Lukas 22:70 - Maaron Saveeŋ Tooni Patabuyaaŋ Tuam

⁷⁰ Yes tilooŋ saveeŋ tane, ve tisov tilup avozi ve tighasoni muul tighe: “Mindai, yo ughe yo Maaron Naatu?” Yesu iyol aliŋazi ighe: “Saveeŋ tauta taumim asavia na.”

Mutu (Oov)

⁷⁰ Yes tilooŋ saveeŋ tonene, ve tisob tilup avodi ve tighasoni muul tighaze: “Vena, yom ughaze Maaron Natu yom?” Yesu ipamuul aliŋadi ighaze: “Saveeŋ tauto asavia ne.”

Lukas 22:70 Referans Kwoze

Lukas 23:3

Tauvene Piladus ighason Yesu ighe: “Mindai, yo tane, kinik to yes Yuda?” Yesu iyol aliiŋa ighe: “Saveeŋ tauta taum usavia na.” Yo 18:36

Markus 15:2

Piladus ighason Yesu ighe: “Mindai, yo tane kinik to yes Yuda?” Yesu iyol aliiŋa ighe: “Saveeŋ tauta taum usavia na.” Yo 18:36-37.

Matayu 27:11

Yes Yuda tigham Yesu ila, ve tipayooze ila Piladus tau gavana to Yudea na naagho, ra Piladus ighasoni ighe: “Mindai, yo kinik to yes Yuda?” Yesu iyol aliiŋa ighe: “Saveeŋ tauta taum usavia na.” Yoan 18:36-37.

Matayu 26:64

Yesu iyol aliiŋa ighe: “Saveeŋ tauta yo usavia na. Ve yau nasaav ghazooŋa payam tauvene: Murei, yam pale aghita: Tamtamon Naatu ileep ila niia to ghamuuŋ pooz tau igheen ila Maaron saksaki niima tapir. Ve i pale ileep ila taitai to sambam, ve imuul izilam.” Mbo 110:1; Dan 7:13; Mt 24:30

Yoan 19:7

Yes Yuda tiyol aliiŋa tighe: “Yei lemai tutuuŋ. Ve tutuuŋ tsiei isaav ighe: Tamtamon tauvene, i aat imaat. Pasaa, ipakur tauu ighe i Maaron Naatu.”

Yoan 18:37

Piladus ilooŋ saveeŋ tooni, ve ighasoni muul ighe: “Ighe tauvene, na yo aat kinik taa?” Yesu iyol aliiŋa ighe: “Ene onoon. Saveeŋ tauta taum usavia na. Eemon yau kinik imin yo ugham ŋgar pani ne mako. Yau nazilam taan to napariaaŋ tamtamon to tighur ila saveeŋ onoon. Tinaŋ ipoop ghau pa puughu tane. Tauvene tamtamon tisov tau lolozi pa taghoniiŋ saveeŋ onoon, ene aat tilooŋ aliŋag ve titaghoni.” Yo 8:47

Yoan 10:36

Eemon yau, Tamaŋ Maaron ighur ghau to nagham uraat patabuyaaŋ tane, ve imbaaŋ ghau nazilam taan. Tauvene isaav ighe nawaat taug naghe yau Maaron Naatu, puughu mindai ta yam aghe yau navelegh Maaron ve navaghamunia eeza?

Yoan 10:30

Yau ve Tamaŋ, yeiru eemon.” Yo 1:1, 17:11,21+

Yoan 1:49

Natanael ilooŋ saveeŋ tane, ve ighe: “Rabi, yo Maaron Naatu. Yo mon ta kinik to Israel.” Mt 2:2, 16:16, 27:42; Yo 12:13

Yoan 1:34

Ve alooŋ. Yau naghit katin gabua tana pa taug matag wa. Tauta nasaav ghazooŋa payam. Yau naghur ila naghe ŋeer tane, i Maaron tauu Naatu.” Mt 3:17

Lukas 4:41

Avuvu sasaghati paam. Tipul tamtamon katini ve tighau tila, ve tiboboob tighe: “Yo Maaron Naatu!” Pasaa, yes tiwatagh tighe i Mesia. Eemon i iyaon zi, ve isaav ariaaŋ pazi ighe: “Aneneeŋ!” Mk 1:24+, 3:11+

Markus 14:62

Yesu iyol aliiŋa ighe: “Vee! Taug tane. Ve murei, yam pale aghita: ‘Tamtamon Naatu ileep ila niia to ghamuuŋ pooz tau igheen ila Maaron saksaki niima tapir. Ve i pale ileep ila taitai to sambam, ve imuul izilam.’ ” Mbo 110:1; Dan 7:13; Syg 1:7

Matayu 27:54

Yes zaaba tau tiŋginŋgin Yesu na, yesŋa daaba toozi tighita yogyoog tana ve gabua siriv tau tivot pa saawe tana, le roiŋ tiina kat igham zi. Ve tisaav tighe: “Onoon kat, ŋeer tane, i Maaron Naatu.”

Matayu 27:43

I inumeer Maaron, ve ighe i Maaron Naatu. Poia. Isaav ighe Maaron loolo pani, o iuule ta aazne!” Mbo 22:8

Matayu 4:3

Ra Ŋeer To Watiiŋ ivot tooni, ve isaav pani ighe: “Laak, isaav ighe yo Maaron Naatu, na usaav pa maet tane, ve tivot timin lem aniiŋ.”

Matayu 3:17

Ra saveeŋ sambam izilam ighe: “Ŋeer tana, ene yau taug Natug eemon. Yau lolog igheen tooni, ve igham ghau lolog poia kat.” Mbo 2:7; Is 42:1; Mt 12:18, 17:5

Matayu 26:25

Ra Yudas, ŋeer tau ighe ighur Yesu ila koiŋa nimazi na, aana ighason Yesu ighe: “Paduduŋaaŋ, saveeŋ tau usavia na, iŋarui ghau, ma?” Yesu iyol aliiŋa ighe: “Saveeŋ tauta yo usavia na.”

Lukas 22:71

Yes tilooŋ saveeŋ tane, ve tisaav tighe: “Isov wa! Tail tamtamon ite paam to ipariaaŋ saveeŋ muul pasaa? Aazne, talooŋ katin saveeŋ ila i tauu aavo wa.”