Kolosi 2:20 - Maaron Saveeŋ Tooni Patabuyaaŋ Tuam

²⁰ Yam apaak Krisi pa mateegh tooni, ve apul lepoogh tsiam muŋgaana wa. Tauvene avuvu maata maata to sambam saamba ve taan, yam aleep ila sambazi muul mako. Ighe tauvene, puughu mindai ta yam aleep imin yes to taan, ve ataghon tutuuŋ naol tau iŋarui gabua to taan ne? Ro 6:6; Ga 4:3+, 4:9

Mutu (Oov)

²⁰ Yam alup toman Krisi pa mateeŋ toni, ve apul nepooŋ tiam muŋgina wa. Tovenen avuvu naol naol to sambam paroŋania ve taan, yam aneep ila sambadi muul maau. Ighaze venen, pughu vena to yam aneep animale yes to taan, ve ataghon tutuuŋ naol to tiŋarua mbeb to taan? Ro 6:6; Ga 4:3+, 4:9

Kolosi 2:20 Referans Kwoze

Kolosi 2:8

Ayamaan gham pa yes karomŋa. Mako pale tigherev gham ve ataghon zi. Saveeŋ tau tisasavia na, ene saveeŋ tauu mako. Ene saveeŋ sorok tau itaghon ŋgar to timbuzŋa muuŋ ve ilam. Le anooŋa mako. Zeran tawe tighe titaghon ŋgar to avuvu maata maata tau tiŋgin gabua to sambam saamba ve taan. Eemon saveeŋ toozi itaghon Krisi ŋgar tooni mako. Mk 7:3; Ga 4:3, 9; 1Tim 4:1+; Hib 13:9

Kolosi 2:16

Tauvene isaav ighe zeran siriv tighit gham ataghon tutuuŋ toozi mako, ve tiyau avozi payam tighe yam agham sosor, na agham ŋgar naol pa saveeŋ toozi sov. Ene nasavia tutuuŋ toozi siriv tau iŋarui gabua tau aghanghani ve aghunghunu na, ve tutuuŋ toozi tau iŋarui lupuuŋ tintiina to suŋuuŋ, ma suŋuuŋ tau ivotvot ila saawe to kaiyo izaa paaghu, ve umbom patabuyaaŋ to Maaron. Mk 7:19; Ro 14:3+; 1Kor 8:8; Ga 4:9+

Galesia 4:3

Yei Yuda tauvene paam. Muuŋ, nileep imin yes geegeu tau ŋgarig gha tighamgham ŋgar. Saawe tana, nibesbees pa tutuuŋ naol tau tisavia gabua to taan. Ga 3:23

Kolosi 2:14

Muuŋ, iit leen sosor tiina kat ila Maaron maata. Eemon aazne, Krisi ipasov sosor toit isov. Ene imin tibodeer ŋgar toit isov tau imalaaŋ pa tutuuŋ to Maaron na ila rau, ve Maaron iravu izala ai pambarooŋ to Krisi. Ep 2:15+; 1Pe 2:24

1 Yoan 5:19

Ve iit tawatagh: Iit tamtamon to Maaron. Eemon eval tiina to taan, yes tileep ila Ŋeer Saghati niima, ve i ighamgham pooz pazi.

Hibru 13:9

Tauvene saveeŋ soroksorok tau isapir pa saveeŋ to Maaron na, igherev gham gha apul eez tooni sov. Onoon, zeran siriv tizuari zi tighe le titaghon katin tutuuŋ maata maata tau iŋarui aniiŋ ma gabua siriv. Eemon ŋgar tau tighamghamu na, iuul zi mako. Tagham tapiriin ila poia to Maaron, o poia. Ro 14:17; Ep 4:14; Kol 2:4,16+

Yakobus 4:4

Yam aghur murimim pa Maaron imin livaa tau ipul azaawa ve igham tamoot paaghu. Yam awatagh mako? Ŋgar to ghuruuŋ loloon pa gabua to taan, ene igham ghiit tamin Maaron koiŋa. Tauvene sei tau ighe ighur loolo pa gabua to taan, ene imin Maaron koia. Mt 6:24; Ro 8:7+; 1Yo 2:15

Galesia 6:14

Eemon yau irau napait taug ezag, ma tamtamon ite paam eeza ne mako. Yesu Krisi tau imaat izala ai pambarooŋ, i mon ta igham ghau tintinig ve napait eeza. Yau naghita naghe saawe tau tirav Krisi imaat izala ai pambarooŋ, tirav ghau namaat tomania. Tauta mateegh tooni tapiri irav matin ŋgar to taan tau muuŋ igheen ila lolog na gha imaat wa. Ro 6:6; 1Kor 1:31, 2:2; Pil 3:7+

2 Korin 10:3

Onoon, aazne yei nileep izi taan. Eemon nipaparav imin yes tau titaghon taan ŋgara ne mako.

Yoan 15:19

Zeran tau titaghon ŋgar to taan na, imin ta yam apaak zi pa ŋgar toozi ve yamŋa raratemim, kanaŋ lolozi payam. Eemon mako. Pasaa, yau napas gham avot ila sosozi gha amin leg, ve apul ŋgar to taan wa. Tauta yes tighurghur koi payam. Lu 6:22; Yo 17:14; 1Yo 4:5

Epesus 2:15

Muuŋ, tutuuŋ ve saveeŋ ŋgalsekiiŋ naol tau Mose isavia na, igham Yuda ve yes tau Yuda mako na tivaghuru koi pa tauzi ve tileep soghan soghan. Eemon saawe tau Krisi ibaad yavyavuuŋ gha imaat izala ai pambarooŋ, i ipasov tutuuŋ tomania ŋgalsekiiŋ naol tawe. Tauta igham ŋgar luuma ivot, ve ilup yes tau tileep ila tooni na timin eemon. Pasaa, saawe tau i imaat izala ai pambarooŋ, i irav motin koi tau isap itiŋa Maaron sosoon na, ve ilup ghiit tomania Maaron tamin eemon. Tauta ipasov koi tau muuŋ isap Yuda ve yes tau Yuda mako na sosozi paam, ve ilup zi timin lupuuŋ eemon. Kol 2:14

Kolosi 3:3

Pasaa, yam apaak Krisi pa mateegh tooni, ve lepoogh tsiam muŋgaana isov wa. Ve lepoogh tsiam paaghu, ene gabua tau igheen ŋgozaaŋ tomania Krisi ila to Taama Maaron.

Kolosi 2:21

Tutuuŋ tauvene: “Gabua tane, yam aghamu sov, akisi sov, aghani sov.” 1Tim 4:1+