Kolosi 2:7 - Maaron Saveeŋ Tooni Patabuyaaŋ Tuam

⁷ Lolomim isaghav Krisi kat, ve agham tapirimim ila tooni, imin ai tau waria izila kat. Ve ayooz tuŋia ila tooni, imin ruum tau tirao izala rir ariaŋazi. Ve aghur ila tooni ariaaŋ itaghon saveeŋ tau tipaduduuŋ gham pani na. Ve lolomim poia pa Maaron ve apaiti pa poia tooni irau saawe. Ep 2:20+, 3:17; 1Tes 5:18

Mutu (Oov)

⁷ Lolomim ikis Krisi kat, ve agham tapirimim ila toni, animale ai to waria izila kat. Ve ayoon tuŋia ila toni, animale ruum to tireii izala gungun ariaŋadi. Ve aghur ila toni ariaŋa. Leso ataghon saveeŋ to tipatoot gham pani. Ve lolomim poia pa Maaron ve apaiti pa poia toni irau sawa isob. Ep 2:20+, 3:17; 1Tes 5:18

Kolosi 2:7 Referans Kwoze

Epesus 3:17

Ve naghe i igham gham aghur ila to Krisi kat, ve Krisi ileep tuŋia ila lolomim. Ve akis ŋgar to loloon pa Maaron ve tamtamon ariaaŋ imin ai waria ikor taan, ve ayooz ila ŋgar tana. Yo 14:23; Kol 1:23, 2:7

Kolosi 1:23

Eemon yam aat akis ghuruuŋ ila tsiam ariaaŋ, ve ayooz tuŋia ila to Krisi. Ve ŋgar to saŋaniiŋ lepoogh poia tau Maaron ighe igham pait na, gabua eta igham gherev payam ve apuli sov. Vaaru poia tau tisavia payam gha alooŋa na, isavia lepoogh tawe, ve tivotia irau nugh naol isov tau tighenaar ila sambam saamba na. Ve yau paam, Krisi ighur ghau namin besooŋa pani. Mk 16:15; Kol 1:6, 2:7

1 Petrus 5:10

Maaron toit tau poia puughu na, i ipoi gham amin Krisi le, leso igham gham ala aleep tomania ila mbonari loolo le alok. Pataŋani tau aazne abadbaado na, malau mako pale isov. Ve murei, Maaron tauu pale igham gham aleep poia muul, ve ipalot gham, leso ayooz tuŋia, ve ataghon suvinia ŋgar tooni. 2Kor 4:17; 1Pe 1:6

Epesus 5:20

Ve saa gabua tau ighe ivot payam, poia ma pataŋani, na lolomim poia pa Tamaan Maaron, ve apaiti ila Tiina toit Yesu Krisi eeza irau saawe. Kol 3:17; 1Tes 5:18; Hib 13:15

Rau Tau Paulus Iboode Pa Yes Roma Rom--Romans 16:25

Vaaru poia to Yesu Krisi tau yau navovotia ne, Maaron pale ipalot gham pani, leso ayooz ariaaŋ. Onoon, muuŋ geeg ve ilam, vaaru poia tane ivot ighazooŋ mako. 1Kor 2:7; Ep 3:9; Kol 1:26+; 2Tim 1:9+

Rau Tau Jud Iboode Jut--Jude 1:24

Maaron tau Uleeŋa toit ne, i mon ta Maaron tauu. I irau ipalot gham, leso atap sov, ve ayooz ariaaŋ. Ve i irau igham gham ala aleep tomania ila mbonari loolo toman lolomim poia kat. Pasaa, uraat to Krisi igham gham aduduuŋ ila Maaron maata, ve lemim sosor eta muul mako. I saksaki ve eeza tiina kat pa tapiri ve poia tooni. Ve gabua naol isov tileep ila i saamba. Muuŋ geeg, saawe tau gabua eta ivot soone, i ileep tauvene. Ve aazne ve murei paam, i pale ileep tauvene taghon taghon gha ila. Tauvene iit tapaiti ila Tiina toit Yesu Krisi eeza. Onoon. Mbo 37:24; Ro 16:25+; 1Kor 1:8; Ep 3:20; 1Pe 5:10+; 2Pe 3:14, 18

1 Korin 15:58

Tauvene yam toŋvetaz tau lolog igheen tsiam kat na, yau nasaav payam: Ayooz ariaaŋ, akis ghuruuŋ ila tsiam tuŋia, ve apul taumim kat pa uraat to Tiina toit irau saawe. Pa yam awatagh: Isaav ighe i ileep tomani gham pa uraat tsiam, na yam arav taumim sorok pa uraat mako. Uraat tsiam pale ighur anooŋa. Ga 6:8; Hib 6:10; Syg 14:13

