Lukas 11:24 - Maaron Saveeŋ Tooni Patabuyaaŋ Tuam

^24-25 Yesu isaav pazi muul ighe: “Isaav ighe avuvu saghati ipul ŋeer eta ve ighau ila, ene pale ivalaghlaagh izi nugh ŋginaaŋa tau le yaa mako na, ve iil le niia to ileep pani ve imariau. Isaav ighe iil le mako, ene pale isaav pa tauu ighe: ‘Yau aat namuul nala nagig niag muŋgaana tau napuli ve nalam ne!’ Tauvene i aat imuul ila. Ighe ila ivot ve ighita tizaar ruum loolo, ve tigharaata le paghuuna kat,

Mutu (Oov)

^24-25 Yesu isaav padi muul: “Ighaze avuvu samia ipul ŋgeu eta ve ighau ila, nene pale iwalaghlaagh izi ndug balim to le ya maau ne, ve ikaal le ina pa ineep pani ve ate izi. Ighaze ikaal le maau, pale isaav pa tau ighaze: ‘You pale namuul nala naŋgig inag muŋgina to napuli ve nanim ne!’ Tovenen ye pale imuul ila. Ighaze ila ivot, ve ighita tizaar ruum lolo, ve tigharaata le paghuna kat,

Lukas 11:24 Referans Kwoze

1 Petrus 5:8

Agham ŋgar poi, ve matamim izaa. Pa koiamim Ŋeer Saghati, i ilaghlaagh imin laion tau iyuryuur ve iliil tamtamon pa ghaniiŋ.

Markus 5:10

Ra avuvu saghati tana itaŋ rarai Yesu ariaaŋ ighe iziir zi tighau pa taan sirivu tawe sov.

Epesus 2:2

Saawe tana, laghooŋ tsiam, yam ataghon ŋgar to taan, ve aloŋlooŋ Sadan aliiŋa. I daaba to yes avuvu sasaghati tau tilepleep izi sambam saamba, ve ipapazaagh yes tau tizorzoor Maaron aliiŋa. Yo 8:44; Ep 6:12; Kol 3:6+

Markus 9:25

Yesu ighita eval tiina tilaan tiŋarui zi tilam, tauvene iyaon avuvu saghati tana, ve iziire ighe: “Yo tau uvaghamunia ŋeer marani tane gha aavo ivool ve taliiŋa ipam na, yau nasaav payo: Upuli ve ughau ula! Uzeeva muul sov!”