Kolosi 2:14 - Maaron Saveeŋ Tooni Patabuyaaŋ Tuam

¹⁴ Muuŋ, iit leen sosor tiina kat ila Maaron maata. Eemon aazne, Krisi ipasov sosor toit isov. Ene imin tibodeer ŋgar toit isov tau imalaaŋ pa tutuuŋ to Maaron na ila rau, ve Maaron iravu izala ai pambarooŋ to Krisi. Ep 2:15+; 1Pe 2:24

Mutu (Oov)

¹⁴ Muuŋ, iit leed sosor tiina kat ila Maaron mata. Eemoghon aazne, Krisi ipasob sosor toit isob. Nene inimale timbood ŋgar toit to tiyel pa tutuuŋ to Maaron ne ila rau, ve Maaron irabi izala ai pambarooŋ to Krisi. Ep 2:15+; 1Pe 2:24

Kolosi 2:14 Referans Kwoze

Hibru 8:13

Aghita. Isaav ighe Maaron isavia eez paaghu eta, ene itotoi ighe eez tau ivot imin maata na, ene muŋginaaŋ ve igharau ighe isov. Eez tauvene, malau mako pale ilale kat. Ro 10:4; Hib 7:18

Hibru 7:18

Tutuuŋ muŋgaana, le tapiri irau to iuul tamtamon mako, ve irau igham gabua eta ivot iduduuŋ kat ne mako. Tauta Maaron iyoli pa eez paaghu tau poia kat le iliiv eez muŋgaana. [Eez tawe, ene Yesu tauu.] I igham ghiit tala tagharau Maaron kat. Leso tagham lepoogh poia tau taghurghur mataan pani na. Ro 8:3+, 10:4; Ep 2:18; Hib 8:13

Kolosi 2:20

Yam apaak Krisi pa mateegh tooni, ve apul lepoogh tsiam muŋgaana wa. Tauvene avuvu maata maata to sambam saamba ve taan, yam aleep ila sambazi muul mako. Ighe tauvene, puughu mindai ta yam aleep imin yes to taan, ve ataghon tutuuŋ naol tau iŋarui gabua to taan ne? Ro 6:6; Ga 4:3+, 4:9

1 Petrus 2:24

Saawe tau Krisi ibaad sosor toit atuya izala ai pambarooŋ, i iyamaan yavyavuuŋ tiina kat ila tiini. Leso tasov pa ghamuuŋ ŋgar saghati, ve taleep poia ila tooni, ve tataghon ŋgar duduuŋa mon. Tauvene zibzib niia tau igheen ila Krisi tiini, tauta igharaat gham gha poiamim wa. Is 53:5; Ro 6:10+

Uraat To Yes Mbaŋooŋa 3:19

Tauvene yam apul ŋgar tsiam sasaghati ileple, ve atoor ŋgar tsiam imuul ila pa Maaron. Leso Maaron ireu sosor tsiam isov ilale, ve Tiina toit ileep tomani gham ve ipariaaŋ gham pa tauu tapiri. Ve i pale imbaaŋ Yesu imuul ilam. I Mesia tau Maaron tauu ighuru to igham mulin gham. Mbaŋ 1:11; 1Tes 4:16

2 Tesalonika 2:7

Pasaa, ŋgar to zoraaŋ tutuuŋ ighe ivot tane itaghon ŋgar yoŋgaaŋa to Maaron. Eemon ivot ighazooŋ geeg soone. Ve pale ighamgham tauvene le gabua tau iponpoon eez pani na ighau, mako ivot ighazooŋ.

Lukas 1:6

Yesuru tamtamon duduŋazi. Lezi sosor eta ila Maaron maata mako. Saawe isov, matazi kisin tutuuŋ to Ŋeer Tiina tomania tutuuŋ ŋgara, ve titaghon duduŋaini.