Hibru 11:40 - Maaron Saveeŋ Tooni Patabuyaaŋ Tuam

⁴⁰ Pasaa, muuŋ geeg, Maaron loolo ighur pataghaaŋ ighe igham gabua poia ee tau pale iuul zi ve iit paam. Leso tasov taduduuŋ kat ila i maata. Ve i loolo pa yes tighamu imin maata mako. I ighe ilup ghiit tomani zi, ve iit tasov taghamu raraate.

Mutu (Oov)

⁴⁰ Pasa, muuŋ kat, Maaron lolo ighur pataghaaŋ ighaze igham mbeb poia eez to pale iuul ghiit tasob. Leso tasob taneep deŋiaad kat ila mata. Ve ye lolo pa yes tighami muuŋ malep. Ye ighaze ilup ghiit toman di, ve iit tasob taghami raraate.

Hibru 11:40 Referans Kwoze

Saveeŋ Yoŋgaaŋ 6:11

Ra tigham tamtamon tawe lezi nonoghiiŋa pisosooŋa mamalaua le irau zi, ve tisaav pazi tighe: “Atemim izi, ve asaŋan rig. Pa toŋvetaz tsiam siriv tau tibesbees pa Krisi na, Maaron ighur zi ighe timaat raraate imin yam. Saawe tau tirav zi le tisov, mako iyat siŋ tsiam.”

Hibru 8:6

Ve aazne, uraat to watooŋrau tau Maaron ighuru ila Yesu niima, ene poia kat iliiv uraat to watooŋrau ta muuŋ. Ve eez paaghu to itiŋa Maaron tavalupu ghiit tamin eemon, tauvene paam. Poia kat iliiv eez muŋgaana, ve le saveeŋ mbuaaŋ popoiazi kat. Eez paaghu tana, ene ivot ila uraat to Krisi. Pa i ta iyooz bodbodaaŋ pa Maaron ve iit tamtamon. 2Kor 3:6+; Hib 7:22

Hibru 9:23

Balbaal patabuyaaŋ tau yes Israela tirao, tomania saveeŋ mariŋ tau tigheen ila loolo na, ene gabua tauu mako. Ene gabua tau tigheen izi sambam na anunuzi mon. Tauta tiravrav ŋgai maata maata imin watooŋrau, leso siŋ to gabua tawe igham balbaal tomania saveeŋ mariŋ tau tigheen ila loolo na tiŋgalaaŋ ila Maaron maata. Eemon gabua tauu, ene tighenaar izi sambam. Tauta ŋgar tauvene irau igham zi tiŋgalaaŋ mako. Lezi watooŋrau tau poia kat le iliiv siŋ to ŋgai, o igham zi tiŋgalaaŋ ila Maaron maata. Hib 8:5

Hibru 5:9

Ve ighamu le irau kat pa ghamuuŋ uraat to watooŋrau. Tauta Maaron isaav pani ighe i ighuru imin daaba to watooŋrau imin Melkizedek. Tauvene yes tau tilooŋ aliiŋa ve titaghoni, i pale igham mulin zi, ve tisov tileep matazi yaryaare le alok. Hib 2:10,17, 5:6, 7:1+

Hibru 7:22

Tauvene eez paaghu tau aazne tataghoni gha leso itiŋa Maaron tavalupu ghiit tamin eemon, i le saveeŋ mbuaaŋ tau poia kat. Iliiv saveeŋ tau muuŋ Maaron imbua tomania yes Israela na. Ve Yesu ta iyooz pa saveeŋ mbuaaŋ paaghu tana ve igham uratoini, leso anooŋa ivot. Hib 8:6, 12:24

Hibru 11:16

Eemon mako. Pasaa, ŋgar toozi iyaryaaŋ pa nugh ite tau poia kat iliiv nugh tau tipuli na. Nugh tawe igheen izi sambam. Tauta saawe tau tipoi Maaron tighe i Maaron toozi, i maaya pa saveeŋ toozi tawe mako. Pasaa, nugh tau tighurghur matazi pani na, i ighuru pazi pataghaaŋ ve isasaŋan zi. Pil 3:20; Hib 13:14