Kolosi 1:18 - Maaron Saveeŋ Tooni Patabuyaaŋ Tuam

¹⁸ I imin daaba pa lupuuŋ tooni ve ighamgham pooz pazi. Ve yes timin i anooŋa. I ta iburig pa mateegh imin maata. Tauta imin puughu pa burigiiŋ to yes mateegha. Gabua naol tane igham Krisi eeza ivot imin tiina le iliiv gabua naol isov. 1Kor 15:20,23; Ep 1:22+

Mutu (Oov)

¹⁸ Ye inim daba pa lupuuŋ toni ve igham pooz padi. Ve yes tinimale ye anoŋa. Ye to imundig pa mateeŋ muuŋ, ve inim pughu pa mundigiiŋ to yes mateeŋa. Tauto iza ivot inim tiina le ilib pa mbeb tisob. 1Kor 15:20,23; Ep 1:22+

Kolosi 1:18 Referans Kwoze

Saveeŋ Yoŋgaaŋ 1:5

Yesu Krisi, i loolo eemon, ve ipariaaŋ saveeŋ onoon. Leso tamtamon tighur ila. I ta iburig pa mateegh imin maata. Ve i ta imuuŋ pa gabua naol isov, ve iŋginiir kinik tisov to taan. I loolo igheen toit kat. Tauta siŋ tooni imaliŋ pa sosor toit, ve ipas ghiit tavot pa saghati tapiri. Mbo 89:27; Yo 18:37; 1Kor 15:20; Syg 19:16

Uraat To Yes Mbaŋooŋa 26:23

Mesia aat iyamaan yavyavuuŋ ve imaat, ve iburig pa mateegh imin maata. Mako ivotia ghazooŋa to Maaron pa tamtamon. Yes Israela, ve nugh nugh tau Yuda mako na paam.” 1Kor 15:20, 23; Kol 1:18

Matayu 28:18

Tauvene Yesu iŋarui zi ila, ve isaav pazi ighe: “Tamaŋ Maaron ighur gabua naol isov to sambam ve taan ila yau sambag wa, ve yau ezag pa ŋginiiŋ zi. Dan 7:13-14; Yo 13:3; Ep 1:20+

1 Korin 11:3

Ve aazne, naghe yam awatagh kat tauvene: Krisi, i imin daaba pa zitamoot tisov, ve zitamoot timin daaba pa azuwazŋa. Ve Maaron ta imin daaba pa Krisi. Gnp 3:16; Ep 1:22, 5:23; 1Pe 3:1,5

Saveeŋ Yoŋgaaŋ 22:13

“Yau naleep muŋgaaŋ, ve naleep murei geeg. Yau namin puughu pa gabua naol isov, ve yau ta napasov zi. Gabua naol isov puughu, ene yau. Ve gabua tisov tigheen to titaghon ŋgar tsiau.” Is 44:6, 48:12; Syg 1:8, 21:6

Epesus 5:23

Pa azuwamimŋa zitamoot, yes timin daaba payam, ve tigham pooz payam, raraate imin Krisi imin daaba pa lupuuŋ tooni, ve ighamgham pooz pazi. Lupuuŋ tooni, ene imin i tauu anooŋa. Ve i ipul tauu gha imaat pazi, tauta igham mulin zi gha tileep poi. 1Kor 11:3; Ep 1:22+; Kol 1:18

Saveeŋ Yoŋgaaŋ 21:6

Ve isaav muul ighe: “Tauta ene. Isov wa! Yau naleep muŋgaaŋ, ve naleep murei geeg. Yau namin puughu pa gabua naol isov, ve yau ta napasov zi. Isaav ighe tamtamon eta murunu, ene yau aat nagham le yaa maata yaryaare tau bolokbolokia na. Yaa tane, le atuya mako. Pale nagham pani sorok. Is 55:1; Yo 7:37; Syg 1:8, 16:17, 22:17

1 Korin 15:25

Pasaa, Krisi aat igham pooz itaghon Maaron ŋgar tooni le irau itatan koiŋa ve tapirizi isov kat, ve ivaghaaz zi ila aaghe saamba. Mbo 110:1; Mt 22:44; Hib 1:13

Saveeŋ Yoŋgaaŋ 11:15

Mako aŋela imin liim ve ru, aana iviv tavuur tooni, ve nalooŋ eval tiina tau tileep izi sambam we tisaav toman aliŋazi tiina tighe: “Aa ŋgarig gha ŋgar saghati tau muuŋ ighamgham pooz pa taan na tapiri isov, ve gabua naol isov titaghon pooz to Maaron toit ve Mesia tooni. Ve i aat ighamgham pooz tauvene irau saawe!” Igham 15:18; Mbo 10:16; Syg 10:7

Saveeŋ Yoŋgaaŋ 1:18

Yau naleep matag yaryaare irau saawe. Muuŋ, yau namaat. Eemon ughita. Aazne, naleep matag yaryaare. Ve yau aat naleep tauvene le alok. Yau ta naŋgin mateegh ve nugh to yes mateegha.

