Hibru 10:25 - Maaron Saveeŋ Tooni Patabuyaaŋ Tuam

²⁵ Ve ŋgar to talup ghiit pa suŋuuŋ, ene tapuli sov. Yau nasavia saveeŋ tane pasaa, tamtamon tsiam siriv, naghozi perperia pa lupuuŋ tsiam mako. Tauvene matamim iŋgal ve aluplup gham ve avapaloti gham. Pa aghita. Saawe to Tiina toit, ene ilam igharau wa. Mbaŋ 2:42; Ro 13:11; Kol 3:16

Mutu (Oov)

²⁵ Ve ŋgar to talup ghiit pa suŋuuŋ, nene tapuli malep. You nasavia saveeŋ tonene pasa, tamtoghon tiam pida naghodi perperia pa lupuuŋ tiam maau. Tovenen matamim iŋgal ve alup gham ve awapalotin gham. Pasa, sawa to Tiina toit, nene inim igharau wa. Mbaŋ 2:42; Ro 13:11; Kol 3:16

Hibru 10:25 Referans Kwoze

Uraat To Yes Mbaŋooŋa 2:42

Yes tau tighur ila to Krisi na, monmon tighurghur taliŋazi pa saveeŋ tau yes mbaŋooŋa tipaduduuŋ zi pani na, ve tighamgham ŋgar pani poi. Ve tivavaule zi, ve tiluplup zi pa suŋuuŋ tomania ghanghaniiŋ.

Matayu 18:20

Pa isaav ighe tamtamon ruta, ma tolta tilup zi pa yau ezag, yau aat naleep tomani zi.” Mt 28:20; Yo 14:23

1 Tesalonika 5:11

Tauvene yam asov avapaloti gham ve apariaaŋ zeetmimŋa pa ŋgar to Krisi, imin tau aazne yam aghamghamu ne. Hib 10:24+

Hibru 3:13

Saawe isov, yam aat avapaloti gham. Mako pale ŋgar saghati itombaan tsiam eta, mako ipoon loolo ve irau ighilaal Maaron muul mako. Uraat to palotiiŋ tana, asakia ila saawe ite paam sov. Aghamu ta aazne. 1Tes 5:11,14; Hib 10:24+

Hibru 10:24

Ve tail eez to tapaburigin zetaanŋa, leso iit tasov loloon pa tamtamon ve tagham poghani zi, ve tagham uraat popoia maata maata. Hib 3:13

1 Korin 5:4

Tauvene yau nasaav payam tauvene: Yam aat alup gham ila Tiina toit Yesu Krisi eeza, ve ila uraat to Maaron Avuvu, yau pale naleep tomani gham paam, ve Tiina toit Yesu tapiri izaa tsiam. Mako aziir ŋeer tawe pa lupuuŋ tsiam, ve aghuru ila Sadan niima, ve iyamaan katin pataŋani to lepoogh tauvene. Leso itoor ŋgar tooni, ve ipul ŋgar to loolo muŋgaana ileple, ve saawe to Tiina toit Yesu imuul ilam, i aat igham mulin ŋeer tana, ve ileep poi. Mt 18:18+; Kol 2:5; 1Tim 1:20

1 Tesalonika 4:18

Tauvene matamim iŋgal saveeŋ tane, ve avapaloti gham pani.

Uraat To Yes Mbaŋooŋa 2:1

Tizaa pa saawe to Pentekos, ve yes tau tighur ila to Yesu na, tilup zi ila niazi eemon ve tilepleep.

Uraat To Yes Mbaŋooŋa 20:7

Saawe imin maata (o Sande) to wik tana, yeŋa zeetmaiŋa to nugh Troas nilup ghei pa ghanghaniiŋ ve suŋuuŋ iloŋ ila ruum ee loolo tau igheen saaŋa. Yes titun lam katini, ve yesŋa Paulus tivasavo zi pa Maaron aliiŋa ila le mboŋ anooŋa. Pasaa, Paulus ighe nughizau, mako ipul zi, ve ila.

1 Korin 14:3

Eemon yes tau tivotia Maaron aliiŋa imin propet na, tisavia saveeŋ tau tamtamon irau tilooŋa ve tighazooŋ pani. Tauta tipalot zetazŋa ve tiseeŋ ŋgar toozi, ve tirav atezi leso lolozi poia, ve tipariaaŋ zi to titaghon ŋgar poia.

Rau Tau Paulus Iboode Pa Yes Roma Rom--Romans 12:8

Ve isaav ighe eta le ŋgar pa uraat to palotiiŋ tamtamon, i aat ipalot zi. Ve ighe eta le uraat to reiŋ gabua pa yes mbolaaŋa, i aat iuul zi kat, ve irei gabua tooni toman loolo poia. Isaav ighe eta le ŋgar pa ŋginiiŋ uraat, i aat maata izaa pa uraat tooni, ve ighamu kat. Ve ighe eta le ŋgar pa uraat to uleeŋ yes tau pataŋani igham zi na, i aat iuul zi toman loolo poia. 2Kor 9:6-13; 1Pe 5:2

