Kolosi 2:15 - Maaron Saveeŋ Tooni Patabuyaaŋ Tuam

¹⁵ Ve avuvu ariaŋazi maata maata, tomania gabua naol tau tapirizi ve ezazi tintiina na paam. Saawe tau Krisi imaat izala ai pambarooŋ, Maaron iliiv zi ve ipasov tapirizi. Ra igherev zi tila, ipayooz zi ila eval tiina naghozi, ve ipamayaŋin zi. Gnp 3:15; Lu 11:22; Yo 12:31

Mutu (Oov)

¹⁵ Ve avuvu ariaŋadi naol, toman mbeb naol to tapiridi ve izadi tintina ne paam, sawa to Krisi imaat izala ai pambarooŋ, Maaron ilib padi ve ipasob tapiridi. Ghoro iweu di tila, ipayoon di ila ival tiina matadi, ve ipamayaŋin di. Mbnp 3:15; Lu 11:22; Yo 12:31

Kolosi 2:15 Referans Kwoze

Hibru 2:14

Geegeu tau i isavi zi na, ene iit tamtamon to taan tau taghur ila tooni. Tauta Yesu paam imin tamtamon to taan raraate imin iit, ve iyamaan pataŋani naol to taan, ve imaat to ipasov Ŋeer Saghati tapiri. Pasaa, i ta imin puughu pa mateegh ve ivavaghamunia tamtamon. Gnp 3:1+; Yo 1:14, 12:31; 2Tim 1:10

Epesus 4:8

Saveeŋa igheen pataghaaŋ wa. Ighe: “I iparav le iliiv koiŋa. Ve saawe tau izala saaŋa, igherev eval tiina tau i iyau zi timin le na gha yesŋa tila, ve irei gabua popoia pa tamtamon.” Mbo 68:18; Kol 2:15

Matayu 12:29

“Mindai, tamtamon eta irau ireu ruum to ŋeer ariaaŋa eta, ve iloŋ ila iyau sorokin gabua tooni? Mako. I aat itatan ŋeer ariaaŋa tana tapiri ve ikauu pa ravraav le isov, o iyauur gabua naol isov tau tigheen iloŋ ila ruum tooni loolo. Kol 2:15; 1Yo 3:8, 4:4

Epesus 6:12

Pa yam awatagh. Itiŋa tamtamon to taan taparav mako. Aazne, gabua sasaghati naol tau tapirizi ve ezazi tintiina na timin koiaanŋa ve tapaparav tomani zi. Gabua tawe tileep ila niazi ta saaŋa we, ve tighamgham pooz toman tapirizi, leso tipalot ŋgar to ndoroom izi taan. Ep 2:2; 1Pe 5:8+

Yoan 16:11

Ve uraat to gabizooŋ ve ghuruuŋ atuya pa tamtamon, ene pale ivot. Pasaa, ŋginiiŋ to yes tau titaghon taan ŋgara na, Maaron igabiiza ighe i isosor wa. Tauvene i isasaŋan mon pa saawe to Maaron ighur atuya pani. Yo 12:31

Lukas 10:18

Yesu isaav pazi ighe: “Yau naghita Sadan itap sambam ve izilam pa taan imin nugh ighani milia. Yo 12:31; Syg 12:7+

Saveeŋ Yoŋgaaŋ 20:10

Ve Ŋeer Saghati tau itombaan zi tilam na, Maaron pale isiki izila puura tiina. Ene puura tau yav ighanghan ila, ve maet salfa tau vaazi saghati na izazaa pani. Nugh tawe, ta papazoge tisik gabua saghati yesuru iitete tau propet karom na tizila. Yes tol tawe pale tileep ta sewe, ve tigham yavyavuuŋ tiina kat. Ve yavyavuuŋ toozi irau isov ne mako. Pale igham zi mboŋ ve mataaz, ve ighengheen tauvene taghon taghon gha ila. Mbo 11:6; Syg 14:10+, 19:20

Kolosi 1:16

Pasaa, Maaron ighur gabua tisov tivot ila Krisi niima. Gabua to sambam, ve gabua to taan. Gabua tau taghit zi pa mataan, ve gabua tau taghit zi mako na paam. Yes daaba tau talepleep ila sambazi ne, ve gabua siriv tau tapirizi ve ezazi tintiina na paam. Imin yes aŋela ve avuvu ariaŋazi maata maata paam. Gabua naol tawe, Maaron ighur zi tisov tivot ila Naatu niima, ve tileep to tibees pani. Yo 1:3,10; Hib 1:2; 1Pe 3:22

Lukas 11:22

Eemon isaav ighe tamtamon eta tau tapiri iliiv ŋeer ariaaŋa tana ila peria tooni, ve igham malmal le iliivo, ene pale iyauur gabua naol isov to malmal tau ŋeer ariaaŋa tana inumeer zi na, tomania gabua tooni siriv, ve irei zi pa zeetŋa. Kol 2:15; 1Yo 3:8, 4:4; Syg 20:2

2 Korin 4:4

Vaaru poia isavia Krisi mbonari tomania tapiri ve poia tooni. Ve ipaghazoŋaini ighe i ŋeer tau itotoi katin Maaron naagho pait. Eemon yes tau tighur ila mako na, tighilaal ghazooŋa to vaaru poia mako. Pasaa, Sadan tau maaron karom to taan tane, i ipoon ŋgar toozi wa. Yo 1:14, 12:31, 14:9; Ep 2:2; Pil 2:6; Kol 1:15; Hib 1:3

Yoan 19:30

Yesu igholoom vaen tana le isov, ve isaav ighe: “Uraat tsiau, ene isov tane.” Ra iŋgoor luua, ipul avuvu ila, ve imaat.

1 Korin 15:24

Gabua tawe isov, mako taan saawe ivot, ve i pale ipasov yes pooza, ve daaba tisov tau ezazi tintiina, tomania gabua isov tau tapirizi tiina na, le tisov tilalez. Mako ipul uraat to ghamuuŋ pooz imuul ila Taama Maaron niima.

2 Korin 2:14

Ve yau napait Maaron toman lolog poia. Pasaa, saawe isov, i imuŋmuuŋ payei ve ipapalot ghei pa uraat tsiei. Ila uraat to Krisi, yei nimin yes tau tilaagh tomania daaba to zaaba tau iparav ariaaŋ ve iliiv pa malmal tiina. Uraat tsiei, ene eez tau Maaron ipaghazoŋai tamtamon pa Krisi vaaru. Vaaru tawe, ene imin naunauŋ poia ee tau vaazi ila irau nugh.

Epesus 3:10

Maaron igham tauvene, leso yes aŋela tomania gabua ariaŋazi siriv tau tileep izi sambam ve tighamgham pooz na, matazi izilam pa iit tamtamon tau taleep ila lupuuŋ to Krisi ne, ve tighilaal ŋgar popoia maata maata tau igheen to Maaron. Ro 11:33; 1Pe 1:12

Kolosi 2:10

Ve gabua naol tau tapirizi tiina ve tighamgham pooz pait na, i imin daaba pazi ve iŋginiir zi. Tauvene yam tau apaak Krisi ve aleep ila tooni na, i ipavon gham kat pa Maaron tapiri ve ŋgar tooni isov, ve agham lepoogh poia kat ila tooni. Yo 1:16; Ep 1:21+; 1Pe 3:22