Kolosi 3:11 - Maaron Saveeŋ Tooni Patabuyaaŋ Tuam

¹¹ Iit tau Krisi igham ghiit tamin paaghu na, tasov rarateen mon. Eta poia iliiv iitete ne mako. Tauvene isaav ighe iit Grika, ma iit Yuda, ma tataghon ŋgar to ravuuŋ tamtamon warozi, ma tataghoni mako, ma mataan dodoli ve takankaan pa saveeŋ Grik, ma talam pa taan sirivu to Sikitia, ma iit besooŋa tau taleep ila daaba toit sambazi, ma iit mbesooŋa mako ve taŋgin tauun, gabua isov tane, ene gabua sorok. Ve Krisi tau ileep ila tamtamon tooni tisov lolozi ne, i mon ta gabua tauu. Ro 10:12; 1Kor 7:19; Ga 3:28

Mutu (Oov)

¹¹ Iit to Krisi igham ghiit tanim paghu, tasob rarateed moghon. Eta poia ilib pa ita ite maau. Tovenen ighaze iit Grika, ma iit Yuda, ma tizir ghiit, ma tizir ghiit maau, ma iit kankanooŋa ve tawatag saveeŋ Grik maau, ma tanim pa taan suruvu to Sikitia, ma iit mbesooŋa to taneep ila daba toit sambadi, ma iit mbesooŋa maau ve taŋgin tauud, mbeb naol tonene, nene mbeb sorok. Ve Krisi to ineep ila tamtoghon toni tisob lolodi, ye moghon to mbeb tau. Ro 10:12; 1Kor 7:19; Ga 3:28

Kolosi 3:11 Referans Kwoze

1 Korin 12:13

Pasaa, iit tamtamon maata maata. Siriv, yes Yuda, siriv Grika. Siriv, besooŋa. Ve siriv, besooŋa mako, tiŋgin tauzi. Eemon saawe tau tagham yaa, ila uraat to Maaron Avuvu eemon, iit tamin Krisi le. Ve Avuvu tawe ta ilup ghiit tamin Krisi anooŋa eemon. Ve Maaron igham Avuvu eemon pa iit tasov. Avuvu tawe imin yaa maata yaryaare pait ve ipapalot ghiit. Yo 7:37+; Ga 3:28; Kol 3:11

Rau Tau Paulus Iboode Pa Yes Roma Rom--Romans 10:12

Saveeŋ tane iŋarui tamtamon tisov. Yes Yuda, ve yes tau Yuda mako na paam. Pasaa, Maaron eemon ilepleep. I Tiina to iit tasov. Ve i ighurghur poia tooni tiina izazaa to tamtamon tisov tau tighasoni pa uleeŋ. Mbaŋ 10:34+; Ro 3:22, 29; Ga 3:28

Epesus 3:6

Ŋgar yoŋgaaŋa tana, ene vene: Yes tau Yuda mako na, vaaru poia imin eez pazi gha timin Krisi le ve tipaak ila tooni. Tauta aazne, yesŋa yes Yuda timin lupuuŋ eemon, ve yesŋa ezazi pa ghamuuŋ lepoogh poia ila to Maaron itaghon saveeŋ mbuaaŋ tooni. Ga 3:14,28+; Ep 2:14+

Rau Tau Paulus Iboode Pa Yes Roma Rom--Romans 3:29

Mindai, Maaron i Maaron to yes Yuda mon? Mako. I Maaron to yes tau Yuda mako na paam. Mbaŋ 10:34+; Ro 9:24+, 10:12; Ga 3:28

Galesia 5:6

Iit tau taleep ila to Yesu Krisi na, tagham ŋgar tiina pa ravuuŋ tamtamon warozi muul mako. Pa ighe tirav waroon, ma tiravu mako, ene gabua to uliin mon. Ve isaav ighe ghuruuŋ ila toit ipaburigin ghiit gha loloon pa tamtamon ve tagham poghani zi, ene gabua tauu. 1Kor 7:19; Ga 6:15; Kol 3:11