Hibru 13:15

Tauvene iit aat tapait Maaron ila Yesu eeza. Onoon kat, iit tau taghur ila to Yesu ve tavovotia eeza ne, avoon aat ipait Maaron irau saawe. Ene imin watooŋrau toit ila pani. Mbo 69:30+; Ep 5:20; 1Pe 2:5

Kolosi 3:17

Saveeŋ tsiam toman uraat tsiam, ve saa ŋgar ite paam tau ighe aghamu, yam aat aghamu ila Tiina toit Yesu eeza to apaiti. Ve lolomim poia pa Tamaan Maaron paam, ve apaiti pa poia tooni ila Yesu eeza. 1Kor 10:31; 1Tes 5:18; Hib 13:15

1 Tesalonika 5:18

Saa gabua tau ighe ivot payam, na lolomim poia mon pa Maaron ve apaiti. Pa i ighe yam tau apaak Krisi ve aleep ila tooni na, agham tauvene. Ep 5:20; Kol 3:17

Lukas 6:48

ene yes timin ŋeer tau irau ruum. I ighelia ruum rira tizila le koŋia kat ila mboŋar tau igheen ila taan loolo na paavo. Tauvene saawe tau uman tiina izi, ve yaa ivot toman tapiri le itok ruum tooni, ruum katia mako. Pasaa, ŋeer tana irau ruum ariaaŋa.

Epesus 4:21

Yau nawatagh: Yam alooŋ Yesu vaaru, ve tipaghazoŋai gham pa saveeŋ onoon tau igheen tooni na le aghazooŋ pani.

Rau Tau Jud Iboode Jut--Jude 1:20

Eemon yam zeran tsiau, ghuruuŋ ila tsiam tau Maaron igham payam na, ene gabua patabuyaaŋ kat. Yam aat avapaloti gham, leso ghuruuŋ ila tsiam ivot imin tiina ve iyaryaaŋ kat. Ve asuŋ itaghon pooz to Maaron Avuvu. Ep 6:18; Kol 2:7; 1Tes 5:11

2 Korin 1:21

Maaron tauu ipapalot ghei tomani gham. Tauta iit tasov taleep tuŋia ila to Krisi. I isiigh ghiit tamin le, ve ighur Avuvu Patabuyaaŋ ila loloon wa. Avuvu tane imin ilaal pait ighe iit tamtamon to Maaron. Ve imin puughu pa gabua naol tau pale Maaron igham pait. Tauvene iit tawatagh: Saa gabua tau Maaron imbu saveeŋ pani na, i pale igham pait. Ro 8:16+; 2Kor 5:5; Ep 1:13+; Syg 7:3+

Rau Tau Jud Iboode Jut--Jude 1:12

Saawe tau yam alup gham pa ghanghaniiŋ toman suŋuuŋ itaghon eez to lolomim pa taumim, zeran tana tigham lupuuŋ tsiam isaghat ila Maaron maata. Pasaa, lezi roroniiŋ eta pani mako, ve tigham ŋgar pa zetazŋa mako. Matazi iŋgalŋgal tauzi mon. Yes timin taitai tau taghita ve taghe paita uman izi, eemon mako. Yaghur itiri gha ila. Ve timin ai tau saawe tooni to iyanooŋ, eemon anooŋa mako, ve imaat gha igorgor. Tauvene tamtamon tipeii tomania waria, ve tisiki ilale. Yes timin tamtamon tau timaat pai ru. Pasaa, eez to mateegh tau muuŋ titaghoni ve tipuli, tauta aazne tila titaghoni muul. Mt 15:13; 1Kor 11:20+; 2Pe 2:13,17

1 Korin 1:8

Maaron tauu pale ipalot gham, ve igham gham ayooz ariaaŋ le azaa pa saawe tau i ighuru payam na. Leso saawe tau Tiina toit Yesu Krisi imuul ilam, i aat ighit gham ighe lemim sosor eta mako.

Hibru 13:9

Tauvene saveeŋ soroksorok tau isapir pa saveeŋ to Maaron na, igherev gham gha apul eez tooni sov. Onoon, zeran siriv tizuari zi tighe le titaghon katin tutuuŋ maata maata tau iŋarui aniiŋ ma gabua siriv. Eemon ŋgar tau tighamghamu na, iuul zi mako. Tagham tapiriin ila poia to Maaron, o poia. Ro 14:17; Ep 4:14; Kol 2:4,16+