Lukas 16:17 - Maaron Saveeŋ Tooni Patabuyaaŋ Tuam

¹⁷ “Sambam ve taan, ene iraurau pa Maaron to ipasov zi. Eemon tutuuŋ tooni ziiri ŋgiira rigta irau ilale ne mako. Mako le mako kat. Mbo 119:89; Is 40:8; Mt 5:18; Lu 21:33; 1Pe 1:25

Mutu (Oov)

¹⁷ “Sambam ve taan, nene iraurau pa Maaron ipasob di. Eemoghon tutuuŋ toni waaro ŋgiira rita irau ilale ne maau. Maau le maau kat. Mbo 119:89; Is 40:8; Mt 5:18; Lu 21:33; 1Pe 1:25

Lukas 16:17 Referans Kwoze

Matayu 5:18

Yau nasaav payam kat. Sambam ve taan pale tilalez. Eemon tutuuŋ to Maaron ziiri ŋgiira rigta irau ilale mako. Mako le mako kat. Ighengheen tauvene mon le irau Maaron ipasovuur uraat tooni naol isov. Lu 16:17, 21:33

Lukas 21:33

Sambam saamba ve taan pale tilalez. Eemon saveeŋ tsiau ziiri eta irau ilale ne mako.” Mbo 119:89; Is 40:8; Mt 5:18; 1Pe 1:25

1 Petrus 1:25

Eemon Ŋeer Tiina aliiŋa, ene ighengheen tauvene irau saawe.” Mbo 103:15, 119:89 Saveeŋ tane, ene vaaru poia tau tivotia payam na. Mt 5:18; 24:35

Rau Tau Paulus Iboode Pa Yes Roma Rom--Romans 3:31

Mindai? Isaav ighe tapakur ghuruuŋ ila toit imin gabua tiina, pale igham ghiit mataan veleghin tutuuŋ to Maaron imin kaut sorok? Mako kat! Ghuruuŋ ila toit, ene ipaburigin ghiit pa taghoniiŋ duduŋai tutuuŋ ŋgara. Mt 5:17; Ro 8:3-4, Ga 5:22+

Saveeŋ Yoŋgaaŋ 21:4

I pale imus matazi suuru isov ilale. Ve mateegh, moŋiiŋ, taŋiiz, ma yavyavuuŋ irau tivot muul mako. Pasaa, lepoogh to muuŋ, ene isov wa.” Is 25:8; 1Kor 15:26

Saveeŋ Yoŋgaaŋ 21:1

Ra matag ila le naghita sambam paaghu ve taan paaghu. Pasaa, sambam ve taan tau tivot imin maata na, tilalez wa. Ve te tauvene paam, igheen muul mako. Is 65:17; 2Pe 3:13

Saveeŋ Yoŋgaaŋ 20:11

Ra matag ila le naghita Maaron ileep ila niia to ghamuuŋ pooz. Niia tawe, pisosooŋa ve tiina kat. Ve taan tomania gabua naol isov to sambam saamba tighe tighau pa i maata. Eemon lezi nugh eta to tiyooŋ pani mako. Mt 25:31+; 2Pe 3:7,10+

2 Petrus 3:10

Saawe tau Tiina toit imuul ilam, i pale ipateeŋ ghiit imin ŋeer umbuuŋa. Mako sambam saamba isov ilale toman luutu tiina kat, ve yav ighan gabua naol isov tau tigheen izala sambam saamba na gha tilalez. Ve taan tomania gabua naol isov tau tileep ve tigheen izi taan na paam, yav pale ighaniir zi tisov tilalez. Mt 24:29; 1Tes 5:2+; Syg 16:15, 20:11