Lukas 12:37 - Maaron Saveeŋ Tooni Patabuyaaŋ Tuam

³⁷ Yau nasaav payam kat. Yes besooŋa tau tiina toozi imuul ilam, ve ighit zi tighurghur matazi ve tisasaŋani, ene pale tintinizi pa poia tau pale izaa toozi. Pasaa, tiina toozi pale igharaat ghi pa ŋgaliiŋ aniiŋ, mako isaav pazi mbolezi izi, ve i tauu ilam ve iŋgal lezi aniiŋ, ve ibees pazi.

Mutu (Oov)

³⁷ You nasaav payam kat. Yes mbesooŋa to tiina todi imuul inim, ve ighita di tighurghur matadi ve tisasaŋani, nene pale tinidi iza pa poia to pale iza todi. Pasa, tiina todi pale igharaat tau pa ŋgaliiŋ aniiŋ, ghoro isaav padi mboledi izi, ve ye tau inim ve iŋgal adi aniiŋ, ve imbees padi.

Lukas 12:37 Referans Kwoze

2 Petrus 3:14

Tauvene zeran tsiau, saawe tau aleep ve asasaŋan saawe to gabua tana ivot, yam azuari gham le ŋgar tsiam isov iŋgalaaŋ mon. Leso lemim sosor eta ila Maaron maata mako, ve yamŋa Maaron avalupu gham amin eemon ve aleep poia. Pil 1:10; 1Tes 3:13, 5:23

Matayu 24:42

Tauvene amamaat ariaaŋ! Pa saawe duduuŋ to Tiina tsiam muleeŋ tooni, ene yam awataghi mako. Mt 25:13

Pilipai 1:23

Ŋgar tsiau ru. Lolog naghe le napul taan, ve nala naleep tomania Krisi. Pasaa, ene gabua poia kat tau iliiv gabua naol isov. Eemon yau leg uraat to nauul gham paam. Ve isaav ighe nalepleep izi taan soone, ene yau irau nagham uraat tane. 2Kor 5:8

1 Korin 2:9

Ŋgar yoŋgaaŋa to Maaron tau nisavsavia ne, tibood saveeŋa pataghaaŋ tighe: “Maaron igharaat gabua popoiazi naol pa yes tau lolozi igheen tooni na. Gabua tawe, ite kat. Tamtamon eta ighit zi pa maata, ma ilooŋ varuzi pa taliiŋa soone. Ve tamtamon eta irau igham ŋgar pazi paam mako.” Is 64:4; Yer 3:16

Saveeŋ Yoŋgaaŋ 14:13

Aŋela tawe isavsaav le isov, ra nalooŋ saveeŋ sambam ve izilam ighe: “Ubood saveeŋ tauvene: Aazne ve ila, yes tau tileep tuŋia ila to Tiina toit Yesu le irau mateegh toozi, ene pale poia to Maaron izaa toozi, ve tintinizi.” Maaron Avuvu paam isavia saveeŋ eemon ighe: “Onoon kat, yes pale timariau pa uraat ve pataŋani toozi. Ve ŋgar popoia tau tighamgham zi na, pale igheen tomani zi ve tila.” 2Tes 1:7; Hib 4:10

2 Petrus 1:11

Ve murei, saawe tau aloŋ ala nugh sambam, ene pale tiyaŋin payam, ve tigham gham toman lolozi poia kat. Nugh tawe, Tiina toit Yesu Krisi tau Uleeŋa toit na, pale igham pooz pani le alok.

Yoan 12:26

Isaav ighe tamtamon eta ibees payau, i aat itaghon ghau. Tamtamon tauvene, pale ileep tomani ghau izi nugh tau yau pale nala naleep pani. Ve tamtamon tau ighe ibesbees payau, ene aat Tamaŋ ipakuru.” Yo 14:3, 17:24; 1Tes 4:17

Lukas 21:36

Tauvene amamaat ariaaŋ irau saawe, ve asuŋ Maaron to ipalot gham. Leso ayooz ariaaŋ pa badooŋ pataŋani naol tana, ve saawe tau ayooz ila Tamtamon Naatu naagho, na aroi mako, ve ayooz toman tintinmim.” 1Yo 2:28

Saveeŋ Yoŋgaaŋ 7:17

Pasaa, Sipsip to Maaron tau ileep igharau Maaron niia to ghamuuŋ pooz na, i tauu pale iŋgin zi ve maata pazi. Ve i pale igherev zi tila pa yaa to lepoogh maata yaryaare tau bolokbolokia ve izazaa. Ve Maaron tauu pale imus matazi suuru isov ighau, ve irau titaŋ muul mako.” Mbo 23:1+; Is 25:8; Yo 7:37+, 10:11+; Syg 21:4

Saveeŋ Yoŋgaaŋ 3:21

‘Isaav ighe tamtamon eta iyooz ariaaŋ ve iliiv tovaaŋ, ene aat yau nayok pani to yeiru nileep ila niag to ghamuuŋ pooz, imin yau nayooz ariaaŋ ve naliiv tovaaŋ, tauta yeiru Tamaŋ nileep ila niia to ghamuuŋ pooz. 2Tim 2:12; 1Kor 6:2

Pilipai 1:21

Pa yau naghita naghe lepoogh tsiau puughu, ene Krisi. Ve isaav ighe namaat, ene pale nagham gabua poia kat tau iliiv lepoghag izi taan. Ga 2:20

Lukas 17:8

Ene aat mako. Pale isaav pani tauvene: ‘Yo ula ugharaat aniiŋ payau le isov, mako ugharaat ghom, ve umuul ulam ubees payau le irau naghan ma naghun isov. O anam mbolem izi, ve ughan ma ughun.’ Lu 12:37

Lukas 12:43

Besooŋa tau ighe tiina tooni ila pa nugh ite, ve imuul ilam le ighita besooŋa tana igham katin uraat tooni, ene aat tintini pa poia tau pale izaa tooni.

Lukas 12:36

Ataghon ŋgar to yes besooŋa tau tiina toozi ileep ila marewaaŋ to vaiŋ, ve ighe imuul ilam. Yes tighurghur matazi ve tisasaŋani. Leso saawe tau ighe i imuul ilam peria ve iseŋ ataman, ene aat rekia mon ve tikaak ataman pani.

Lukas 22:27

Laak, sei ta eeza tiina? Ŋeer tau mboole izi ve ighanghan, ma ŋeer tau iŋgalŋgal aniiŋ ve ibesbees pani ne? Ene i ta mboole izi ve ighanghan. Ve aghita. Yau naleep tomani gham, ve nabesbees payam.” Mt 20:28; Yo 13:12+; Pil 2:7

Saveeŋ Yoŋgaaŋ 16:15

[Ve matamim iŋgal Krisi aliiŋa tau isaav ighe:] “Alooŋ. Yau aat nalam napateeŋ gham imin ŋeer to umbuuŋ. Tauvene tamtamon tau ighe igharaat ghi pataghaaŋ, ve imamaat ariaaŋ le nalam, ene aat tintini pa poia to Maaron tau pale izaa tooni. Eemon isaav ighe tamtamon eta igharaat ghi mako, ene pale ivaghamgham, ve maaya imin ŋeer tau kambaŋmbaŋi.” Mt 24:42+; 1Tes 5:2+; 2Pe 3:10