Hibru 7:14 - Maaron Saveeŋ Tooni Patabuyaaŋ Tuam

¹⁴ Pasaa, saawe tau Mose ighur tamtamon to tigham uratoi watooŋrau, i isavia aliiŋa eta iŋarui Yuda paaghu tooni mako. Mt 1:1; Syg 5:5

Mutu (Oov)

¹⁴ Pasa, sawa to Mose ighur tamtoghon pa tigham uraat to watooŋrau, ye isavia aliŋa eta iŋarua Yuda papaghu toni maau. Mt 1:1; Syg 5:5

Hibru 7:14 Referans Kwoze

Saveeŋ Yoŋgaaŋ 5:5

Yau nataŋtaŋ, ve ŋginiiŋa tamoot ee ve paaŋ (24), toozi ee ilam ve isaav payau ighe: “Utaŋ sov. Ughita ŋeer tawe. I Laion tau ivot ila to Yakop naatu Yuda ziiri waaro tooni. I paaghu to kinik David. I iyooz ariaaŋ ve iliiv tovaaŋ wa. Tauvene i poia irau to iwalaav bagil liim ve ru to rau tawe, ve iraraava.” Gnp 49:9+; Is 11:1, 10; Dan 7:13-14; Ro 15:12; Hib 7:14; Syg 6:1

Lukas 3:33

Nason, i Aminadap naatu. Aminadap, i Admin naatu. Admin, i Arni naatu. Arni, i Ezron naatu. Ezron, i Peres naatu. Peres, i Yuda naatu. Gnp 29:35

Saveeŋ Yoŋgaaŋ 22:16

“Yau Yesu ta nambaaŋ aŋela tsiau ilat gha isavia saveeŋ tane pa yam tau aleep ila lupuuŋ tsiau irau nugh nugh. Leso napariaaŋ gham to aghur ilam tsiau. Yau paaghu to David. Yau salunu tau navot ila tooni. Ve yau pitum zauŋa to mboŋoozo tau isul kat.” Nam 24:17; Is 11:1+; Syg 2:28, 5:5

Rau Tau Paulus Iboode Pa Yes Roma Rom--Romans 1:3

Vaaru poia tane isavia Maaron Naatu Yesu Krisi. I Tiina toit. I izilam taan ve imin tamtamon, ve i siŋ to kinik David. Avuvu Patabuyaaŋ ipaghazoŋai ghiit pani ighe burigiiŋ tooni ila mateegh, tauta itotoia ighe i Maaron Naatu, ve tapiri tiina kat. Mt 1:1+; Hib 1:5

Epesus 1:3

Iit tapait Maaron tau Tiina toit Yesu Krisi Taama. Pa iit tau tapaak Krisi ve taleep ila tooni na, Maaron igham poghani ghiit, ve igham gabua popoia naol to nugh sambam pait, leso ipalot anunuun.

Rau Tau Paulus Iboode Pa Yes Roma Rom--Romans 2:3

Ughita. Yo ugagabiiz tamtamon ve ughe yes sasaghatizi. Eemon taum utaghon ŋgar raraate imin yes tighamghamu. Mindai, ughe Maaron pale ighurghur ghom? Mako kat! I aat igabiiz ghom ve ighur atuya payo paam.

Yoan 20:28

Tomas iyol aliiŋa ighe: “Yo Tiina tsiau, ve Maaron tsiau!”

Yoan 20:13

Aŋela ru tawe tighasoni tighe: “Livaa, yo utaŋtaŋ pasaa?” I iyol aliŋazi ighe: “Wai, tigham Tiina tsiau paata ila wa. Ve yau nakankaan pani. Tighuru sindei?”

Lukas 1:43

Yau sei, ta Maaron tsiau tiina ilam igig ghau?

Pilipai 3:8

Ve tane mon mako. Yau naghita naghe gabua popoiazi naol isov to taan paam, ene gabua sorok. Irau to iuul ghau mako. Ve gabua eemon geeg, ta naghita naghe ene gabua tauu, ve gabua poia kat tau iliiv gabua naol isov. Ene ŋgar to nawatagh katin Tiina tsiau Yesu Krisi. Onoon, i imin puughu pa napuliir gabua tsiau naol isov tileplez. Eemon matag ila pa gabua tawe muul mako. Yau naghit zi timin pen. Pasaa, ŋgar tsiau iyaryaaŋ naghe le nagham Krisi imin leg. Lu 9:24; Yo 17:3

Matayu 2:6

‘Nugh Betelem tau ugheen taan sirivu to Yudea na, yo nugh sorok mako. Varum pale iliiv nugh tintiina tau tighamgham pooz pa Yudea. Pasaa, ŋeer tiina ee pale ivot ilat tsio. I pale iŋgin tamtamon tsiau Israel, ve igham pooz pazi.’ ” Mika 5:2; Yo 7:42

Hibru 7:13

Ŋeer to watooŋrau tau nisasavia ne, ene Tiina toit Yesu. I ivot ila to Levi mako. I ivot ila to Yakop naatu Yuda. Ve iit tawatagh: Muuŋ ve ilam, paaghu eta to Yuda ikis uraat to watooŋrau mako.

Hibru 7:15

Saveeŋ tau nisasavia ne, ŋgar tsiam aat ighamu wa. Aazne, ŋeer paaghu ee to watooŋrau ivot wa. I raraate imin Melkizedek.