Kolosi 4:3 - Maaron Saveeŋ Tooni Patabuyaaŋ Tuam

³ Ve aghur ghei ila suŋuuŋ tsiam paam. Aghason Maaron to igharaat eez payei. Leso nivotia saveeŋ to Krisi pa tamtamon, ve nipaghazoŋai zi pa Maaron ŋgar tooni tau muuŋ iyooŋ, ve aazne ivot ighazooŋ. Yau, tighur ghau iloŋ ila ruum to yavyavuuŋ pasaa, navovotia saveeŋ tane pa tamtamon. Ro 15:30; Ep 3:1+, 6:19+; Kol 1:26+

Mutu (Oov)

³ Ve aghur ghei ila suŋuuŋ tiam paam. Aghason Maaron pa igharaat ataam payei. Leso nivotia saveeŋ to Krisi pa tamtoghon, ve nipaghazoŋan di pa Maaron ŋgar toni to muuŋ iyooŋ ve aazne ivot ighazooŋ. You, tighur ghou ila ruum to yabyabuuŋ lolo pasa, navovotia saveeŋ tonene pa tamtoghon. Ro 15:30; Ep 3:1+, 6:19+; Kol 1:26+

Kolosi 4:3 Referans Kwoze

Uraat To Yes Mbaŋooŋa 14:27

Yesuru tila tivot Antiok, ra tipoi lupuuŋ to Krisi tilam tilup zi, ve tipaes pazi pa uraat naol isov tau Maaron igham zi tivot ila nimazi. Ve tipaes pazi tighe Maaron igharaat eez pa yes tau Yuda mako na, tauta tighur ila to Yesu wa.

Kolosi 1:26

Ta muuŋ geeg, saawe to timbuunŋa ve ilam, ŋgar tau yau nasasavia ne, ene iyooŋ. Tauvene tamtamon tikankaan pani. Eemon aazne, Maaron ivotia ŋgar yoŋgaaŋa tane pa tamtamon tooni patabuyaaŋa gha igheen mataghare wa. Ro 16:25+; 1Kor 2:7; Ep 3:3-9

2 Korin 2:12

Saawe tau nala navot nugh Troas to navotia vaaru poia to Krisi pazi, naghita naghe Maaron ikaak ataman payau to nagham uraat izi ta sewe.

Pilipai 1:7

Yau lolog igheen tsiam kat ve saawe isov matag iŋgalŋgal gham. Nagham ŋgar tane payam, ene iduduuŋ. Pasaa, saawe tau naleep ila ruum to yavyavuuŋ loolo, ma naleep muuri ve naparav ariaaŋ pa vaaru poia, ve napaghazoŋai tamtamon pani, yau nawatagh: Zigau nayooz pa uraat tane mako. Itiŋa taluplup ghiit pani. Uraat tane Maaron ighuru ila nimaan itaghon i tauu poia tooni.

Epesus 4:1

Yau naleep ila ruum to yavyavuuŋ loolo pasaa, namin Tiina toit Yesu le, ve naghamgham uraat tooni. Yau naghe napalot gham tauvene: Maaron igham poghani gham, ve ipoi gham gha amin i le wa. Tauvene laghooŋ tsiam, yam aat ataghon ŋgar poia tau iduduuŋ pa poiŋ tooni tawe. Yam aat ataghon ŋgar tauvene: Ep 3:1; Pil 1:27; 1Tes 2:12

1 Korin 16:9

Pasaa, Maaron ikaak eez payau to nagham uraat tiina izi ta sene. Ve naghita naghe uraat tsiau ighurghur anooŋa. Eemon eval tiina tizorzoor saveeŋ tsiau paam. 2Kor 1:16; Kol 4:3; Syg 3:8

1 Korin 4:1

Tauvene tamtamon irau tigham ŋgar pa yei uraata tauvene: Yei besooŋa to Krisi. I inumeer ghei, ve ighur saveeŋ tooni ilam tsiei leso niŋgini. Saveeŋ tane isavia Maaron ŋgar tooni tau muuŋ iyooŋ, ve aazne ivot ighazooŋ. 1Kor 3:5; 2Kor 6:4

1 Tesalonika 5:25

Yam toŋvetaz, matamim iŋgal ghei, ve aghur ghei ila suŋuuŋ tsiam. Ro 15:30; Kol 4:3; 2Tes 3:1

Matayu 13:11

Yesu iyol aliŋazi ighe: “Pooz to nugh sambam, ene ŋgara yoŋgaaŋa. Eemon yam, Maaron igham poghani gham, ve ipaghazoŋai ŋgar tana payam. Ve tamtamon siriv, i igham tauvene pazi mako. 1Yo 2:27

Pilemon 1:22

O, ve gabua ite. Naghe yo ughur ruum loolo eta isaŋan payau pataghaaŋ. Pa naghur ila naghe Maaron pale ilooŋ suŋuuŋ tsiam, ve ipas ghau navot pa ruum to yavyavuuŋ tane, ve nalat.

