaav payo pa saa ŋgar tau yo aat ughamu.”

Lukas 3:12

Zeran siriv to yauŋ takes tila to Yoan paam tighe irughuuz zi. Ve tighasoni tighe: “Mos puughu, yei tane pale nigham mindai?” Lu 7:29

Uraat To Yes Mbaŋooŋa 2:38

Petrus iyol aliŋazi ighe: “Yam asov irau apul ŋgar tsiam sasaghati ileple, ve atoor ŋgar tsiam ila pa Maaron, ve agham yaa ila Yesu Krisi eeza. Leso Maaron ireu sosor tsiam ilale, ve irei Avuvu Patabuyaaŋ payam. Mk 16:16; Lu 24:47; Mbaŋ 3:19