Lukas 11:9 - Maaron Saveeŋ Tooni Patabuyaaŋ Tuam

⁹ Ra Yesu iseeŋ saveeŋ tooni muul ighe: “Tauvene yau nasaav payam: Aghason, o aghamu. Ailo, o andeeŋa. Aseŋ ataman, o ataman ikaak payam. Mk 11:24; Yo 15:7; 1Yo 5:14+

Mutu (Oov)

⁹ Ghoro Yesu iseeŋ saveeŋ toni muul ighaze: “Tovenen you nasaav payam: Aghason, ghoro aghami. Akaala, ghoro andeeŋa. Apit ataam, ghoro ataam ikaak payam. Mk 11:24; Yo 15:7; 1Yo 5:14+

Lukas 11:9 Referans Kwoze

Markus 11:24

Tauvene yau nasaav payam. Isaav ighe yam aghason Maaron pa gabua eta, ve aghur ila aghe i pale igham gabua tana ivot, i aat ighamu ivot payam. Yo 14:13; Yems 1:5+

Matayu 21:22

Onoon kat, isaav ighe yam aghur ila to Maaron toman lolomim eemon, ve aghasoni pa gabua eta, i pale igham gabua tana ivot payam.” Mt 7:7+, 18:19; Yo 14:13+

Yoan 15:16

Yam taumim lolomim ve alam ataghon ghau mako. Yau taug ta nasiigh gham amin leg, ve naghur gham to ala ve agham uraat. Uraat tau aghamu, ene pale ighur anooŋa, ve anooŋa tana igheen taghon gha ila. Isaav ighe yam agham tauvene, ve aghason Tamaŋ pa gabua eta ila yau ezag, i pale ilooŋ gham ve igham payam. Mt 28:19; Yo 14:13; Ep 1:4

Yoan 15:7

Isaav ighe apaak tuŋia ilam tsiau, ve saveeŋ tsiau igheen tuŋia ila lolomim ve ataghoni, yam irau aghason Tamaŋ Maaron pa saa gabua tau lolomim pani na, ve i pale igham gabua tana ivot payam. Yo 14:13; 1Yo 5:14+

Yoan 14:13

Saa gabua tau ighe yam aghason Tamaŋ Maaron pani ila yau ezag, ene yau pale naghamu ivot. Leso napaghazoŋai Tamaŋ eeza tiina tomania tapiri ve poia tooni. Mt 7:7; Yo 15:7; 1Yo 3:22, 5:14

1 Yoan 3:22

Ve isaav ighe taghasoni pa gabua eta, i pale ilooŋ ghiit ve igham pait. Pasaa, mataan kisin tutuuŋ tooni ve tataghon zi, ve taghamgham ŋgar tau ighamu loolo poia. Mbo 34:15; Mt 7:7+, 21:22; Yo 9:31, 14:13

Yakobus 1:5

Isaav ighe tsiam eta ikankaan: Pale itaghon saa eez, leso itaghon Maaron ŋgar tooni ve ileep poi? I aat ighason Maaron to igham le ŋgar. Maaron pale igham pani. Irau imbuzir pani mako. Pasaa, i maata reirei, ve ighamgham gabua popoia maata maata pa tamtamon tisov. 1King 3:9+; Lp 2:3+; Mt 7:7

Hibru 11:6

Eemon isaav ighe taghur ila to Maaron mako, ene irau i loolo poia pait mako. Pasaa, tamtamon tau ighe ila igharau Maaron, i aat ighur ila ighe Maaron ilepleep ve ighamgham atuya popoia pa yes tau tizuari zi pani.

Yakobus 5:15

Isaav ighe tisuŋ pa Maaron ve tighur ila tighe i irau igharaat tamtamon tana, ene aat Maaron iuule gha tiini poia muul. Ve isaav ighe tamtamon tana igham sosor eta, ene aat Maaron ireua. Yo 20:23

Hibru 4:16

Tauvene iit taroi pa tala tagharau Maaron sov. Taghur suŋuuŋ toit iŋarui niia to ghamuuŋ pooz irau saawe. Pa poia tooni, ene tiina le tiina kat. Tauvene saawe tau pataŋani igham ghiit, i pale loolo isaghatin ghiit, ve iuul ghiit itaghon tauu poia tooni. Ep 3:12; Hib 10:19+

Yoan 4:10

Yesu iyol aliiŋa ighe: “Imin ta yo uwatagh gabua poia tau Maaron ighe igham payo ve ughilaal ŋeer tau ighason ghom pa yaa, kanaŋ ughasoni, ve i gham lem yaa rereere to igham ghom uleep matam yaryaare le alok.”

Matayu 6:29

Eemon yau nasaav payam. Muuŋ, kinik Solomon, i eeza tiina kat, ve inonogh ghi pa nonoghiiŋa tau popoiazi kat. Eemon nonoghiiŋa tooni eta ŋgereeta poia irau manman tawe ruŋguzi mako. 1King 10:5,25; 2Sto 9:4

2 Korin 6:2

Maaron aliiŋa isaav tauvene: “Yau taug naghur saawe to nagham mulin gham ve nagham poghani gham. Ve saawe tana duduuŋ, nalooŋ suŋuuŋ tsiam, ve nauul gham.” Is 49:8 Alooŋ. Saawe to Maaron igham mulin ghiit ve igham poghani ghiit, tauta aazne tazaa pani wa. Lu 4:18+; Hib 3:13

Markus 13:37

Tauvene saveeŋ tau yau nasavia payam, ene ila pa tamtamon tisov paam: Amamaat ariaaŋ.”

Rau Tau Paulus Iboode Pa Yes Roma Rom--Romans 2:7

Tauvene yes tau tiyooz ariaaŋ pa badooŋ pataŋani ve tighamgham ŋgar popoia, ve tizuari zi tighe le Maaron tauu ipait zi ve tileep tomania ila mbonari loolo irau saawe, ene yes aat tigham lepoogh poia ila tooni taghon taghon gha ila. Mt 25:46

Matayu 21:31

Laak, natŋa ru tana, sindei ta itaghon taama ŋgar tooni?” Yes tiyol aliiŋa tighe: “Naatu olman.” Tauvene Yesu isaav pazi muul ighe: “Yau nasaav payam kat. Zeran sasaghatizi to yauŋ takes tomania zilivaa to eez, tauta timuŋmuuŋ payam gha timuuŋ tiloŋ tila Maaron pooz tooni loolo.

Saveeŋ Yoŋgaaŋ 2:24

‘Eemon yam siriv to nugh Tiatira ataghon Yezebel ŋgar tooni mako. Ve saveeŋ tooni tau tiwaato tighe “Sadan ŋgar tooni yoŋgaaŋa” na, yam awataghi mako. Tauvene yau nasaav payam naghe: Irau naghur pataŋani ite paam izaa tsiam mako.

Lukas 11:10

“Pasaa, tamtamon tisov tau tighason, ene aat tighamu. Ve isaav ighe tiilo, ene aat tindeeŋa. Ve ighe tiseŋseŋ ataman, ene aat ataman ikaak pazi.