Lukas 24:52 - Maaron Saveeŋ Tooni Patabuyaaŋ Tuam

⁵² Yes tiput aghezi ve tipakuru le isov, ra timuul tila pa Yerusalem toman lolozi poia kat. Yo 16:22

Mutu (Oov)

⁵² Yes tiput aghedi ve tipaiti le isob, ghoro timuul tila pa Yerusalem toman lolodi poia kat. Yo 16:22

Lukas 24:52 Referans Kwoze

Matayu 28:9

Malau mako ve Yesu tauu ivot toozi, ve isaav pazi ighe: “Yamru, mboŋoozo poia!” Yesuru tiŋaruini tila, ve tiput aghezi pani, tisaghav aaghe, ve tipakuru.

Yoan 16:22

“Yam tauvene paam. Aazne, lolomim ipataŋan kat. Eemon yau aat nalam naghit gham muul. Saawe tana ighe ivot, yam pale lolomim poia le poia kat. Ve lolomim poia tana, tamtamon eta irau iwalaava payam mako. Lu 24:52; Yo 20:20; 1Pe 1:8

1 Petrus 1:8

Onoon, yam aghita Krisi pa matamim pai eta soone. Eemon aghur ila tooni, ve lolomim igheen tooni kat. Tauta igham gham lolomim poia le poia kat. Isaav ighe atoova to asavia lolomim, pale asavia izaa to saa? Gabua eta irao mako. Yo 20:29; 2Kor 5:7

Yoan 20:28

Tomas iyol aliiŋa ighe: “Yo Tiina tsiau, ve Maaron tsiau!”

Yoan 14:28

Yam alooŋ ghau naghe: ‘Yau pale napul gham, ve nala. Eemon murei, yau pale namuul nalam payam.’ Isaav ighe lolomim igheen tsiau, ene aat tintinmim. Pasaa, Tamaŋ tau iliiv ghau ne, yau naghe namuul nala tooni.

Matayu 28:17

Tighita Yesu izi ta sewe, ve tiput aghezi pani ve tipakuru. Eemon tamtamon toozi siriv lolozi ruru.

Yoan 16:7

Eemon yau nasaav payam: Onoon kat, isaav ighe napul gham ve nala, ene pale poia payam. Pa ighe napul gham mako, ene aat Maaron Avuvu irau izilam payam mako. Ve ighe nala, ene pale nambaaŋ Palotiiŋa tawe izilam payam, leso iuul gham. Yo 14:16, 26, 15:26

Lukas 24:51

Niima izazaa pavozi soone, ve Taama Maaron ighamu ipul zi gha izala pa sambam. Yo 20:17

Lukas 24:53

Saawe tana ve ila, tiluplup zi pa suŋuuŋ ila Rumei Tiina naagho, ve tipapait Maaron eeza pa poia tooni.

Uraat To Yes Mbaŋooŋa 1:12

Ra mbiwa tooni tipul loloz Oliv, ve timuul tila pa Yerusalem. Loloz tawe igharau Yerusalem, irau 1 kilomita ma vene. Lu 24:52