Hibru 11:27 - Maaron Saveeŋ Tooni Patabuyaaŋ Tuam

²⁷ Mose ighur ila. Tauta iburig ve ipul Isip. I iroi pa aatyavyav to kinik mako. Onoon, iit tamtamon irau taghita Maaron pa mataan mako. Eemon Mose, i iyooz ariaaŋ imin ighitghita Maaron pa tauu maata. Igham 2:10+; 2Kor 4:18

Mutu (Oov)

²⁷ Mose ighur ila. Tauto imundig ve ipul Isip. Ye imatughez pa malmaliiŋ to kinik maau. Onoon, iit tamtoghon irau taghita Maaron pa mataad maau. Eemoghon Mose, ye iyoon ariaŋa inimale ighita katin Maaron pa tau mata. Igham 2:10+; 2Kor 4:18

Hibru 11:27 Referans Kwoze

Hibru 11:13

Yes tisov tawe, ghuruuŋ ila toozi ighamgham pooz pazi le irau mateegh toozi. Onoon, saveeŋ tau Maaron imbua tomani zi na, yes tighita anooŋa mako. Pasaa, saawe to saveeŋ tawe ighur anooŋa, ene ighengheen malau soone. Eemon lolozi poia pa saveeŋ mbuaaŋ to Maaron imin tighita anooŋa wa. Ve tivotia tauzi tighe: “Taan, ene nugh tsiei duduuŋ mako. Lepoogh tsiei to taan, ene nileep nimin loom mon. Pasaa, nugh tsiei duduuŋ, ene sambam.” Gnp 23:4; 119:19; 2Kor 5:7

2 Korin 4:18

Tauvene gabua tau taghit zi pa mataan ne, yei matamai ila pazi mako. Matamai ilala pa gabua tau irau taghit zi mako ve talooŋ varuzi mon. Pasaa, gabua tau taghit zi pa mataan ne, pale tigheen rig ve tisov. Ve gabua tau aazne iit irau taghit zi mako, ene pale tigheen le alok. Ro 8:24; 2Kor 5:7; Hib 11:1

Hibru 11:1

Ŋgar to ghuruuŋ ila, ene vene: Gabua popoia tau taghurghur mataan pani na, loloon ruru pani mako, ve ŋgar toit iyaryaaŋ taghe onoon, gabua tawe pale tivot. Ve gabua tau aazne taghit zi pa mataan mako na, ŋgar toit iyaryaaŋ taghe onoon, gabua tawe tighengheen. Ro 8:24+; 2Kor 4:18, 5:7

1 Petrus 1:8

Onoon, yam aghita Krisi pa matamim pai eta soone. Eemon aghur ila tooni, ve lolomim igheen tooni kat. Tauta igham gham lolomim poia le poia kat. Isaav ighe atoova to asavia lolomim, pale asavia izaa to saa? Gabua eta irao mako. Yo 20:29; 2Kor 5:7

Hibru 10:32

Matamim iŋgal imuul ila pa muuŋ, saawe imin maata tau Maaron ipaghazoŋai gham pa vaaru poia na. Saawe tana, tamtamon tighur pataŋani tiina kat payam pasaa, yam ataghon Krisi. Eemon yam apul ghuruuŋ ila tsiam mako, ve ayooz ariaaŋ pa badooŋ pataŋani. Pil 1:29+

1 Timoti 1:17

Maaron toit, i kinik tiina, ve ileep irau saawe. I irau imaat mako, ve iit irau taghita pa mataan mako. I mon ta Maaron tauu. Tauvene iit aat tapait eeza pa tapiri ve poia tooni, ta aazne, ve iseeŋga taghon taghon gha ila. Onoon. 1Tim 6:15+; Syg 4:9+

1 Korin 13:7

Ve saa ŋgar tau ighe ivot, ene gabua eta irau igham ghiit taghur muriin pa tamtamon mako. Saawe isov, iit pale tanumeer Maaron, ve taghur ila ariaaŋ taghe i pale igham gabua isov ivot poi. Ve saa pataŋani tau ighe ivot pait, ene pale tayooz ariaaŋ ve tabaado. Ro 15:1; Ga 6:2; 2Tim 2:24

Matayu 10:22

Tamtamon tisov pale tighur koi payam pasaa, yam avotia yau ezag ve ataghon ghau. Eemon tamtamon tau ighe iyooz ariaaŋ ve ikis ghuruuŋ ila tooni tuŋia le saawe tooni isov, ene aat Maaron igham mulini ve ileep poia. Syg 2:10

Hibru 6:15

Abaram ighur ila saveeŋ mbuaaŋ tane. Tauta aate izi, ve isasaŋan ila le ighita anooŋa.

1 Timoti 6:16

I mon tau irau imaat mako, ve ilepleep iloŋ ila mbonari tiina loolo. Mbonari tawe, tapiri tiina. Tamtamon eta irau igharauu ne mako. Tamtamon eta ighita Maaron naagho soone. Ve tamtamon eta irau ighit katini mako. I tapiri tiina kat, ve ighamgham pooz irau saawe. Tauta tapait eeza ta aazne, ve taghon taghon gha ila. Onoon. Igham 33:20; Yo 1:18; 1Yo 4:12

Uraat To Yes Mbaŋooŋa 2:25

Muuŋ, kinik David isavia saveeŋ siriv tau iduduuŋ kat pa Yesu. Ighe: ‘Saawe isov, yau naghita Maaron ilepleep naghoge. I ilepleep ila zigeg tapir ve ipapalot ghau. Tauvene gabua eta irau igham ghau narur ne mako.

Markus 13:13

Tamtamon tisov pale tighur koi payam. Pasaa, yam avotia yau ezag, ve ataghon ghau. Eemon tamtamon tau ighe iyooz ariaaŋ ve ikis ghuruuŋ ila tooni tuŋia le irau saawe tooni isov, ene aat Maaron igham mulini ve ileep poi.” Yo 15:18,20; Syg 2:7,11, 3:5

Markus 4:17

Eemon saveeŋ tawe igheen tuŋia ila lolozi mako. Yes timin aniiŋ tau waria izila kat taan loolo mako. Tauvene tiyooz tuŋia mako. Isaav ighe tamtamon tigham saghatin zi, ma pataŋani ite paam ivot pazi pasaa, titaghon Maaron aliiŋa, ene rekia mon ve tipul ghuruuŋ ila toozi, ve tighur murizi pa Maaron.

Matayu 24:13

Eemon tamtamon tau ighe iyooz ariaaŋ, ve ikis ghuruuŋ ila tooni tuŋia, le irau saawe tooni isov, ene aat Maaron igham mulini ve ileep poi. Syg 2:10

Kolosi 1:15

Onoon, iit irau taghita Maaron mako. Eemon uraat tomania ŋgar to Naatu Yesu Krisi, tauta itotoi Taama Maaron ivot ighazooŋ pait. Yo 1:18, 14:9; 2Kor 4:4; Hib 1:3 Krisi imuuŋ pa gabua naol isov tau Maaron ighur zi na, ve imin daaba pazi.