Hibru 12:5 - Maaron Saveeŋ Tooni Patabuyaaŋ Tuam

⁵ Yam aat lolomim iveegh pa saveeŋ palotiiŋ ee tau iŋarui yam tau amin Maaron natŋa na? Isaav ighe: “Natug, isaav ighe Ŋeer Tiina ighur pataŋani eta payo to ipaduduuŋ ghom, na ughita imin gabua sorok sov. Ugham ŋgar pani poi. Ve isaav ighe i iyaon ghom, na lolom isaghat sov.

Mutu (Oov)

⁵ Yam avaat lolomim imaagh pa saveeŋ palotiiŋ eez to iŋarua yam to anim Maaron ndinatu ne? Isaav tovene: “Natug, ighaze Ŋgeu Tiina ighur pataŋani eta payom pa ipasaluŋgan ghom, ughita inimale mbeb sorok malep. Ugham ŋgar pani pooi. Ve ighaze iyaan ghom, lolom isami malep.

Hibru 12:5 Referans Kwoze

Saveeŋ Yoŋgaaŋ 3:19

‘Tamtamon tisov tau yau lolog pazi na, nayaonyaon zi, leso napaduduuŋ zi. Tauvene naghe utoor ŋgar tsio, ve uzuari ghom le ŋgar tsio iduduuŋ kat. 1Kor 11:32; Hib 12:5

1 Korin 11:32

Eemon isaav ighe i igabiiz ghiit ighe tagham sosor, ve ilos ghiit to ipaduduuŋ ghiit, ene poia. Mako pale takis ŋgar saghati toit, ve saawe to Mboŋ Murei, i ighur atuya pait, ve itiŋa eval tiina to taan talaleen. Mbo 94:12+; 2Kor 7:10; Hib 12:7+; Syg 3:19

Yakobus 1:12

Isaav ighe tamtamon eta iyooz ariaaŋ, ve iliiv tovaaŋ tau ivotvot pani na, i aat tintini pa poia to Maaron tau pale izaa tooni. Pasaa, ŋgar tau i ighamu, ene itotoi ighe ghuruuŋ ila tooni, ene gabua tauu. Tauvene murei, i pale ileep maata yaryaare. Lepoogh tawe, ene atuya tau Maaron igham pa yes tau tiparav ariaaŋ ve tiliiv. I imbu saveeŋ pataghaaŋ wa ighe i pale igham lepoogh tana pa yes tau lolozi igheen tooni na. 2Tim 4:8; 1Pe 5:4; Syg 2:10

Hibru 12:7

Tauvene isaav ighe pataŋani eta ivot payam, na ayooz ariaaŋ, ve abaado mon. Pa pataŋani tana, ene eez to Maaron ipaduduuŋ gham. I ighamgham tauvene pa natŋa tisov. Aghita. Isaav ighe marani eta igham sosor, pale taama ipuli? Mako. Geegeu tisov, tamazŋa tipaduduuŋ zi. Ve Maaron tauvene paam. I ighurghur pataŋani ivotvot pa natŋa tisov, leso ipaduduuŋ zi. Eemon isaav ighe i ipaduduuŋ ghom mako, ene aat i naatu yo mako. Yo umin ŋeer tau le taama mako. Lo 8:5; Lp 13:24

Lukas 24:8

Yes zilivaa tilooŋ saveeŋ tane, ve matazi iŋgal Yesu aliiŋa.

Galesia 6:9

Tiniin imum pa ghamuuŋ ŋgar popoia sov. Pa ighe tapuli mako, ve tanoknok ghamuuŋni, ene aat taghita anooŋa ila saawe tooni. 1Kor 15:58; 2Tes 3:13; Hib 10:36

1 Timoti 1:20

Zeran tana, toozi ru, ene Himenaios gha Aleksander. Yau naziir zi pa lupuuŋ to Krisi, ve naghur zi tileep ila Sadan niima wa. Naghe napaduduuŋ zi ve tighilaal, leso tivelegh Maaron muul sov. 1Kor 5:5; 2Tim 2:17+, 4:14+

Hibru 13:22

Yam toŋvetaz, yau nabood saveeŋ tuuku ila rau tane to napalot gham. Ve naghason gham naghe aghur taliŋamim pani poi. Ambuzir sov.