Lukas 16:8 - Maaron Saveeŋ Tooni Patabuyaaŋ Tuam

⁸ Ra Yesu isaav muul ighe: “Onoon, ŋgar tau uraata tana ighamu na, iduduuŋ mako. Eemon saawe tau tiina tooni ilooŋ vaaru, i ipait uraata tana eeza. Pasaa, i igham ŋgar pa pataŋani tau ighe ivot pani, ve iil eez pa tauu leso murei ileep poia. “Tamtamon tau titaghon ŋgar to taan na, tiliiv yes tau titaghon ŋgar to ghazooŋa. Pasaa, yes tiwatagh katin saa ŋgar to taan tau yes irau tighamu, leso tileep poia izi taan. Ve titaghon ŋgar tawe. Eemon yes tau tiwatagh ŋgar to ghazooŋa na, titaghoni irao mako. Yo 12:36; Ep 5:8; 1Tes 5:5

Mutu (Oov)

⁸ Ghoro Yesu isaav muul ighaze: “Onoon, ŋgar to uraata tonenen ighami, nene deŋia maau. Eemoghon sawa to tiina toni ilooŋ varu, ye ipait uraata tonenen iza. Pasa, ye igham ŋgar pa pataŋani to ighaze ivot pani, ve ikaal ataam pa tau, leso muri ineep pooi. “Tamtoghon to titaghon ŋgar to taan, tilib pa yes to titaghon ŋgar to ghazooŋa. Pasa, yes tiwatag katin sa ŋgar to taan to yes irau tighami, leso tineep pooi izi taan. Ve titaghon ŋgar tonowen. Eemoghon yes to tiwatag ŋgar to ghazooŋa, titaghoni iraua maau. Yo 12:36; Ep 5:8; 1Tes 5:5

Lukas 16:8 Referans Kwoze

1 Tesalonika 5:5

Pasaa, yam asov tamtamon to mataaz ve alaagh ila ghazooŋa to Maaron loolo. Iit tamin yes to mboŋ tau tileep ila ndoroom loolo ne mako. Ep 5:8+; 1Yo 1:7

Epesus 5:8

Muuŋ, yam ataghon ŋgar to ndoroom. Eemon aazne, yam apaak Tiina toit Yesu, ve ghazooŋa tooni isul gham. Tauvene laghooŋ tsiam, yam aat ataghon ŋgar to ghazooŋa.

Lukas 16:10

“Isaav ighe tamtamon eta iŋgin poghania gabua ŋgiira tau tighuru ila niima, ene pale iŋgin poghania gabua tiina paam. Ve isaav ighe tamtamon eta igham ŋgar tau iduduuŋ mako pa gabua ŋgiira, ene pale igham ŋgar raraate mon pa gabua tiina paam. Lu 19:17+

Yoan 12:36

Tauvene saawe tau ghazooŋa to Maaron ilepleep tomani gham soone, aghur ila tooni pataghaaŋ. Leso amin tamtamon to ghazooŋa.” Yesu isavia saveeŋ tane le isov, ra ipul zi, ve ila iyooŋ pazi.

1 Yoan 3:10

Tauvene eez to taghilaal Maaron natŋa ve Sadan natŋa, ene vene: Isaav ighe tamtamon eta inoknok ghamuuŋ ŋgar tau iduduuŋ ila Maaron maata mako, ene i tamtamon to Maaron mako. Ve isaav ighe ŋeer eta loolo pa toŋvetaz to Krisi mako ve ighamgham poghani zi mako, ene i paam, tamtamon to Maaron mako. 1Yo 2:29, 4:8, 5:18

Lukas 16:4

Tauvene ilepleep le ŋgar ee ivot pani, ve isaav ighe: ‘Aa! Ŋgarig gha matag iŋgal ŋgar ee! Isaav ighe nagham tauvene, ene pale tamtamon lolozi poia payau, ve saawe tau tiina tsiau ipasov ghau pa uraat, tamtamon siriv pale tigham ghau nala ruum toozi, ve naleep ila nimazi.’

Lukas 20:34

Yesu iyol aliŋazi ighe: “Tamtamon to saawe tane tivaivai.

1 Petrus 2:9

Eemon yam, Maaron isiigh gham amin le, ve igham gham amin lupuuŋ eemon wa. Yam zeran to watooŋrau tau tibees pa kinik tiina. Ve yam tamtamon patabuyaaŋa to Maaron. I ipoi gham gha apul ŋgar to ndoroom, ve aloŋ ala ghazooŋa tooni loolo, leso avotia ŋgar popoia maata maata tau i ighamgham payam na. Ghazooŋa tawe, paghuuna le paghuuna kat. Ighe tagham ŋgar pani, ene aat ŋgar toit imbool. Igham 19:5+; Kol 1:13; Syg 5:10

Pilipai 3:19

Tamtamon tauvene, taghon tala, ene pale tilalez. Pasaa, tibesbees pa ŋgar to ulizi imin maaron pazi, ve ŋgar toozi ilala pa gabua to taan mon. Ve ŋgar tau iit taghita taghe mayaŋa, ene yes tighita tighe ŋgar poia, ve tipakur zi pani. Ro 8:5+, 16:18; 2Pe 2:1+

1 Korin 3:18

Yam agham karom pa taumim sov. Isaav ighe tsiam eta ighe i irau kat pa ŋgar to taan tau aazne tamtamon tizuar zi pani ne, i aat ighur muuri pa ŋgar tawe, ve itaghon ŋgar to Krisi tau tamtamon to taan tighita imin ŋgar to yes kankanooŋa. Leso ighazooŋ pa Maaron ŋgar tooni, ve eez to ileep poia.

Lukas 18:6

Ra Tiina toit Yesu isaav muul ighe: “Alooŋ saveeŋ to daaba saghati tana wa?

Matayu 17:26

Petrus ighe: “Zeran siriv.” Yesu isaav pani muul: “Ighe tauvene, kinik tauu natŋa lezi puughu eta to tisik takes ne mako.

Matayu 12:32

Tauvene isaav ighe ŋeer eta isavia saveeŋ saghati iŋarui Tamtamon Naatu, ene Maaron irau ireu sosor tooni. Eemon isaav ighe ŋeer eta isavia saveeŋ saghati iŋarui Avuvu Patabuyaaŋ tomania uraat tooni, ene sosor tauvene, Maaron aat irau ireua mako. Aazne, ve saawe to Mboŋ Murei paam, i irau ireua mako.”

Lukas 16:7

“Ra ŋeer ite aana ila ivot tooni, ve uraata tana ighasoni ighe: ‘Aiyo, usaav: Bun tsio piiz?’ “I iyol aliiŋa ighe: ‘Bek ndiŋndiŋ ee (100) tau tivoniir pa aniiŋ wit.’ “Uraata tana isaav pani ighe: ‘Enes, ugham rau tau bun tsio igheen ila na, ve ubood bek wit tamoot paaŋ (80) mon.’ ”

Lukas 20:35

Eemon saawe paaghu tau pale ivot murei, yes tau Maaron ighit zi ighe yes popoiazi irau to tiburig pa mateegh ve tileep tomania, ene yes irau tivai muul mako. Pasaa, irau timaat muul mako. Lepoghazi pale imin yes aŋela. Zeran tauvene, burigiiŋ toozi itotoi zi ighe yes Maaron natŋa. 1Kor 15:42+