Lukas 10:1 - Maaron Saveeŋ Tooni Patabuyaaŋ Tuam

¹ Murei ra, Tiina toit Yesu ighur tamtamon tamoot tol saŋavul ve ru (72) paam pa uraat, ve imbaaŋ zi ighe tilaagh ruŋruŋa, ve timuuŋ tila pa nugh naol isov tau i ighe ila pazi na, ve tigharaat eez pani.

Mutu (Oov)

¹ Muri ghoro, Tiina toit Yesu ighur tamtoghon tamoot tol saaŋgul ve ru (72) paam pa uraat, ve imbaaŋ di ighaze tilaagh ruŋaruŋa, ve timuuŋ tila pa ndug tisob to ye ighaze ila padi, ve tigharaat ataam pani.

Lukas 10:1 Referans Kwoze

Lukas 9:52

I imbaaŋ tamtamon siriv timuuŋ tila pa nugh ee to Samaria, leso tigharaat eez pani.

Lukas 1:76

Ra Sakaria isaav pa naatu ighe: “Natug, yo pale tiwaat ghom tighe propet to Maaron Tiina Tau Iliiv Zimaronŋa Tisov. Pasaa, yo pale umuuŋ pa Ŋeer Tiina, ve ugharaat eez pani. Is 40:3; Mal 3:1; Mt 3:3, 11:9

Lukas 1:17

Ŋgar tooni ve tapiri pale imin propet Ilia. Ve i pale imuuŋ pa Ŋeer Tiina, ve igharaat eez pani. Pale itoor zolmana ŋgar toozi imuul ila pa natuzŋa, leso tilup lolozi imin eemon. Ve igham yes zeran to taliiŋzizi titoor ŋgar toozi, ve titaghon ŋgar poia imin tamtamon duduŋazi. Leso igham tamtamon tigharaat tauzi ve tisaŋan saawe tau Ŋeer Tiina igham mulin zi.” Mal 3:1, 4:5+; Mt 3:3; Mk 9:12

Lukas 7:13

Tiina Yesu ighita naar tana, le loolo isaghatini. Tauvene isaav pani ighe: “Olman tinazi, utaŋ sov!”

Lukas 7:19

ve imbaaŋ zi ighe tila to Tiina toit Yesu ve tighasoni tauvene: “Uleeŋa tau pale Maaron imbaaŋo ilam na, ene yo taum tane, ma nisaŋan ŋeer ite paam?”