Pilipai 1:19

Tauvene yau aat lolog poia kat ta aazne, ve taghon gha ila. Pasaa, yam aghurghur ghau ila suŋuuŋ tsiam, ve Yesu Krisi Avuvu iuluul ghau. Tauvene yau nawatagh naghe: Maaron pale ipas ghau navot pa pataŋani tane. 2Kor 1:11

2 Timoti 1:16

Eemon Onesiporus tomania yes tau tilepleep tomania ila ruum tooni na, Maaron aat loolo isaghatin zi ve iuul zi. Onoon, aazne yau nalepleep ila ruum to yavyavuuŋ loolo, ve tikau nimag ve agheg pa sen. Eemon Onesiporus iroi mako, ve maaya payau mako. Saawe tau ilam Rom, i iliil ghau lee ilam ivot tsiau. Ve saawe naol, ilam igigig ghau, ve ipapalot ghau, ve iuluul ghau. Mt 25:36; 2Tim 4:16; Hib 13:3

Epesus 3:1

Puughu tane ta yau Paulus naghe naghur gham ila suŋuuŋ tsiau. Yau besooŋa to Yesu Krisi, ve naghamgham uraat to nauul yam tamtamon tau Yuda mako na. Tauta tighur ghau naleep ila ruum to yavyavuuŋ loolo. Ep 4:1; Pil 1:7; Kol 4:3

Rau Tau Paulus Iboode Pa Yes Roma Rom--Romans 16:25

Vaaru poia to Yesu Krisi tau yau navovotia ne, Maaron pale ipalot gham pani, leso ayooz ariaaŋ. Onoon, muuŋ geeg ve ilam, vaaru poia tane ivot ighazooŋ mako. 1Kor 2:7; Ep 3:9; Kol 1:26+; 2Tim 1:9+

Epesus 3:3

Eez tane, muuŋ iyooŋ. Eemon Maaron ivotia payau gha naghazooŋ pani wa. Ŋgara siriv ta yau nasavia ila rau tsiau wa.

Epesus 3:4

Ighe awaat rau tane, ene pale aghilaal aghe uraat to Krisi ŋgara, ene yau naghazooŋ pani. Ŋgar tana, muuŋ iyooŋ. Ve aazne, Maaron ivotia ighazooŋ wa.

Epesus 3:9

Maaron ighur gabua naol isov tivot. Muuŋ ve ilam, i ivotia ŋgar tooni ighazooŋ mako. Igheen to tauu mon. Eemon aazne, i ivotia ighazooŋ wa. Ve ighe yau napaghazoŋai tamtamon tisov pani, leso tiwatagh eez tau i igham ŋgar tooni yoŋgaaŋa tawe ighur anooŋa. Ro 16:25+

Kolosi 4:18

Yau Paulus, taug nabood aaz poia tsiau tane. Lolomim iveegh payau sov. Pa aazne naleep ila ruum to yavyavuuŋ loolo ve tikau ghau pa sen. 1Kor 16:21; 2Tes 3:17 Poia to Maaron igheen tomani gham. Onoon.

2 Timoti 4:2

Uvotia Maaron aliiŋa pa tamtamon irau saawe. Isaav ighe uleep ila saawe poia ve tamtamon lolozi pa loŋaaŋ ghom, ma uleep ila saawe saghati ve timbuzir pa saveeŋ tsio, na yo aat uyooz ariaaŋ pa badooŋ pataŋani, ve upaduduuŋ zi poi. Uvotia saveeŋ karom ve ŋgar saghati to tamtamon ivot ighazooŋ, ve avom iyaryaaŋ pazi leso tipuli. Ve upalot zi to titaghon Maaron ŋgar tooni. 1Tim 4:13; 2Tim 2:25; Tit 2:15