Hibru 11:35 - Maaron Saveeŋ Tooni Patabuyaaŋ Tuam

³⁵ Ve zilivaa siriv, Maaron ipaburigin mateegha toozi. 1King 17:21+; 2King 4:32+ Tamtamon siriv, koiazŋa tighur yavyavuuŋ maata maata pazi, ve tisaav pazi tauvene: “Isaav ighe yam aghur murimim pa Maaron tsiam, ene pale nipul gham ala.” Eemon yes tilooŋ aliŋazi mako, ve tiyooz ariaaŋ pa badooŋ pataŋani. Pasaa, tighur ila tighe Maaron pale ipaburigin zi pa mateegh, ve tigham lepoogh poia kat tau iliiv pataŋani naol tau tibaad zi izi taan.

Mutu (Oov)

³⁵ Ve ndiliva pida, Maaron ipamundigin mateeŋa todi. 1King 17:21+; 2King 4:32+ Tamtoghon pida, koiadi tighur yabyabuuŋ padi ve tisaav padi tovene: “Ighaze yam apul murimim pa Maaron tiam, nene pale nipul gham ala.” Eemoghon yes tilooŋ aliŋadi maau, ve tiyoon ariaŋa pa badooŋ pataŋani. Pasa, tighur ila tighaze Maaron pale ipamundigin di pa mateeŋ, ve tigham nepooŋ poia kat to ilib pa pataŋani naol to timbaad di izi taan.

Hibru 11:35 Referans Kwoze

Pilipai 3:11

Isaav ighe nagham tauvene, saawe to Mboŋ Murei, Maaron aat ipaburigin ghau pa mateegh. Yo 11:24; Ro 6:5

Uraat To Yes Mbaŋooŋa 9:41

Petrus ikis niima, ve iiti iburig iyooz. Ra ipoi yes zinaara tomania Maaron tamtamon tooni patabuyaaŋa tilam, ve itotoi Tapita pazi. Leso tiwatagh tighe i iburig pa mateegh gha ilepleep.

Uraat To Yes Mbaŋooŋa 24:15

Yeŋa yes zeran tane, ŋgar tsiei eemon. Pasaa, nisov nighur matamai pa saawe tau Maaron pale ipaburigin yes mateegha. Yes zeran duduŋazi, ve yes sasaghatizi paam. Yo 5:28+; Mbaŋ 23:6, 26:6+; 2Kor 5:10.

Uraat To Yes Mbaŋooŋa 23:6

Paulus iwatagh: Yes tau tileep ila lupuuŋ tana, siriv, ene yes Sadusi, ve siriv, ene zeran tutuuŋa. Tauvene isaav pazi toman aliiŋa tiina ighe: “Yam toŋvetaz, alooŋ. Yau tane, ŋeer tutuuŋa ee paam. Ve tamaŋ gha tinaŋ ve tibugŋa paam, yes zeran tutuuŋa. Yau naghur matag pa burigiiŋ to yes mateegha, tauta aazne tipayooz ghau pa savsaveeŋ.” Mbaŋ 24:21, 26:5+; Pil 3:5

Uraat To Yes Mbaŋooŋa 22:29

Yes zaaba tau tighe tilos Paulus na, tilooŋ saveeŋ tane, ve rekia mon tipuli. Ve daaba toozi paam iroi pa tauu. Pasaa, Paulus, i tamtamon to Rom. Eemon daaba tana isaav gha tikau niima ma aaghe sorok.

Uraat To Yes Mbaŋooŋa 4:19

Eemon yesuru tiyol aliŋazi tighe: “Yam taumim agabiiz: Ŋgar sindei tau iduduuŋ ila Maaron maata? Pale nilooŋ yam aliŋamim ve nitaghoni, ma nitaghon Maaron aliiŋa? Mbaŋ 5:29

Yoan 5:29

ve tiburig, tipul naal toozi, ve tivot. Yes tau muuŋ tighamgham ŋgar popoia na, pale tiburig ve tileep matazi yaryaare le alok. Eemon yes tau muuŋ tighamgham ŋgar sasaghati na, pale tiburig ve tigham atuya to sosor toozi. Mt 25:46; Mbaŋ 24:15; Ro 2:7+; Syg 20:12

Markus 12:25

Saawe to Mboŋ Murei, ve Maaron ighe ipaburigin yes mateegha, ene tamtamon irau tivai muul mako. Lepoghazi pale imin yes aŋela tau tileep izi nugh sambam. 1Kor 15:42-53

Matayu 22:30

Saawe to Mboŋ Murei, ve Maaron ighe ipaburigin yes mateegha, ene tamtamon irau tivai muul mako. Lepoghazi pale imin yes aŋela tau tileep izi nugh sambam.