Lukas 19:18 - Maaron Saveeŋ Tooni Patabuyaaŋ Tuam

¹⁸ “Ra besooŋa ite imin ru, aana ilam ve ipaes pani ighe: ‘Tiina tsiau, maet tsio mina ee tau yo upuli ila nimag, ene nagham uratoini le ivot irau liim.’

Mutu (Oov)

¹⁸ “Ghoro mbesooŋa ite inim ru, ana inim ve ipaes pani ighaze: ‘Tiina tiou, yaam tiom mina eez to ughami inim nimag, naraukol pani le ivot irau liim.’

Lukas 19:18 Referans Kwoze

2 Korin 8:12

Pa ighe iit leen gabua eta, ve loloon taghe tagham pa Maaron, i pale loolo poia pani. Ve ighe leen gabua mako, ene poia. Maaron irau ighur maata pait to tagham gabua tauvene pani ne mako. Mk 12:43; 2Kor 9:7; 1Pe 4:10

Markus 4:20

“Ve uuv siriv tau ŋeer tana isuruuv zi ila taan poia, ene izaa to yes tau tilooŋ saveeŋ to Maaron, ve tighamu toman lolozi poia. Tauvene ghuruuŋ ila toozi ighur anooŋa popoia katini. Siriv, anoŋazi ivot irau tamoot ee saŋavul (30), siriv, anoŋazi irau tamoot tol (60), ve siriv anoŋazi irau ndiŋndiŋ ee (100).” Yems 1:25

Matayu 13:23

Ve uuv siriv tau ŋeer tana isuruuv zi ila taan poia, ene izaa to yes tau tilooŋ saveeŋ to Maaron ve tighazooŋ pani. Tauvene ghuruuŋ ila toozi ighur anooŋa popoia katini. Siriv, anoŋazi ivot irau ndiŋndiŋ ee (100), siriv anoŋazi irau tamoot tol (60), ve siriv anoŋazi irau tamoot ee saŋavul (30).” Ga 5:22-23; Yems 1:25

Lukas 19:13

Tauvene ipoi besooŋa tooni saŋavul tilam, ve irei maet mina eŋaeŋa le irau zi. Ra isaav pazi ighe: ‘Alooŋ. Yau naghe nala tane. Maet ta nareii irau gham wa. Tauvene saawe tau naleep soghan payam, yam araukol pani ve agham anooŋa tooni ivot.’ Isavsaav tomani zi le isov, ra iburig ve ila. Ro 12:6+; 1Kor 12:7+; Ep 4:7-13

Lukas 19:17

“Tiina tooni ilooŋ saveeŋ tooni, ve ipaiti ighe: ‘Iya, yo uraata poia ee! Pasaa, yo utaghon ŋgar tsiau ve uŋgin poghania uraat ŋgiira tau naghuru ila nimam na. Tauvene yau aat naghur ghom to uŋgin nugh tintiina saŋavul.’ Mt 24:45-47; Lu 16:10; 1Kor 4:2

Lukas 19:19

“Tiina tooni isaav pani ighe: ‘Yau aat naghur ghom to uŋgin nugh tintiina liim.’

Matayu 25:22

“Ra besooŋa tau igham maet ndiŋndiŋ ndiŋndiŋ ru (2000) na, aana ila ivot tooni, ve ipaes pani ighe: ‘Tiina tsiau, ughita. Maet tsio ndiŋndiŋ ndiŋndiŋ ru tau upuli ila nimag, tauta nagham uratoini gha nagham ndiŋndiŋ ndiŋndiŋ ru muul izala paavo.’