Yoan 17:23

Yau aat naleep ila toozi, ve yo uleep ilam tsiau. Leso tivalupu zi timin eemon kat. Isaav ighe ŋgar tauvene ivot, ene pale tamtamon to taan tighilaal tighe yo umbaaŋ ghau ta nazilam, ve lolom igheen to yes tau tighur ilam tsiau na, raraate imin lolom igheen tsiau. Yo 16:27

Galesia 2:20

Tauvene lepoogh tsiau tau aazne naghamu izi taan, ene taug naŋgini muul mako. Krisi tau ilepleep ila lolog ne, tauta iŋgin lepoogh tsiau. Tauvene yau naghur ila to Maaron Naatu tau ighur loolo payau kat, ve ipul tauu gha imaat payau. Ghuruuŋ ila tsiau tane, tauta aazne ighamgham pooz payau pa lepoghag to taan. Ro 6:6,11, 7:6; 2Kor 5:15

1 Korin 7:19

Pa isaav ighe tirav waroon, ma tirav waroon mako, ene kaut sorok. Ve ŋgar to taghoniiŋ Maaron tutuuŋ tooni, ene gabua tauu. Ro 2:25; Ga 5:6, 6:15

Uraat To Yes Mbaŋooŋa 15:17

Ve tamtamon siriv to nugh nugh tauvene paam. Yau aat napaburigin yes tau nasiigh zi timin leg na, leso tizuari zi to tiwatagh katin ghau.

Kolosi 2:10

Ve gabua naol tau tapirizi tiina ve tighamgham pooz pait na, i imin daaba pazi ve iŋginiir zi. Tauvene yam tau apaak Krisi ve aleep ila tooni na, i ipavon gham kat pa Maaron tapiri ve ŋgar tooni isov, ve agham lepoogh poia kat ila tooni. Yo 1:16; Ep 1:21+; 1Pe 3:22

Rau Tau Paulus Iboode Pa Yes Roma Rom--Romans 1:14

Yau naghita naghe yau leg uraat to nauul tamtamon tisov. Yes Grika, ve yes kankanooŋa tau tivot soone na paam. Ve yes tau lezi ŋgar tintiina, ve yes tau lezi ŋgar mako na paam.

Yoan 15:5

“Yau taug ta ai vaen, ve yam amin vaen booga. Tamtamon tau ighe ipaak tuŋia ilam tsiau, ve yau napaak tuŋia ila tooni, ene aat ghuruuŋ ila tooni ighur anooŋa popoia katini. Ve isaav ighe aleep soghan payau, ene irau agham gabua poia eta ivot mako. Ga 5:22+; Pil 2:13; Kol 1:10

Uraat To Yes Mbaŋooŋa 28:4

Yes nugh tauŋa tighita moot tawe ituuk ila Paulus niima, ve tivasavo zi tighe: “Wai, ŋeer tane aat irav tamtamon eta imaat. Onoon, te iravu imaat mako. Eemon maaron livaa toit tau iyatyat duduŋai ŋgar sasaghati to tamtamon na irau ipuli ileep maata yaryaare mako. Tauta pataŋani tane ivot pani.”

Uraat To Yes Mbaŋooŋa 28:2

Yes nugh tauŋa ŋgar toozi poia le poia kat. Yes tigham poghani ghei kat. Saawe tana, uman izi le nugh iyauŋ. Tauvene tindav yav, ve tipoi ghei tighe nila yav ilaav ghei.

