Lukas 1:53 - Maaron Saveeŋ Tooni Patabuyaaŋ Tuam

⁵³ Ve yes tau pitool zi na, i igham gabua popoia pazi, ve tighan le isooŋ zi. Eemon kuaz tauŋa, i iziir zi tighau tila toman nimazi ŋginaaŋa mon. Mbo 34:10, 107:9; Lu 6:21

Mutu (Oov)

⁵³ Ve yes to pitool di, ye igham mbeb popoia padi, ve tighan le isooŋ di. Eemoghon mbaliiŋ taudi, ye indiir di tighau tila toman nimadi ŋginiŋa moghon. Mbo 34:10, 107:9; Lu 6:21

Lukas 1:53 Referans Kwoze

Lukas 6:21

Yam tau aazne pitool gham na, tintinmim pa poia to Maaron tau izaa tsiam. Pasaa, gabua tau ambool pani na, Maaron pale igham payam le irau lolomim. Yam tau lolomim ipataŋan ve ataŋ na, tintinmim pa poia to Maaron tau izaa tsiam. Pa murei, yam pale lolomim poia kat ve aŋiŋ. Mbo 126:5+; Is 55:1+; Syg 7:16+

Lukas 6:24

“Oyai, yam tau kuaz tauŋa na, akaria taumim wa. Onoon, aazne lemim gabua tau igham gham lolomim poia. Eemon gabua tauu to murei, yam ezamim pani mako. Lu 16:25; Yems 5:1

Matayu 5:6

Yes tau pitool zi ve murun zi pa ŋgar duduuŋa to Maaron, ene yes aat tintinizi pa poia to Maaron tau izaa toozi. Pasaa, gabua tau lolozi pani na, Maaron tauu pale igham pazi le irau lolozi. Is 55:1+; Yo 6:35

1 Korin 1:26

Yam toŋvetaz, agham ŋgar pa taumim. Saawe tau Maaron ipoi gham amin le na, gabuamim mindai? Zeran tau titaghon ŋgar to taan na, tighita tamtamon tsiam katini tighe lezi ŋgar tiina mako. Ve tighe lezi ezazi ve tapirizi to tigham gabua eta mako, ve ziiri waaro toozi paam, lezi ezazi mako.

Yoan 6:35

Yesu isaav pazi muul ighe: “Yau taug aniiŋ tau igham tamtamon tileep matazi yaryaare. Isaav ighe tamtamon eta ilam tsiau, i aat pitoola muul mako. Ve isaav ighe ŋeer eta ighur ilam tsiau, i aat murunu muul mako. Is 55:1-2

1 Korin 4:8

Aa yam Korin, arao kat! Ail saa gabua muul? Pa yam asavsaav aghe: Maaron tapiri, yam agham katini wa. Ve aghe aghazooŋ kat pa ŋgar tooni. Ve aghe yam amin kinik wa. Aleep ila tamtamon eta saamba muul mako. Eemon yei o, soone. Ve imin ta saveeŋ tsiam tana onoon, kanaŋ poia. Leso itiŋa tamin kinik ve tagham pooz. Eemon mako. Syg 3:17+

Lukas 1:54

Muuŋ, i imbu saveeŋ tomania timbuunŋa tauvene: I pale loolo isaghatin Abaram ve paaghu tooni, ve iuul zi taghon taghon gha ila. Tauta aazne, maata iŋgal besooŋa tooni Israel, ve iuul zi.” Gnp 17:7; Mbo 98:3; Mika 7:20; Ro 11:28