Pilipai 4:5

Yam aat atotoi ŋgar marowa ila tamtamon tisov matazi. Pa saawe to Tiina toit, ene ilam igharau wa. Hib 10:37; Yems 5:8+; 1Pe 4:7

2 Petrus 3:9

Onoon, tamtamon siriv tigham ŋgar tighe Tiina toit izuzuar pa taghoniiŋ saveeŋ mbuaaŋ tooni. Eemon mako. I ighurghur sooso payam. Pasaa, loolo pa tamtamon eta ilale sov. I ighe tamtamon tisov titoor ŋgar toozi ila pani. Tauta iyai ghi, ve ighur atuya pa tamtamon rekia mako. Ro 2:4; 1Tim 2:4

Yakobus 5:8

Yam tauvene paam. Atemim izi, ayooz ariaaŋ, ve asaŋan Tiina toit. Pa saawe to muleeŋ tooni, ene igharau wa. Ro 13:11+; 1Pe 4:7

1 Korin 14:23

Aghita. Isaav ighe alup gham pa suŋuuŋ, ve yam asov asavia saveeŋ imin kaolaaŋ, ve ighe tamtamon siriv tau tighur ila soone ve tikankaan pa Maaron na, tilat tomani gham pa suŋuuŋ, ene pale tighit gham tighe yam avaghamgham imin borauŋa!

Rau Tau Jud Iboode Jut--Jude 1:19

Tamtamon tauvene, tireureu lupuuŋ to Krisi. Pasaa, Maaron Avuvu ileep ila lolozi mako, ve titaghon ŋgar to taan mon.

2 Petrus 3:14

Tauvene zeran tsiau, saawe tau aleep ve asasaŋan saawe to gabua tana ivot, yam azuari gham le ŋgar tsiam isov iŋgalaaŋ mon. Leso lemim sosor eta ila Maaron maata mako, ve yamŋa Maaron avalupu gham amin eemon ve aleep poia. Pil 1:10; 1Tes 3:13, 5:23

1 Petrus 4:7

Aazne, saawe to gabua naol tisov tilalez, ene ilam igharau wa. Tauvene agham ŋgar poi, ve aŋgin taumim poi. Leso iuul gham pa suŋuuŋ tsiam. Ro 13:12+

2 Petrus 3:11

Tauvene murei, Maaron pale ipasov gabua naol isov gha tilalez. Ighe tauvene, na saa ŋgar ta pale ataghoni? Yam aat agham ŋgar patabuyaaŋ mon, matamim iŋgal Maaron ve ataghon eez tooni, asaŋan saawe tana, ve tinimim ibees pa uraat to votiaaŋ vaaru poia. Leso apasulai saawe tana gha ivot rekia. Saawe tana ighe ivot, ene pale yav iyaryaar ve ighan sambam saamba, ve igham gabua naol isov tau tigheen ila sambam saamba na, tireer gha tilalez. Lu 12:36; Tit 2:13

1 Korin 11:20

Saawe tau alup gham pa suŋuuŋ, yam ataghon ghanghaniiŋ to Tiina toit ŋgara mako.

1 Korin 3:13

Tala tala le ighe tazaa pa saawe to gabizooŋ ivot, mako yes tau tirau ruum na, uraat toozi anooŋa ivot ighazooŋ. Gabizooŋ tawe ŋgara, ene imin tamtamon tighur gabua ila yav, leso titoova ve tighita: Ene gabua ariaaŋa, ma gabua sorok? Ighe tirau ruum pa malimooŋ ariaaŋa, ene pale yav tawe irau ighani mako. Eemon ighe tirau ruum pa malimooŋ tau ariaaŋa mako, ene pale yav ighan uraat toozi gha ilale. 1Kor 4:5

Uraat To Yes Mbaŋooŋa 16:16

Saawe ee, yei nighe nimuul nila pa suŋuuŋ niia tau igheen yaa ziige na. Nila le nizaa to besooŋa livaa ee. I, avuvu saghati izeeva le irau ivotia gabua siriv tau murei pale tivot. Tauvene yes daaba tooni tiyauyau maet tiina ila uraat tooni tawe.

Matayu 10:15

Onoon kat, yau nasaav payam: Saawe to Mboŋ Murei, ve Maaron ighe igabiiz tamtamon ve ighur atuya pazi, pataŋani tiina kat pale iŋarui nugh tawe tamtamona le iliiv pataŋani tau muuŋ ivot pa nugh Sodom ve Gomora.

Yoan 12:48

Ve alooŋ! Tamtamon tisov tau tizor ghau, ve lolozi pa ghamuuŋ saveeŋ tsiau mako na, saawe to Mboŋ Murei, Maaron pale igabiiz zi itaghon saveeŋ tau yau nasavia na, ve ighur atuya pazi. Lo 18:19; Yo 3:18

Hibru 10:37

Pasaa, Maaron saveeŋ tooni isaav tauvene. Ighe: “Ŋeer tau ighe ilam na, malau mako pale ilam ivot. Irau izuar mako.

Hibru 13:22

Yam toŋvetaz, yau nabood saveeŋ tuuku ila rau tane to napalot gham. Ve naghason gham naghe aghur taliŋamim pani poi. Ambuzir sov.