Hibru 10:38 - Maaron Saveeŋ Tooni Patabuyaaŋ Tuam

³⁸ Ve tamtamon tsiau tau titaghon ŋgar duduuŋa na, ene pale ghuruuŋ ila toozi igham pooz pa lepoogh toozi.” Eemon isaav ighe tamtamon eta iroi, ve loolo ighurghur ighe ighur muuri payau, ene aat lolog poia pani mako.” Hab 2:3+; Ro 1:17

Mutu (Oov)

³⁸ Ve tamtoghon tiou to titaghon ŋgar deŋia, nene pale ghurla todi igham pooz pa nepooŋ todi. Eemoghon ighaze tamtoghon eta imatughez, ve lolo ighur ighaze ipul muri payou, nene pale lolog poia pani maau.” Hab 2:3+; Ro 1:17

Hibru 10:38 Referans Kwoze

Galesia 3:11

Tauvene tutuuŋ irau imin eez pa tamtamon eta to iduduuŋ ila Maaron maata mako. Ene igheen mataghare wa. Pasaa, Maaron aliiŋa tau tiboode ila rau na, isaav tauvene: “Tamtamon tau ighe ighur ila, ene aat iduduuŋ ila Maaron maata, ve igham lepoogh poia ila tooni.” Hab 2:4; Ro 1:17; Ga 2:16; Hib 10:38

Rau Tau Paulus Iboode Pa Yes Roma Rom--Romans 1:17

Vaaru poia ipaghazoŋai ghiit pa eez tau Maaron igham mulin ghiit itaghon saveeŋ mbuaaŋ tooni, ve igham ghiit taduduuŋ ila i maata. Ene eez to ghuruuŋ ila. Eez ite paam mako. Tamtamon tau ighe ighur ila to Krisi, ene aat Maaron ighita ighe iduduuŋ ila i maata. Ene imin Maaron aliiŋa tau tiboode na isaav: “Tamtamon tau ighe ighur ila, ene aat iduduuŋ ila Maaron maata ve igham lepoogh poia ila tooni.” Hab 2:4; Ro 3:21+; Ga 3:11; Pil 3:9

Matayu 13:21

Eemon saveeŋ tawe igheen tuŋia ila lolozi mako. Yes timin aniiŋ tau waria izila taan loolo geeg mako. Tauvene tiyooz tuŋia mako. Isaav ighe tamtamon tigham saghatin zi, ma pataŋani ite paam ivot pazi pasaa, titaghon Maaron aliiŋa, ene rekia mon ve tipul ghuruuŋ ila toozi, ve tighur murizi pa Maaron.

Matayu 12:18

“Aghita besooŋa tsiau tana. Yau taug nasiigho ve naghuru pa uraat tsiau. Yau lolog igheen tooni, ve igham ghau lolog poia kat. Yau aat nagham Avuvug pani, ve i pale ivotia ŋgar duduuŋa pa nugh nugh tau Yuda mako. Is 42:1+; Mt 3:17

1 Tesalonika 2:15

Aghita. Muuŋ, yes Yuda tirav propet siriv timatmaat, ve tirav Tiina toit Yesu imaat paam. Ve yei paam, tighur pataŋani payei, ve tiziir ghei nighau pa nugh toozi. Yes tighur koi pa tamtamon tisov. Tauvene ŋgar tau tighamghamu na, ene irau Maaron loolo mako. Mt 23:34+; Mbaŋ 2:23

1 Yoan 2:19

Muuŋ, zeran tawe tipaak ghiit, ve itiŋa taluplup ghiit. Eemon aazne, tipul lupuuŋ toit wa. Tauvene yes aat tamtamon toit duduuŋ mako. Imin ta yes tamtamon toit duduuŋ, kanaŋ irau tipul ghiit mako, ve tilepleep tomani ghiit soone. Ŋgar tau tighamu na, ene itotoi zi ighe muuŋ, yes tamtamon toit duduuŋ mako. Mbaŋ 20:30

Hibru 10:39

Ve iit tamin yes tau tiroi ve tighur murizi pa Maaron gha tilalez ne mako. Iit tamtamon to takis ghuruuŋ ila toit tuŋia, leso taleep mataan yaryaare le alok.

Yakobus 5:6

Yes zeran duduŋazi tau lezi sosor eta mako na, yam apapayooz zi pa savsaveeŋ, ve arav zi timatmaat. Ve yes tipamuul malmal payam mako. Mt 5:39