Hibru 11:23 - Maaron Saveeŋ Tooni Patabuyaaŋ Tuam

²³ Mose taama gha tiina tighur ila to Maaron. Tauta saawe tau tipoopa, tiroi pa kinik to Isip aliiŋa mako, ve tiŋgooz natuzi tawe irau kaiyo tol. Pasaa, tighita imin geegeu siriv mako. Naagho poia le poia kat. Igham 2:2+

Mutu (Oov)

²³ Mose tama ve tina tighur ila to Maaron. Tauto sawa to tipoopa, timatughez pa kinik to Isip aliŋa maau, ve tiŋgooz natudi tonowen irau kaiyo tol. Pasa, tighita inimale ndipain pida maau. Nagho poia le poia kat. Igham 2:2+

Hibru 11:23 Referans Kwoze

Hibru 13:6

Tauvene iit taroi sov. Taghur ila ariaaŋ to Maaron, ve tasaav taghe: “Ŋeer Tiina, i Uleeŋa tsiau. Irau naroi pa gabua eta mako. Pale tamtamon tigham saa payau?” Mbo 56:4, 118:6; Ro 8:31+

Matayu 10:28

Yes tau tighe tirav gham amaat na, aroi pazi sov. Onoon, yes irau tivaghamunia anoŋamim ve tirav gham amaat. Eemon irau tigham gabua eta pa anunumim mako. Yam aat aroi pa Maaron mon. Pa i irau ivaghamunia tamtamon anoŋazi tomania anunuzi paam ila nugh saghati. Yems 4:12

Uraat To Yes Mbaŋooŋa 7:20

“Saawe tana, Mose tiina ipoopa. Maaron ighita i paghuuna kat ve loolo pani. Tiina gha taama tigham payamyam pani izi ruum toozi irau kaiyo tol, Igham 2:2