Hibru 9:19 - Maaron Saveeŋ Tooni Patabuyaaŋ Tuam

^19-20 Saawe tana, Mose iwaat tutuuŋ to Maaron pa yes Israela le isov, ra igham siŋ to makau ve mekmek, ve itoora tomania yaa. Ve igham sipsip ooro siŋsiŋai gha ikauu ila ai isop booga, ve izeeva izila siŋ tawe. Ra itiri izala rau tau tutuuŋ to Maaron igheen ila na, ve itiri izala Israela tisov pavozi paam, ve isaav pazi ighe: “Eez to ataghoni leso yamŋa Maaron avalupu gham amin eemon, tauta i isavia payam gha alooŋa wa. Ve yam ambu saveeŋ pani aghe ataghoni. Siŋ tane, ene to ipariaaŋ saveeŋ tau aazne yam ambua tomania Maaron.” Igham 24:8

Mutu (Oov)

^19-20 Sawa tonenen, Mose iwaat tutuuŋ to Maaron pa yes Israela le isob, ghoro igham siŋ to makau ve mekmek, ve itoora toman ya. Ve igham sipsip oro kaviaaŋa ve ikaui ila ai isop boga, ve ipazugi izila siŋ tonowen. Ghoro itiri izala rau to tutuuŋ to Maaron ineep ila, ve itiri izala Israela tisob poghodi paam, ve isaav padi ighaze: “Ataam to ataghoni leso yamŋa Maaron alup gham anim ee moghon, tauto ye isavia payam ve alooŋa wa. Ve yam ambua saveeŋ tomani aghaze ataghoni. Siŋ tonene, nene pa ipariaaŋ saveeŋ to aazne yam ambua toman Maaron.” Igham 24:8

Hibru 9:19 Referans Kwoze

Hibru 9:12

Saawe tau Krisi iloŋ ila balbaal loolo tau patabuyaaŋ le patabuyaaŋ kat na, i ila tomania siŋ to mekmek, ma makau naatu eta mako. I ila tomania tauu siŋ tooni tau imaliŋ imin watooŋrau na, ve ila ivot to Maaron. Tauta ireu sosor toit, ve igham mulin ghiit. Leso saghati tapiri ikis ghiit muul sov, ve taleep mataan yaryaare le alok. Uraat tana, Krisi ighamu pai eemon, ve isov. Irau ighamu muul mako. Hib 7:27, 10:10+; 1Pe 1:19

Hibru 10:4

Pasaa, siŋ to makau ma mekmek, ene irau ireu sosor to tamtamon mako.

1 Petrus 1:2

Muuŋ geeg, Tamaan Maaron isiigh gham amin le itaghon tauu ŋgar tooni. Ve ila uraat to Avuvu Patabuyaaŋ, i igham gham amin tamtamon tooni patabuyaaŋa. Tauta aazne, ataghon ŋgar to Yesu Krisi, ve Yesu siŋ tooni izala pavomim gha aŋgalaaŋ ila Maaron maata wa. Ro 8:29; 2Tes 2:13 Poia tiina to Maaron izaa tsiam, ve igham gham aleep poia kat toman lolomim luuma. Onoon.

Yoan 19:5

Tauvene Piladus igham Yesu ivot ila muuri. Waar tuatua igheen ila daaba, ve nonoghiiŋa ŋgereeta imin dagilgil igheen ila tiini. Ra Piladus isaav pa eval tiina ighe: “Aghita! Tamtamon tauta ene!”

Yoan 19:2

Ve tigham waar tuatua gha titalia, ve tighuru izala Yesu daaba imin moghar ndamoonda to yes kinik. Ve tisik nonoghiiŋa ŋgereeta imin dagilgil izala paavo. Ra tamtamon toozi eŋaeŋa tilaagh tila tiyooz ila naagho, ve tisaav pani tighe: “Aa, kinik to yes Yuda, mboŋoozo poia! Yei nipakur ghom!” ve tipoposaii.

Markus 15:20

Tipaŋiŋizaini le isov, ra tizuzuum uuli tau ŋgereeta imin aindan na izi pani, ve tinonoghi pa tauu uuli tooni muul, ve tighamu tila, leso tiravu izala ai pambarooŋ.

Markus 15:17

Tigham uuli ee tau ŋgereeta imin aindan, ve tisiki izala Yesu avaara. Ve tigham waar tuatua gha titalia, ve tighuru izala Yesu daaba imin moghar ndamoonda. Ra tisaav pani tighe: “Iya, aa kinik to yes Yuda, yei nipakur ghom!”

Matayu 27:28

Tizuzuum nonoghiiŋa tooni izi, ve tinonoghi pa uuli siŋsiŋai ee,

Hibru 12:24

Ve aazne, ala avot to Yesu. I ta iyooz bodbodaaŋ pait ve Maaron, ve igharaat eez paaghu to itiŋa Maaron tavalupu ghiit tamin eemon. Siŋ tooni, tauta ipariaaŋ saveeŋ mbuaaŋ to eez paaghu tawe. Tauvene siŋ tooni iliiv siŋ to Avel. Pasaa, Avel siŋ tooni ipoipoi Maaron ighe iyatu. Eemon siŋ to Krisi, ene ipoipoi Maaron ighe ireu sosor toit. Gnp 4:10+; 1Tim 2:5; Hib 8:6, 9:15+

Hibru 1:1

Muuŋ, Maaron isavia aliiŋa pa propet tooni pai katini ila eez maata maata. Tauta tigham aavo, ve tivotia aliiŋa pa timbuunŋa.

Hibru 9:13

Aghita. Muuŋ, isaav ighe gabua eta igham tamtamon tisaghat ila Maaron maata, ene titir siŋ to mekmek, ma makau tamoot eta, ma avav to makau livaa tau yav ighani na izala pavozi. Leso igham tinizi to potla iŋgalaaŋ, ve irau tisuŋ pa Maaron muul. Nam 19:2-22

Hibru 9:18

Tauta saawe tau Maaron imbu saveeŋ tomania yes Israela izi loloz Sinai to tivalupu zi timin eemon na, siŋ to ŋgai imaliŋ.

Hibru 10:22

Tauvene tala tagharau Maaron toman loloon eemon, ve taghur ila tooni ariaaŋ taghe i irau iuul ghiit. Pasaa, Maaron itir Yesu siŋ tooni izala pavoon, ve taririu pa yaa ŋgalaaŋa wa. Tauvene ŋgar toit sasaghati tau muuŋ igham ghiit tayamaan taghe tasaghat ila Maaron maata na, ene i ireua isov ilale, ve igham ghiit taŋgalaaŋ kat wa. Ezek 36:25; Ep 5:26; Hib 9:14