Saveeŋ Yoŋgaaŋ 1:8

Tiina toit Maaron ileep irau saawe. Ileep muuŋ geeg, ileep aazne, ve murei, i pale ilam. I saksaki ve iŋgin gabua naol isov. I isaav ighe: “Yau naleep muŋgaaŋ, ve naleep murei geeg. Namin gabua naol isov puughu, ve yau ta napasov zi.” Mbo 90:2; Is 41:4; Syg 22:13

Kolosi 1:24

Onoon, aazne yau nabaad pataŋani ve nayamaan yavyavuuŋ ila tinig to nauul gham. Eemon lolog poia. Pasaa, pataŋani naol tau Krisi ibaad zi na, tisov soone. Tauta poia pa anag nauule ve nabaad siriv. Ene imin yau abug to nauul lupuuŋ to Krisi. Pasaa, lupuuŋ tooni, ene imin i anooŋa. 1Kor 12:27; 2Kor 1:6+; Ep 3:13; Pil 2:17

Yoan 1:16

Onoon kat. Ŋgar popoia kat ivon ila to Maaron Naatu, ve i irei poia tooni pa iit tasov. Tauvene poia to Maaron tau aazne izaa toit ne, ene iliiv kat pa poia tau muuŋ i itotoia pa tamtamon.

Yoan 1:1

Muuŋ geeg, saawe tau sambam ve taan tivot soone, ŋeer tau ipaghazoŋai ghiit pa saveeŋ ve ŋgar to Maaron na ilepleep. I ileep tomania Maaron, ve i Maaron. Gnp 1:1; Yo 10:30, 17:5; Ro 9:5; Pil 2:6; 1Yo 1:1+; Syg 19:13

Saveeŋ Yoŋgaaŋ 3:14

“Aŋela tau iŋgin lupuuŋ tsiau tau tileep izi nugh Laodisia na, ubood saveeŋ ila pani tauvene: ‘Ene saveeŋ to ŋeer tau ighe: “Onoon” pa saveeŋ mbuaaŋ naol isov to Maaron, ve igham anoŋazi ivot ila uraat tooni. I iyooz ariaaŋ ve ipariaaŋ saveeŋ onoon toman loolo eemon. Ve i imin puughu pa gabua naol isov tau Maaron ighur zi na. Aliiŋa ilat payo ighe: Yo 1:3+; 2Kor 1:20; Kol 1:15+

1 Yoan 1:1

Yei nivovotia saveeŋ maata yaryaare pa ŋeer tau ipaghazoŋai ghiit pa saveeŋ ve ŋgar to Maaron, ve imin eez pait to tagham lepoogh poia. Muuŋ geeg, saawe tau gabua eta ivot soone ve ilam, ŋeer tawe ilepleep. Ve i izilam ileep tomani ghei, ve nilooŋ saveeŋ tooni ila i tauu aavo, nighita pa matamai, ve nikisi pa nimamai. Tauta nighilaalo kat. Lu 1:2; Yo 1:1+,14, 20:27; 2Pe 1:16

Rau Tau Paulus Iboode Pa Yes Roma Rom--Romans 8:29

Pasaa, yes ta i tauu isiigh zi pataghaaŋ, tauta ŋgar tooni iyaryaaŋ pazi ighe igham uratoi zi, lee tigham katin ŋgar to Naatu Yesu Krisi. Leso i imin aidaaba, ve imuuŋ pa tazŋa ve livŋa katini tawe. 2Kor 3:18; Ep 1:5; Kol 1:15+; 1Pe 1:2

Matayu 23:8

“Eemon yam tau ataghon ghau ne, tamtamon tipoi gham tighe ‘Paduduŋaaŋ’ sov. Pa paduduŋaaŋ tsiam eemon kat, ene yau. Tauvene yam avaghito gham aghe yam raratemim mon. Pa yam asov amin toŋvetaz.

1 Korin 12:27

Lupuuŋ tsiam, ene imin Krisi anooŋa. Ve yam eŋaeŋa amin anooŋa tana gabuaaŋa siriv siriv. Ro 12:5+

Kolosi 2:19

I ipaak Krisi mako. Eemon iit tawatagh: Krisi, i imin daaba pait to igham pooz pait. Ve iit tau taleep ila lupuuŋ tooni ne, tamin i tauu anooŋa. Iit tamin Krisi seŋgaaŋa ve waaro eŋaeŋa tau tikis gabuaaŋa siriv tigheen tuŋia ila niazi. Ve i ipapalot ghiit ve ilup ghiit tamin eemon. Tauta ila Maaron tapiri, lupuuŋ to Krisi ivot imin tiina, ve iyaryaaŋ. Ep 1:22, 2:21, 4:15+