Lukas 1:7 - Maaron Saveeŋ Tooni Patabuyaaŋ Tuam

⁷ Eemon yesuru lezi natuzi eta mako. Pasaa, Elisabet, i uupa. Ve yesuru timin zolmana wa.

Mutu (Oov)

⁷ Eemoghon yesuru ledi natudi eta maau. Pasa, Elisabet ye uupa. Ve yesuru tinim ndolman watwaat wa.

Lukas 1:7 Referans Kwoze

Hibru 11:11

Abaram ighur ila. Tauta Maaron tapiri izaa to yesuru Sara ve tipoop. Onoon, yesuru timin zikooŋ ve saawe toozi to popaaŋ isov wa. Eemon Abaram ighur ila ighe Maaron itataghon saveeŋ mbuaaŋ tooni. Tauta ighita saveeŋ tawe anooŋa. Gnp 17:19, 21:2; Ro 4:18+

Rau Tau Paulus Iboode Pa Yes Roma Rom--Romans 4:19

Saawe tana, Abaram iwatagh: I imin kooŋ, ve tapiri imbool wa. Pasaa, ndaman tooni igharau pa ndiŋndiŋ ee (100). Ve Sara paam imin olman tinazi. Saawe tooni to popaaŋ isov wa. Eemon Abaram iyooz ariaaŋ pa ghuruuŋ ila tooni. Gnp 17:17, 18:11; Hib 11:11+

Lukas 1:5

Saawe tau kinik Erod iŋgin taan sirivu to Yudea, ŋeer ee to watooŋrau ilepleep, eeza Sakaria. I ileep ila ŋgun to Abia pa uraat to watooŋrau. Azaawa eeza Elisabet. I paam siŋ to Aron.

Lukas 1:6

Yesuru tamtamon duduŋazi. Lezi sosor eta ila Maaron maata mako. Saawe isov, matazi kisin tutuuŋ to Ŋeer Tiina tomania tutuuŋ ŋgara, ve titaghon duduŋaini.

Lukas 1:8

Saawe ee, Sakaria tomania zeetŋa siriv tau tileep ila ŋgun to Abia na, anazi tila tigham uraat ila Maaron naagho ila Rumei Tiina loolo. Zeran to watooŋrau, gabuazi tauvene: Saawe toozi to uraat ighe ivot, mako tipayooz mbuur. Leso itotoi sei tau pale ila itun naunauŋ tau vaazi poia na ila Maaron naagho. Saawe tana, tipayooz mbuur le Sakaria eeza ivot.