Yoan 14:23

Yesu iyol ghasoniiŋ tooni tauvene: “Isaav ighe tamtamon eta loolo igheen tsiau, ene pale maata kisin saveeŋ tsiau ve itaghoni. Tamtamon tauvene, Tamaŋ pale loolo igheen tooni, ve yeiru Tamaŋ nila tooni, ve nighamu imin niamai to lepoogh. 1Kor 3:16; 2Kor 6:16; Syg 3:20

2 Yoan 1:9

Tamtamon tisov tau tikis saveeŋ to Krisi tuŋia mako, ve tiseeŋga pa saveeŋ siriv itaghon tauzi ŋgar toozi na, Tamaan Maaron ileep tomani zi mako. Eemon isaav ighe tamtamon eta ikis saveeŋ to Krisi tuŋia ve itaghoni, ene itotoia ighe Tamaan Maaron ve Naatu Yesu Krisi tileep tomania, ve yesŋa tivalupu zi timin eemon. 1Yo 2:23

1 Yoan 5:20

Ve iit tawatagh: Maaron Naatu izilam taan, ve ipaghazoŋai ŋgar toit, leso tawatagh katin Maaron tauu. Tauta aazne, iit taleep ila to Maaron tauu ve Naatu Yesu Krisi, ve itiŋa tavalupu ghiit tamin eemon. Yesu Krisi, i Maaron tauu. Ve i ta imin puughu pa lepoogh maata yaryaare. Yo 17:3

Epesus 6:8

Ve yam awatagh: Saa uraat poia tau ighe iit taghamu, ene aat Maaron igham leen atuya poia itaghon uraat to iit eŋaeŋa. I pale igham tauvene pa tamtamon tisov. Yes besooŋa sorok, ve yes tau besooŋa mako ve tiŋgin tauzi na paam. Mt 25:34+; 2Kor 5:10

Epesus 3:17

Ve naghe i igham gham aghur ila to Krisi kat, ve Krisi ileep tuŋia ila lolomim. Ve akis ŋgar to loloon pa Maaron ve tamtamon ariaaŋ imin ai waria ikor taan, ve ayooz ila ŋgar tana. Yo 14:23; Kol 1:23, 2:7

1 Korin 14:11

Eemon isaav ighe tamtamon eta isavsaav, ve yau nawatagh aliiŋa mako, ene pale yeiru nivaghito ghei imin i to nugh ite, ve yau to nugh ite.

Rau Tau Paulus Iboode Pa Yes Roma Rom--Romans 3:22

Eez tane, ene eez to ghuruuŋ ila. Tamtamon tisov tau tighur ila to Yesu Krisi na, Maaron pale ighit zi ighe tiduduuŋ ila i maata. Yes Yuda, ve yes tau Yuda mako na paam. Pasaa, tamtamon eta iliiv iitete mako. Iit tasov rarateen mon. Tasov tasosor wa. Pasaa, tataghon Maaron gabua ve ŋgar tooni irao mako. Ŋgar ve lepoogh toit, ene itotoia ighe i eeza tiina ne mako. Ro 1:17, 11:32; Ga 3:22

Epesus 2:14

Tauvene Krisi tauu ta imin puughu pa luuma to Maaron ilam pait, ve igham ghiit itiŋa Maaron tavalupu ghiit tamin eemon. Aghita. Muuŋ, koi isap yes Yuda ve yes tau Yuda mako na sosozi imin didiiŋ tiina, le irau tivalupu zi mako. Eemon saawe tau Krisi ibaad yavyavuuŋ gha imaat, i ireu didiiŋ tiina tawe izi, ve ilup zi timin eemon. Ro 5:1; Ga 3:28 Kol 1:20+

Epesus 2:15

Muuŋ, tutuuŋ ve saveeŋ ŋgalsekiiŋ naol tau Mose isavia na, igham Yuda ve yes tau Yuda mako na tivaghuru koi pa tauzi ve tileep soghan soghan. Eemon saawe tau Krisi ibaad yavyavuuŋ gha imaat izala ai pambarooŋ, i ipasov tutuuŋ tomania ŋgalsekiiŋ naol tawe. Tauta igham ŋgar luuma ivot, ve ilup yes tau tileep ila tooni na timin eemon. Pasaa, saawe tau i imaat izala ai pambarooŋ, i irav motin koi tau isap itiŋa Maaron sosoon na, ve ilup ghiit tomania Maaron tamin eemon. Tauta ipasov koi tau muuŋ isap Yuda ve yes tau Yuda mako na sosozi paam, ve ilup zi timin lupuuŋ eemon. Kol 2:14